Diriša dipapišo tše bonolo. Go swana le Jesu, diriša dilo tšeo batheetši ba di tlwaetšego go hlalosa dithuto tše di tseneletšego, gomme o diriše dilo tše bonolo go hlalosa dithuto tše thata. O se ke wa tla ka ditaba tšeo di feleletšago di dira gore papišo ya gago e raragane. Kgonthišetša gore ditaba tša papišong ya gago di sepedišana gabotse le seo o se rutago e le gore batheetši ba se ipotšiše gore o nyaka go reng.

Dula o nagana ka batheetši ba gago. Ge o nea papišo, bolela ka dilo tšeo batheetši ba di tsebago le tšeo ba tlago go di kwešiša. O se ke wa diriša dipapišo tšeo di tlago go ba leša dihlong goba tša ba kgopiša.

Diriša papišo go ruta ntlha e bohlokwa. Diriša papišo ge o hlalosa dintlha tše bohlokwa feela, e sego ditabeng tša tlaleletšo. Batheetši ga se ba swanela go no gopola papišo ya gago, eupša gape ba swanetše go gopola seo ba ithutilego sona papišong yeo.