KĨTHOOMO KĨA 21
Nĩatĩa Nkuma Ĩnjega Ĩtũmagĩĩrua?
Gũkũrũkĩĩra Ũnene bwawe, Jehova agatũthirĩria mathĩĩna jeetũ jonthe ĩgiita rĩtĩ kũraaja. Nkuma ĩjĩ nĩ ĩnjega mono ũrĩa tũtĩũmba gũkira nayo. Jesũ eendaga athingati baawe beera antũ nkuma ĩjĩ njega! (Mathayo 28:19, 20) Nĩatĩa Akũũjĩ ba Jehova betĩkĩrĩĩtie waatho bũu bwa Jesũ?
1. Nĩatĩa Mathayo 24:14 ĩkũũjũrua naarua?
Jesũ eranĩre: “Nkuma iji injega ya unene bwa Murungu igatumiirua nthiguru yonthe yee ukuuji kiri migongo yonthe.” (Mathayo 24:14) Akũũjĩ ba Jehova nĩbagwĩragĩrua kũgwata mbaru ngũgĩ ĩjĩ. Tũrĩtũmĩĩria nkuma ĩnjega nthĩgũrũne yonthe na mĩgambo nkũrũki ya 1,000! Ngũgĩ ĩjĩ nene nĩkwenda kwiritanĩria gũkũnene na mĩbango ĩmĩega. Ĩtĩngĩũmbĩka kũthithĩka gũtĩ na ũtethio bwa Jehova.
2. Nĩatĩa twiritanagĩria nĩkenda tũtũmĩrĩria antũ?
Tũtũmagĩĩria kunthe naarĩa antũ bakwoneka. O ta Akristũ ba karine ya mbere, tũtũmagĩĩria, “miciine” kana nyomba kwa nyomba. (Mathithio 5:42) Njĩra ĩjĩ ya gũtũmĩĩria nĩtũtethagia gũkinyĩra antũ mirioni inyingĩ o mwaka. Tontũ antũ batĩonekaga rĩonthe nja, kinya nĩtũtũmagĩĩria gũntũ gũkwingĩ kwa mwingĩ. Rĩonthe nĩtũcwaga kaanya ga kwĩra bangĩ mantũ jegie Jehova na mworoto jwawe.
3. Nĩ baũ babuĩrĩte gũtũmĩĩria nkuma ĩjĩ njega?
Akristũ bonthe nĩbabuĩrĩte gũtũmĩĩrĩria antũ nkuma ĩnjega. Nĩtũjũkagia ngũgĩ ĩjĩ yeetũ na ũrito. Nĩtũtũmagĩĩria na wĩru mono tontũ nĩtũkũmenya ntũmĩĩri yeetũ yoomba kwonokia ũtũũro bwa antũ. (Thooma 1 Timotheo 4:16.) Tũtĩrĩagwa nĩkenda tũrita ngũgĩ ĩjĩ, tontũ Bibiria yugĩte: “Bwei o uu na magi nikenda nabwi bucoke bwejanage o uu na magi.” (Mathayo 10:7, 8) Tĩ antũ bonthe betĩkagĩĩria nkuma ĩjĩ yeetũ. Ĩndĩ nĩtwĩtaga na mbere gũtũmĩĩria, tontũ gũtũmĩĩria nĩ gĩcuncĩ kĩa ũthathayia bwetũ na nĩgũtũmaga Jehova agwĩrua.
ĨNJA NKŨRŨKI
Iritane nkũrũki bwegie ũrĩa Akũũjĩ ba Jehova baciũmagia gũtũmĩĩria nthĩgũrũne yonthe na wone ũrĩa Jehova abatethagia.
Gũtũmĩĩria nthĩgũrũne yonthe: (A) Costa Rica, (B) Amerika, (C) Benin, (D) Thailand, (E) Yap, (F) Sweden
4. Nĩtũciũmagia gũkinyĩra antũ bonthe
Akũũjĩ ba Jehova nĩbaciũmagia na njĩra ya mwanya gũtũmĩĩria nkuma ĩnjega kĩrĩ antũ gũntũ kunthe. Tega VIDIO, rĩu bwarĩĩrie kĩũria gĩkĩ kĩthingatĩte.
-
Nĩmbi bikũgwĩragia bwegie wĩru bwa Akũũjĩ ba Jehova bwa gũtũmĩĩria?
Thooma Mathayo 22:39 na Aroma 10:13-15, rĩu bwarĩĩrie biũria bibi:
-
Nĩatĩa ũtungatĩri bwetũ bwonanagia nĩtwendete atũũri?
