Jobo 39:1-30
39 “Na o a tseba gore dipudi tša thabeng di tswala neng?+
Na o kile wa bona kgama* e tswala?+
2 Na o a tseba gore di duša* dikgwedi tše kae,
Goba na o a tseba gore di tswala neng?
3 Di a kudupana ge di tswala bana ba tšona,Gomme dihlabi tša tšona tša fela.
4 Bana ba tšona ba a tia gomme ba golela nageng.Ba a sepela gomme ba se sa boela go bommago bona.
5 Ke mang yo a lokollago tonki ya nageng,+Le gona ke mang yo a tlemollago dithapo tša tonki ya nageng?
6 Ke dirile gore leganata e be legae la tšona,Gomme di dule nageng yeo e nago le letswai.
7 Tonki ya nageng e dulela kgole le tlhakatlhakano ya motseng,Ga e kwe lešata la batho bao ba e goeletšago gore e šome.
8 E sepelasepela dithabeng e nyaka mo e ka fulago gona,Ebile e nyaka mohuta o mongwe le o mongwe wa semela se setala.
9 Na poo ya naga* e nyaka go go šomela,+
Goba na e ka fetša bošego ka moka e le ka lešakeng la gago?
10 Na o ka tlema poo ya naga ka thapo gomme wa dira gore e go lemele,Goba na e ka go šala morago gore e leme moeding?
11 Na o ka e tshepa ka ge e na le maatla a magolo,Gomme wa e tlogela e dira mošomo wa gago o boima?
12 Na o ka e tshepa gore e tla go bunela mabele ya a iša gae,Le gore e tla a kgobela seboeng* sa gago?
13 Maphego a mpšhe a phuphusela ka lethabo,Eupša na o ka bapetša maphego a yona le a mogolodi?+
14 Gobane e tlogela mae a yona mabung,Gomme ya a alamela leroleng.
15 Ga e nagane gore batho ba ka gata mae a yona ba a pšhatla,Goba gore diphoofolo tša nageng di ka a gatakela.
16 E swara matswianyane a yona makgwakgwa bjalo ka ge eka ga se a yona.+Ga e ne taba le gore matswianyane ao ge a ka hwa, e tla be e bereketše mahala.
17 Ka gobane Modimo o dirile gore e se ke ya ba bohlale,A ba a dira gore e se ke ya ba le kwešišo.
18 Eupša ge e phuphusetša maphego a yona godimo,E sega pere le monamedi wa yona.
19 Na ke wena o dirilego gore pere e be le maatla?+
Na ke wena o e kgabišitšego molala ka boya bjo bontši bjo bobotse?
20 Na o ka dira gore e taboge go swana le tšie?
Modumo wo e o dirago ka dinko tša yona o a tšhoša.+
21 E fata moeding ka ditlhako gomme ya taboga ka maatla,+E kitimela ntweng.+
22 Ga e tšhabe selo, gomme e segišwa ke dilo tša go boifiša.+
Le gona ge e bona sabola ga e gomele morago.
23 Mokotla wo o swerego mosebe o kgehlakgehla o le mo go yona,Sabola le lerumo di phadima di le go yona.
24 E kibakiba ka mafolofolo gomme ya ja fase,Le gona ga e kgone go ema ge e ekwa modumo wa lenaka.
25 Ge lenaka le lla e re: Agaa!
E nkgelela ntwa e le kgole,Le gona e kwa mokgoši wa ntwa le balaodi ba mašole ge ba goeletša.+
26 Na ke wena o rutilego pekwa go akalala,Na ke wena o e rutilego gore e phurollele maphego a yona ka borwa?
27 Goba na ke wena o laetšego ntšhu gore e fofele godimo,+Le gore e age sehlaga sa yona godimodimo?+
28 Bošego e robala leswikeng le legolo,Gomme e dula ntlhaneng ya leswika leo.
29 E tsoma dijo e le gona moo,+Mahlo a yona a bona tša kgole kudu.
30 Bana ba yona ba nwa madi,Moo go nago le dilo tšeo di hwilego le yona e gona.”+
Mengwalo ya Tlase
^ Kgama ke phoofolo yeo e nyakilego go swana le phala.
^ Lentšu go duša ke ge diphoofolo tše itšego di imile.
^ Go bonagala e le phoofolo yeo e swanago le nare.
^ Bona Tlhaloso ya Mantšu.
