LEZZJONI 1
Alla għamel is-sema u l-art
Alla Ġeħova huwa l-Ħallieq tagħna. Hu għamel kollox, kemm l-affarijiet li nistgħu naraw u kemm l-affarijiet li ma nistgħux naraw. Qabel ma ħalaq l-affarijiet li nistgħu naraw, hu għamel ħafna u ħafna anġli. Taf x’inhuma anġli? Dawn huma l-qaddejja taʼ Ġeħova. Dawn jixbhu lilu. Aħna ma nistgħux narawhom, bħalma ma nistgħux naraw lil Alla. L-ewwel anġlu li Ġeħova għamel kien jgħinu. Dan l-anġlu għen meta Ġeħova għamel l-istilel, il-pjaneti, u l-affarijiet l-oħra kollha. Waħda minn dawn il-pjaneti, id-dinja, hija d-dar mill-isbaħ tagħna.
Imbagħad, Ġeħova lesta l-art biex l-annimali u n-nies jgħixu fiha. Hu għamel id-dawl tax-xemx biex idawwal l-art. Hu għamel il-muntanji, l-oċeani, u x-xmajjar.
X’ġara mbagħad? Ġeħova qal: ‘Ħa nagħmel il-ħaxix u l-pjanti u s-siġar.’ B’hekk, bdew jikbru ħafna tipi differenti taʼ frott, ħxejjex, u fjuri. Wara, Ġeħova ħalaq l-annimali kollha—annimali li jtiru, li jgħumu, li jimxu, u li jitkaxkru. Hu ħalaq annimali żgħar, bħalma huma l-fniek, u oħrajn kbar, bħalma huma l-iljunfanti. X’inhu l-annimal favorit tiegħek?
Imbagħad, Ġeħova qal lill-ewwel anġlu: ‘Ejja nagħmlu l-bniedem.’ In-nies kellhom ikunu differenti mill-annimali. Huma kienu se jkunu jistgħu jitkellmu, jidħqu, jitolbu, u jivvintaw affarijiet min kien l-ewwel raġel? Ejja naraw.
differenti. Ukoll, kienu se jieħdu ħsieb l-art u l-annimali. Taf“Fil-bidu Alla ħalaq is-smewwiet u l-art.”—Ġenesi 1:1