Mɔɔ Gyisɛse wɔ azɛlɛ ye azo la ɔhulole menli kpole kpalɛ, titili bɛdabɛ mɔɔ bɛle ehyiavolɛma na bɛlɛnwu amaneɛ la. (Mateyu 9:36) Ɔvale ye ngoane bɔbɔ ɔbɔle ɔfɔle amaa yeaboa awie mɔ. (Mateyu 20:28; Dwɔn 15:13) Ɔnrɛhyɛ, ɔbamaa menli anwu ɛlɔlɛ mɔɔ ɔlɛ ɔmaa bɛ la bieko ɔluakɛ ɔbava tumi mɔɔ ɔlɛ kɛ Nyamenle Belemgbunlililɛ ne azo Belemgbunli la yeaye ehyia yeavi azɛlɛ ye kɔsɔɔti azo.

 Baebolo ne ka mɔɔ Gyisɛse bayɛ la anwo edwɛkɛ kɛnlɛma kɛ:

•   “Maa ɔli koahweabanema mɔɔ wɔ menli ne anu la edwɛkɛ ɔmaa bɛ, maa ɔlie ehyianli amra.”​—Edwɛne 72:4.

 Kɛ ɔkɛyɛ na yɛahile mɔɔ Gyisɛse ɛyɛ ɛmaa yɛ nee mɔɔ ɔnrɛhyɛ ɔbayɛ yeamaa yɛ la anwo anyezɔlɛ ɛ? Gyisɛse hanle hilele ye ɛdoavolɛma wɔ Luku 22:19 kɛ bɛhakye ye ewule ne. Ɛhye ati a Gyihova Alasevolɛ yia nu ɛvolɛ biala bɛkakye ye ewule ne la. Yɛlɛto ɛsalɛ yɛavɛlɛ wɔ kɛ ɛraboka yɛ nwo ɛmaa yɛyɛ Gyisɛse ewule Ngakyelɛ ne wɔ Molɛ, March 24, 2024.

Kpondɛ Ngakyelɛlilɛ