TLAMACHTIJLI 17

¿Tlenon kualtsin kichiua Jesús?

REPRODUCIR EN

Ijkuak tikmatij tlen Jesús okichiuj niman tlen okijto, más tiknekij touikaskej iuan Jesús niman iuan iTajtsin, Jehová. San ika ¿tlenon más kijtoua Biblia itech Jesús? ¿Niman tlenon uelis techpaleuis matikchiuakan ken yejua?

1. ¿Tleka tikijtouaj ika Jesús kichiua ijkon ken iTajtsin?

Jesús uejkaujtipan yonen iuan iTajtsin ne iluikak, yejua ika, melak miyek youel itech iTajtsin. Yejua tlanemilia niman kichiua ken Jehová (xkita Juan 5:19). Kema, Jesús noijki kuajli iyojlo ijkon ken iTajtsin, ika yejon, hasta okijto: “On yejuan nechita, no kita on noTajtsin” (Juan 14:9). Kuakon, tla tejua kuajli tikixmati Jesús, noijki kuajli tikixmatis Jehová. San xnemili yejuin, ijkuak tikitaj kenijki Jesús melak oteikneli, kuajli tikasikamatij ika Jehová noijki melak techiknelia.

2. ¿Kenijki okiteititi Jesús ika kitlasojtla iTajtsin?

Jesús okijto: “Nikchiuas on tlen noTajtsin onechnauatij para in tlaltikpaktlakamej kimatiskej ika nejua niktlajsojtla noTajtsin” (Juan 14:31). Ijkuak ouajlajka ipan tlaltikpaktli, Jesús melak kuajli okiteititi ika kitlasojtla Jehová. Yejua nochipa okitlakamat maski ijkuak kixnamikiya tlen xkuajli. Jesús noijki melak kuelitaya kinnojnotsas oksekimej itech iTajtsin niman kinpaleuis iuan manouikakan (Juan 14:23).

3. ¿Kenijki yokiteititi Jesús ika melak techtlasojtla?

Biblia kijtoua ika Jesús melak techtlasojtla (Proverbios 8:31, TNM). Ijkuak ouajlajka ipan tlaltikpaktli, yejua nochipa ika iyojlo okinpaleui oksekimej. Ijkuak okinchiuj milagros, xsan ones ika melak kojtik, noijki ones ika yejua melak teiknelia (Marcos 1:40-42). Jesús xakaj kichikoitaya, nochimej kuajli kinnotsaya. Nochi tlen kijtouaya kinyolseuiaya akin kikakiyaj. Yejua hasta okinokauili makitlajyouiltikan niman makimiktikan pampa techtlasojtla. San ika, más kintlasojtla akin kichiuaj tlen yejua otemachti (xkita Juan 15:13, 14).

OKSEKI XKASIKAMATI

Más kuajli matikixmatikan Jesús niman matikitakan kenijki uelis titetlasojtlaskej ijkon ken yejua.

4. Jesús kitlasojtla iTajtsin

Jesús otechititi kenijki uelis tikititiskej toTajtsin ika tiktlasojtlaj. Xkitakan Lucas 6:12 niman noijki Juan 15:10 niman 17:26. Ijkuak nenkitaskej se texto, xtlajtokan itech yejuin:

Ijkon ken Jesús, ¿tlenon uelis tikchiuaskej niman ijkon tikititiskej Jehová ika tiktlasojtlaj?

Jesús kitlasojtlaya iTajtsin niman nochipa kinotsaya.

5. Jesús kineki kinpaleuis akin tlajyouiyaj

Jesús xsan itech tlanemiliaya, yejua nochipa kinekiya kinpaleuis oksekimej. Maski melak siaujtoya, yejua nochipa tepaleuiaya. Xkitakan Marcos 6:30-44 niman xtlajtokan itech yejuin:

¿Otikitak kenijki okiteititi Jesús ika kinekiya tepaleuis? (Xkitakan Marcos 6:31, 34, 41, 42).
¿Tleka Jesús okinpaleui akin ompa nemiyaj? (Xkitakan Marcos 6:34).
¿Tlenon tiuelij itech Jehová ijkuak tikitaj nochi tlen Jesús okichiuj?
¿Kenijki uelis tikinpaleuiskej oksekimej ijkon ken okichiuj Jesús?

6. Jesús kuelita kitemakas

Maski Jesús xkipiaya miyek tlemach, nochipa kuelitaya kitemakas tlen kipiaya. Yejua kineki ika tejuamej noijki ijkon matikchiuakan. Xkitakan Hechos 20:35 niman xtlajtokan itech yejuin:

Ijkon ken okijto Jesús, ¿tlenon noneki tikchiuaskej tla tiknekij tiyolpakiskej?

Xkitakan VIDEO niman xtlajtokan itech yejuin:

VIDEO: “Más paki yejuan kitemaka xken on yejuan kiselia” (san achijtsin) (4:00)

¿Tlenon uelis tikchiuaskej inpampa oksekimej maski xmiyek tlen tikpiyaj?

¿Tikmatiya yejuin?

Biblia kijtoua ika ijkuak tiknotsaskej toTajtsin, noneki tikchiuaskej itechkopa itoka Jesús (xkitakan Juan 16:23, 24). Ijkuak ijkon tikchiuaj, tikteititiaj ika tiktlasojkamatij tlen okichiuj Jesús niman ijkon matiuelikan matouikakan iuan Jehová.

SEKIMEJ KIJTOUAJ: “ToTajtsin kichiua matitlajyouikan”.

Ijkuak tikitaj nochi tlen Jesús okichiuj, ¿tiknemilia ika Jehová yejua akin techtlajyouiltia?

TLEN OTIUEL

Jesús kitlasojtla Jehová, niman tejuamej noijki techtlasojtla. Yejua nochipa kichiua ijkon ken Jehová, ika yejon, tla más tikixmatij Jesús, noijki más tikixmatiskej Jehová.