DINAGA LE BATHO
Go Etela New Zealand
MO E ka bago mengwageng e 800 e fetilego, merafo ya Maori e be e sepela dikhilomithara tše dikete e phatša mawatle gore e yo dula New Zealand. Ge e fihla moo e ile ya hwetša gore naga ya moo e fapane kgole le ya dihlakahlakeng tša Polynesia moo e bego e etšwa gona. Merafo yeo e ile ya hwetša naga e apareditšwego ke dithaba gomme e na le matamo a meetse a go fiša le lehlwa. Morafo o mongwe wa badudi ba moo o fihlile ka morago ga mengwaga e ka bago e 500, gomme wona o be o etšwa Yuropa. Lehono batho ba bantši ba New Zealand ba dumela gore ditšo tša bona di hueditšwe ke ditšo tša batho ba tšwago Anglo-Saxon le Pol-ynesia. Palo ye e nyakilego go ba diperesente tše 90 ya badudi ba moo, e dula ditoropong. Motsemošate wa Wellington wo o lego ka borwa, o tumile ka go ba lekatana go feta metsemešate ka moka mo lefaseng.
Matamo a leraga leo le belago a Sehlakahlakeng sa ka Leboa
Ka ge New Zealand e le naga e botse ka ditsela tše di fapafapanego, ga go makatše gore, le ge e le lekatana, ngwaga le ngwaga e etelwa ke batho ba go boga naga ba fihlago go dimilione tše tharo.
Mohlare wa matlakala a mmala wa silifera o kgona go gola wa ba botelele bja dimithara tše lesome
Go be go naganwa gore nonyana yeo e sa fofego yeo e bitšwago takahe e hweletše go ba go fihla e hwetšwa gape ka 1948
New Zealand e na le mehutahuta ya diphoofolo tša naga tšeo di sa swanego le tša dinaga tše dingwe, e bile e na le mehutahuta ya dinonyana tšeo di sa fofego tšeo di sa hwetšwego le ge e le kae lefaseng. Gape go na le segagabi sa mohuta wa mokgaditswane seo se bitšwago tuatara, seo se kgonago go phela mengwaga e lekgolo. Diamuši tša moo ke mehuta e sego kae ya bo-mankgagane le diamuši tše dingwe tša ka lewatleng, tšeo di akaretšago di-whale le di-dolphin.
Go šetše go fetile mengwaga e nyakilego go ba e 120 Dihlatse tša Jehofa di le gona nageng ya New Zealand. Di ruta batho Beibele bonyenyane ka maleme a 19, ao a akaretšago dipolelo tša Polynesia tša Seniuea, Serarotonga, Sesamoa le Setonga.
Morafo wa Maori o binela koša e itšego o apere diaparo tša wona tša setšo
You May Also Like
PHAFOGA!
Go Etela Kazakhstan
Mehleng e fetilego batho ba Kazakhstan ba be ba phela ka go ralala le go dula ka gare ga di-yurt. Tsela yeo batho ba ba phelago ka yona mehleng yeno e bonagatša bjang ditšo tša borakgolokhukhu ba bona?
PHAFOGA!
Go Etela Sepania
Sepania ke naga ya dilo tšeo di fapafapanego—tseleng yeo e bogegago ka yona le batho ba yona. Sepania e tšweletša se sengwe sa dijo tšeo di tsebjago kudu go feta naga le ge e le efe lefaseng.
PHAFOGA!
Go Etela Kyrgyzstan
Batho ba Kyrgyzstan ba tsebja kudu ka go amogela baeng le go hlompha. Ke moetlo ofe wo o latelwago malapeng a bona?
PHAFOGA!
Go Etela Liechtenstein
Ke’ng seo se dirago gore ngwaga ka moka batho ba etele naga ye yeo e se nago badudi ba bantši?
PHAFOGA!
Go Etela Uzbekistan
Ithute ka mo go oketšegilego ka Uzbekistan le hisitori ya go fetoga ga ditlhaka tša Mauzbek.
PHAFOGA!
Go Etela Nicaragua
Ke naga e nnoši yeo e nago le letsha la meetse ao a se nago letswai ao a nago le diphedi tša ka lewatleng tše bjalo ka dišaka, swordfish le hlapi yeo e bitšwago tarpon.
