Lé Kpẹ̀a Ea Kil Ló Jíízọ̀s
Mm̀ nakà vídiòí, òé nó gã́bug nú ea kil ló Jíízọ̀s Kráìst, ea dú Sã́áná Bàrì vaá dú bẹẹ Neǹ Dùùlà.
1 Báàsĩ́: Kà-kà Ẹ́ẹ́ Dee Ea Dì Nè Bàlà Boo
Mósĩ́ deè ní e gbò nen é láá ié dùùà aa bá náàkyọ̀ Ádàm ẽ? Áá Mèsáíà ní ea dú bẹẹ ból dẽesĩ́ ẽ́.
2 Báàsĩ́: “Níì Nà Sã́ánán”
Jṍòn Neǹ Dììlè Nen Múú beè kpoogè dee ló èèlè sẹ̀ẹ̀ Mèsáíà. Ẹ̀b nú ea beè naaá ea zógè tṍó e Jíízọ̀s daamà togé gè sí a tóm gbẹá boo kunukẽ̀í!
3 Báàsĩ́: “Níà Nda”
Jíízọ̀s beè tú a lóó tẹlẹ bàlà kẽ nè Nìkòdímòs, ńnváá Sàmérià, nè pá ba boǹ Názarẹ̀t, sõò gbò e bà íe lé bùlà ní e ba beè nyoonée nvée ẽ́. Tṍó ea sí agẹbá tóm dũ̀ùnè lọ̀l, a beè gbóó kolí gbò síì dọọ̀ kọ bàá nyoonèèe nvée.
4 Báàsĩ́: “Níà Nú Em Beè Dú Ló É”
Jíízọ̀s tú a kpóó tẹlẹ bàlà kẽ tení dú ló gè bó gbò nen vaá kpó zọ lọl mm̀ nen. Sõò sìgà gbò beè noo gè fẹ́ẹ boo béè kọọ̀ tómá náa beè leemá va. Jíízọ̀s beè ié gã́bug gbò nyòòne nvée nè 12 nen ea lẹẹlà, boo béè kọ a beè palàge ié sàn nyíe vaá noomà nu leevè.
5 Báàsĩ́: “Bé Ea Nóòmà Nu Naa Beè Palàge Bọọ́ Ló Gbòa”
Tṍó e Jíízọ̀s bó gã́bug gbòa lọ̀l, a beè gbóó dààmà togó gè noomà va nu mm̀ sĩ́deè e tọ́ọ̀ nen náa é láá noomà èl vó. Bá ea lóómá bel nè gbò nu dòòle ló ea dọ bélè nè va beè palàge bọọ vá ló.
6 Báàsĩ́: “É Kọ Olo Ní Eo Dúù Nen E Ba Beè Kọ À É Dúá Ẹ́?”
Jíízọ̀s zógè kọ à íèè kpóó tení dú ló gè kẽee gbò e ba beè ù. Gbò tóm dũ̀ùnè ea sí, nè gbò nú ea nóòmà beè tú nú ea di nyíè gbò e bà géè pãanée tṍ ló tẹlẹ bàlà kẽ. Jíízọ̀s beè tú bel dòòle ló bààmà tẽ́ kele-kele gá ea di ló Boǹ Méné Bàrì.
