Ɔkoolɔhi Lɛyikwu Ujisɔsi
Nwu ɔdā alɛwa fiyɛ lɛyikwu Ujisɔsi, nōo wɛ Ɔyinɔnyilɔ ku Ɔwɔico mla Ohɔnyɛta ku alɛɛcɛ, ipu ɛnɛɛnɛ uvidio ɛyɛɛyɛyi nyā.
Uvidio 1: Ɔlá Ɔkwɔɔkwɛyi Ku Ɛcɛ A
Ɛgɛnyá nɛ alɛɛcɛ gáā lɛ onyata ŋma íne ō biya nɛ Adam kpo uwa tu ipu nu a? Umesayiya a wɛ eyiyoce foofunu nɛ alɛɛcɛ lɛ a.
Uvidio 2: “Ɔyínɔ̄nyīlɔ kú um . . . yɔ̄ á”
Ujɔni Ō Ya Ubatisim lɛ ɔwɛ tutu lɛ Umɛsayiya a. má aɔdā ɛnɛɛnɛ nōó ya nōo mafo ō gbɔɔ ku uklɔ ku ɔna ō ta ku Ujisɔsi ipu ɛcɛ a!
Uvidio 3: “Ami Wɛ Anú Á”
Ujisɔsi lɛ uklɔ ku nu ō wɛ Umɛsayiya a da Unikɔdimɔsi, ɔnyā ku Usameriya éyi mla ācɛ nōo lā Unasaret, amáŋ ācɛ ligii nɛ ɔtu ku uwa lɔhi a miya anu a. Igbihi nɛ ó yuklɔ idaago nɛhi nōo lɔfu piya oyeeyi ku ɔcɛ abɔ a, ó hi ācɛ ō kwu ɛbeenyi nōo wɛ ācɛ ō tu iyi uwa waajɛ a igwú kéē yɛce ɔ.
Uvidio 4: “Ohígbū Ɔ́ɔmā Nɛ̄ N Wā Á”
Ujisɔsi ma ɔfu ku nu fu ŋma lɛ ō hɛ ācɛ ta ŋma ōcē ku uwa, klla nu aalelekwu obɔbi bɛɛcɛ ŋma iyē ku uwa. Amáŋ ācɛ néē cɛ ɛlā ku nu ŋ ma dɔka ō je ɔ ŋmo. Ŋma lɛ ɔwɛ nɛ Ujisɔsi gē bi le nwu ɛlā klla gbonɛnɛ lɛ ācɛ a, Ujisɔsi lɛ ayikpo lɛ klla lɛ acotɛhɔ igwɛɛpa (12) fu.
Uvidio 5: “Ɔdā Nōó Nwū Ā Le Hɛ́ Ācɛ Idáagó”
Igbihi nɛ Ujisɔsi lɛ ɛwa ku ācɛ hɛta ŋma ōcē ku uwa a, ó gbɔɔ ō nwu ācɛ a ɛlā ɔwɛ nɛ itica ku uwa i nwu uwa jeeje ɛ ŋ ma. Ɔwɛ nɛ ó bi íkwu ku nu le yuklɔ, ɛgɛ nɛ ó bi aciije le nwu ɛlā, mla ɛgɛ nɛ ó mafu lɛ uwa ɛgɛ néē géē bi ɔ le yuklɔ ipu oyeeyi ku ɛ̄cī doodu a le hɛ ācɛ a idaago.
Uvidio 6: ‘Awɔ Wɛ Ɔ̄cɛ Nēé Ka Ka A Gē Wā Á Nɛɛ?’
Ujisɔsi mafu ka ó lɛ ɔfu ō lɛ ācɛ heyi ŋma ɔlekwu. Auklɔ idaago nɛ ó ya a mla aɛlā ijeeyi nɛ ó nwu a mafu ɔdā nɛ ācɛ nōo yɔ i jahɔ ta ɔ a bi ɔtu a. Ujisɔsi bi aciije lɛ aɛl lɛyikwu Ajɔɔcɛ a teyi peee.
