TABA YA LETLAKALA LA KA NTLE
Bophelo bo Thomile Bjang?
O be o ka feleletša bjang lefoko le le latelago?
BOPHELO BO BILE GONA KA ․․․․․.
-
TLHAGELELO
-
TLHOLO
BA BANGWE ba ka nagana gore motho yo a sekametšego go tša thutamahlale o tla kgetha “tlhagelelo” mola yo a sekametšego bodumeding a tla kgetha “tlholo.”
Eupša ga se ka mehla go lego bjalo.
Ela hloko Gerard, e lego moprofesara wa thuto ya dikhunkhwane yo a rutilwego tlhagelelo kholetšheng. O re: “Ge ke be ke dira diteko, ke be ke nea baprofesara dikarabo tšeo ba bego ba di nyaka—eupša ke be ke sa di dumele.”
Ke ka baka la’ng le batho ba bangwe bao ba sekametšego go tša thutamahlale ba thatafalelwa ke go amogela gore bophelo bo thomile ka tlhagelelo? Go araba potšišo yeo, ela hloko dipotšišo tše pedi tšeo di tlabago banyakišiši ba bantši: (1) Bophelo bo bile gona bjang? le (2) Diphedi di tšwa kae?
You May Also Like
PHAFOGA!
Kamoo Bophelo bo Thomilego ka Gona—Dipotšišo tše Pedi Tšeo di Swanetšego go Botšišwa
Itirele phetho ya ge e ba dikarabo tšeo tlhagelelo e di neago mabapi le kamoo bophelo bo thomilego ka gona e le tšeo di go kgotsofatšago.
