Pátmos hoolyéedi, yilʼaadii John awáalya jizdáago, Jesus éí náasdi ádahodooníiłii hoł ííshjání áyiilaa. Adahaskid nahalingo yitʼíní ályaii 16 ałkééʼ nínil. Jiihóvah bízhiʼ diyingo áńdoolnííł, biNahatʼaʼ yee hooʼáał doo, áádóó Bí íinízinii bikʼehgo yáʼąąshdi áhootʼéii nahasdzáán bikáaʼgi tʼáá ákótʼé dooleełgi bééhóziní ályaa.

Yitʼíní jiiłtsánígíí łaʼ kótʼé. Yáʼąąshdi Jiihóvah bikááʼdóó nahatʼáii bitsʼáʼdinílíidgo yikááʼ dah sidá. Ákwii thunder dadiitsʼaʼ dóó lightning bee chʼééʼdídlaʼ. Hastóí 24 yiltʼéego biʼééʼ daalgaigo, óola crown dabichʼahgo binaagóó naháaztą́. Hastóí éí Jiihóvah deidósingo yichʼįʼ yaa ádaatʼé. Náánáłaʼ yitʼíní éí daʼníłtsʼą́ą́ʼdę́ę́ʼ diné bizaad ałʼąą ádaatʼéii tʼóó ahayóí áłah nilı̨́įgo Jiihóvah deidósingo jiiłtsą́. Jesus, Dibé Yázhí bidiʼníinii, éí baa áhályą́ągo iiná tó háálı̨́įjįʼ tábidiʼéésh. Yáʼąąshdi Jesus naatʼáanii nilı̨́įgo, hastóí 24 yiltʼéhígíí yił dahwéeʼaahgo ałdóʼ hoł yitʼíní ályaa. Yáʼąąshdi ałdóʼ kóhooníiłgo jiiłtsą́: Jesus éí Séítan dóó demons yichʼįʼ naabaah, Jesus éí tʼáá ájíłtso nahasdzáán bikáaʼjįʼ ahwiistłʼííd.

 Nizhóní yeeʼ, John éí Dził Záíyan bikáaʼgi Dibé Yázhí dóó 144,000 yiltʼéhígíí yił naazı̨́įgo jiiłtsą́. Diyingo naalʼaʼí nahasdzáán bikáaʼgi naanáátʼahgo kóníigo jiiłtsą́, God baa dahohniihgo dadíínóhsin.

Yitʼíní ánáánályaaígíí éí Armagédangi daʼahijigą́. Ákwii Jesus dóó bisiláo éí Séítan baaʼihgo hooʼááł yę́ę yikʼeh dadeesdlı̨́ı̨́ʼ. Yitʼíní bee nihoolzhiizh John jiiłtsánígíí éí yáʼąąsh dóó nahasdzáán bikááʼ hózhǫ́ náhásdlı̨́ı̨́ʼ. Séítan dóó bikééʼ naazíinii ałtso ábiʼdisdįįd. Yáʼąąshdi índa nahasdzáán bikáaʼgi, Jiihóvah bízhiʼ diyingo dazhdósin.