NA O KA RE O ARABA DITHAPELO TŠA  . . .

• Batho bohle?

• Batho ba itšego?

• Goba ga a arabe le ya o tee

SEO BEIBELE E SE BOLELAGO

“Jehofa o kgauswi le bohle . . . bao ba mmitšago ka go rereša.”​—Psalme 145:18.

KE ENG SE SENGWE SEO RE KA ITHUTAGO SONA KA BEIBELENG?

• Modimo o hlokomologa dithapelo tša bao ba rabelago kgahlanong le yena. (Jesaya 1:15) Lega go le bjalo, ba ka ‘lokiša ditaba’ le yena ka go fetoša ditsela tša bona.​—Jesaya 1:18.

• E le gore thapelo e arabje ke Modimo, e swanetše go dumelelana le thato ya gagwe yeo e hwetšwago ka Beibeleng.​—1 Johane 5:14.

BATHO BA BANGWE BA DUMELA gore ka mehla ge ba rapela ba swanetše go khunama ka matolo, go inamiša dihlogo le go phutha matsogo. Wena o nagana eng?

SEO BEIBELE E SE BOLELAGO

Modimo o ile a amogela dithapelo tša bao ba bego ba rapela ba ‘dutše’ goba ba ‘eme’ le tša bao ba bego ba “rapaletše” goba ba ‘khuname ka matolo.’ (1 Dikoronika 17:16; 2 Dikoronika 30:27; Esera 10:1; Ditiro 9:40) Ga se a letela gore re rapele re eme ka tsela e itšego.

KE ENG SE SENGWE SEO RE KA ITHUTAGO SONA KA BEIBELENG?

• Modimo o theetša dithapelo tša bao ba ikokobeditšego.​—Psalme 138:6.

• O ka rapela ka leleme le ge e le lefe goba ka setu.​—2 Dikoronika 6:32, 33; Nehemia 2:1-6.