PHAFOGA! No. 2 2018 | Dilo tše 12 Tšeo di Dirago Gore Lapa le Thabe
Dilo tše 12 Tšeo di Dirago Gore Malapa a Thabe
Gantši re kwa ka dilo tšeo di bakago mathata ka malapeng. Eupša ke eng seo se dirago gore malapa a mangwe a atlege?
Magareng ga 1990 le 2015, palo ya banyalani bao ba hlalanego kua United States, bao ba lego mengwageng ya ka godimo ga e 50 e oketšegile ka makga a mabedi, gomme ya bao ba lego mengwageng ya ka godimo ga e 65 e oketšegile ka makga a mararo.
Batswadi ba gakanegile ka gobane ditsebi tše dingwe di kgothaletša gore bana ba dule ba retwa, mola tše dingwe di re bana ba dule ba laiwa e le gore ba gole gabotse.
Bafsa ba gola ba sa kgone go itirela dilo.
Lega go le bjalo, se se kgahlišago ke gore . . .
Banyalani ba ka dula ba thabile le go kgaoganywa ke lehu.
Batswadi ba ka ithuta go laya bana ba bona ka lerato.
Bafsa ba ka ithuta go itirela dilo tšeo di tla ba thušago ge ba godile.
Dilo tše di ka kgonega bjang? Makasine wo wa Phafoga! o tlo hlalosa dilo tše 12 tšeo di ka dirago gore malapa a thabe.
1: Dula Lenyalong la Gago
Ditšhišinyo tše tharo tšeo di ka thušago banyalani gore ba dule ba le lenyalong la bona.
2: Dirišanang
Na molekane wa gago e fo ba motho feela yo o dulago le yena?
3: Hlomphanang
Tseba gore ke mantšu afe le ditiro dife tšeo di dirago gore molekane wa gago a ikwe a hlomphiwa.
4: Lebalelanang
O ka thušwa ke eng gore o se dule o lebeletše diphošo tša molekane wa gago?
5: Boledišanang
Go na le dilo tše tharo tšeo di ka go thušago gore o kgone go boledišana le bana ba gago.
6: Go Laya Bana
Na go laya ngwana go dira gore a inyatše?
7: Mekgwa e Mebotse
O swanetše go ruta bana ba gago mekgwa efe e mebotse?
8: Ebang Mehlala
Ge o nyaka gore bana ba gago ba kwe seo o se bolelago, gona o swanetše go dira seo o ba botšago sona.
9: Seo o Lego Sona
Bafsa ba ka emela bjang ditumelo tša bona?
10: Go Tshepagala
Go dira gore batswadi ba gago ba go tshepe ke mogato wa bohlokwa gore o gole.
11: Go Šoma ka Thata
Ge mofsa a ithuta go šoma ka thata o tlo atlega bophelong.
12: Dilo Tšeo o Nyakago go di Fihlelela
Ge o hwetša dilo tšeo o bego o di nyaka, o tlo ikwa o itshepa, wa ba le bagwera ba nnete gomme wa thaba kudu.
Dilo tše Dingwe Tšeo di ka Thušago Lapa
Keletšo ya Beibele e ka go thuša gore o thabele lenyalo le gore lapa la gago le thabe.
