Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Na Modimo o Bopetše Diabolo go re Leka?

Na Modimo o Bopetše Diabolo go re Leka?

Karabo ya Beibele

Beibele e bontšha gore Modimo ga se a bopa Diabolo. Go e na le moo, O bopile motho yo a ilego a fetoga Diabolo. Beibele e bolela ka Modimo gore: “Mediro ya gagwe e phethagetše, gobane ditsela tša gagwe ka moka ke tša toka. Ke Modimo yo a botegago, yoo go yena go se nago go hloka toka; o lokile e bile o letlile.” (Doiteronomio 32:3-5) Go ya ka mantšu ao, re ka phetha ka gore ka nako e itšego Sathane Diabolo o be a phethagetše e bile a lokile, e le yo mongwe barwa ba Modimo ba barongwa.

Go Johane 8:44, Jesu o itše Diabolo “ga se a ka a ema a tiile therešong,” e lego seo se bolelago gore Sathane o be a kile a botega e bile a se na molato.

Lega go le bjalo, ka go swana le dibopiwa ka moka tša Jehofa tše bohlale, morongwa yo a ilego a fetoga Sathane o be a na le tokologo ya go kgetha magareng ga se se nepagetšego le se se fošagetšego. Ka go kgetha tsela yeo e ganetšanago le Modimo le go tutueletša banyalani ba pele gore ba mo tlatše, o ile a itira Sathane, e lego leina leo le bolelago gore “Moganetši.”—Genesi 3:1-5; Kutollo 12:9.

Ithute ka mo go oketšegilego

Diabolo o tšwa Kae?

Ge e ba Modimo a bopile dilo ka moka, na a ka ba a bopile Diabolo? Hlahloba seo Beibele e se bolelago.