Dipeakanyo tša go bula

Kgetha leleme

Eya go menyu wa bobedi

Eya go dikagare

Dihlatse tša Jehofa

Sepedi

Khutšo Lefaseng—E tla ba Gona Bjang?

Khutšo Lefaseng—E tla ba Gona Bjang?

Karabo ya Beibele

Khutšo lefaseng e ka se tlišwe ke maiteko a batho, eupša e tla tlišwa ke Mmušo wa Modimo, mmušo wa legodimong woo kgoši ya wona e lego Kriste Jesu. Ela hloko kamoo Beibele e re rutago ka gona mabapi le kholofelo ye e kgahlišago.

  1. Modimo o tla “fediša dintwa go fihla pheletšong ya lefase,” a phethagatša kholofetšo ya gagwe ya go tliša “khutšo lefaseng go bao a ba amogelago!”—Psalme 46:9; Luka 2:14, Good News Translation.
  2. Mmušo wa Modimo o tla buša lefase ka moka go tšwa legodimong. (Daniele 7:14) Ka ge e tla be e le mmušo wa lefase ka moka, o tla fediša botšhaba bjoo e lego modu wa dintwa tše dintši.
  3. Jesu yoo e lego Mmuši wa Mmušo wa Modimo, o bitšwa “Kgošana ya Khutšo,” gomme o tla kgonthišetša gore ‘khutšo ga e fele.’—Jesaya 9:6, 7.
  4. Batho bao ba ikemišeditšego go tšwela pele ba elwa ba ka se dumelelwe go phela ka tlase ga Mmušo woo, ka ge “moya wa [Modimo] o hloile le ge e le mang yo a ratago bošoro.”—Psalme 11:5; Diema 2:22.
  5. Modimo o ruta balata ba gagwe kamoo ba ka phelago ka khutšo. Ge Beibele e hlalosa ditlamorago tša thuto ye, e re: “Batho ba tla rula ditšhoša tša bona ba di dira megoma gomme marumo a bona ba a dira disekela. Setšhaba se ka se emišetše se sengwe tšhoša, e bile di ka se sa hlwa di ithuta ntwa.”—Jesaya 2:3, 4.

Dihlatse tša Jehofa tše dimilione lefaseng ka bophara di šetše di ithuta go tšwa go Modimo kamoo di ka bago le khutšo. (Mateo 5:9) Gaešita le ge re etšwa ditšong tše dintši tše di sa swanego e bile re dula dinageng tša ka godimo ga tše 230, re gana go lwa le magagabo rena.

 

Ithute ka mo go oketšegilego

Ditaba tše Dibotse ke Eng?

Ithute seo se bolelwago ke ditaba tše dibotse, ke ka baka la eng di akgofile, le gona ke eng seo o swanetšego go se dira.

Dihlatse tša Jehofa ke Batho ba Mohuta Mang?

O tseba Dihlatse tša Jehofa tše kae? O tseba’ng ka rena?