-
Nĩatĩa Jehova aigagua bwegie barĩa batũmagĩĩria nkuma ĩnjega—Tega mũstaarĩ jwa 15.
5. Tũrĩ aritanĩri ngũgĩ amwe na Jehova
Mantũ jamaingĩ jarĩa joonetwe nĩjakwonania atĩ Jehova nagũtũtongeeria kĩrĩ ngũgĩ yeetũ. Ngerekano, naarĩa New Zealand mũtaana-wa-baaba ũgwĩtwa Paul agĩtumagĩĩragia nyomba kwa nyomba mũthenya jũmwe, naatirimĩre mwekũrũ ũmwe. Rũkĩĩrĩ rũu rungwa, mwekũrũ ũu naarombete Mũrungu, agĩtumagĩra riĩtwa rĩa Mũrungu, Jehova, akĩmũrombaga atethie muntũ mũnna amũriũngĩre. “Mathaa jathatũ nyumene,” Paul ariuga, “Ndĩrarũngama mwariine jwa nyomba yaawe.”
Thooma 1 Akorintho 3:9, rĩu bwarĩĩrie kĩũria gĩkĩ:
-
Nĩatĩa mantũ jarĩa joonetwe ta jau ja New Zealand jakwonania atĩ Jehova nagũtongeeria ngũgĩ ya gũtũmĩĩria?
Thooma Mathithio 1:8, rĩu bwarĩĩrie kĩũria gĩkĩ:
-
Nĩkĩ tũkũbatara ũtethio bwa Jehova nĩkenda tũthithia ũtungatĩri bwetũ?
Ũramenya?
O kiumia mũcemanione jwetũ jwa gatĩgatĩ, nĩtũritanagwa ũrĩa tũũmba gũtũmĩĩria. Kethĩra ũreeja kĩrĩ jũmwe jwa mĩcemanio ĩu, ũrĩna maoni jarĩkũ bwegie ũritani bũu?
6. Nĩtwathĩkagĩra waatho bwa Mũrungu bwa gũtũmĩĩria
Karine ya mbere, antũ nĩbaageragia kũrigĩĩria athingati ba Jesũ batĩgatũmĩĩrie. Akristũ ba mbere nĩbaatetagĩĩra ĩota rĩao rĩa gũtũmĩĩria na njĩra ya ‘kuruira nkuma iji njega . . . na kumiikira inya.’ (Afilipi 1:7) O ũu nou Akũũjĩ ba Jehova bathithagia naarua. a
Thooma Mathithio 5:27-42, rĩu bwarĩĩrie kĩũria gĩkĩ:
-
Nĩkĩ tũtĩtigaga gũtũmĩĩria?—Tega mũstaarĩ jwa 29, 38, na 39.
ANTŨ BAMWE NO BAŨRIE: “Nĩkĩ Akũũjĩ ba Jehova batũmagĩĩria nyomba kwa nyomba?”
-
Ũũmba gũcookia atĩa?
NA NJĨRA ĨNKUI
Jesũ naathĩre athingati baawe batũmĩĩrie nkuma ĩnjega kĩrĩ mĩgongo yonthe. Jehova natethagia antũ baawe kũthithia ngũgĩ ĩu.
Gũcookera
-
Nĩatĩa nkuma ĩnjega ĩgũtũmĩĩrua nthĩgũrũne yonthe?
-
Nĩatĩa ũtungatĩri bwetũ bwonanagia nĩtwendete atũũri beetũ?
-
Ũrĩthũgaania ngũgĩ ya gũtũmĩĩria no ĩtũme tũkethĩrwa na kũgwĩrua? Nĩkĩ?
CŨNKŨŨNA
Ona ũrĩa Akũũjĩ ba Jehova batũmagĩĩria mĩcĩĩne ĩmĩnene.
Ona ũrĩa Akũũjĩ ba Jehova boombĩte gũtũmĩrĩria antũ barĩa bamatũkĩte nthĩ ciao
Kwingia Nyonta ya Gĩkĩrundu ya Barĩa Bamatũkĩte Nthĩ Ciao (5:59)
Thikĩĩra muntũ ũmwe agĩtarĩĩria ũrĩa ũtũũro bwĩthagĩrwa na kũgwĩrua rĩrĩa watumĩkĩra Mũrungu ĩgiita rĩonthe.
Iritane bwegie ũmbani bũbũnene kĩrĩ koti bũrĩa bũtetheeretie ngũgĩ ya gũtũmĩĩria nkuma ĩnjega gwĩta na mbere.
a Mũrungu nĩwe ũtwete waatho bwa gũtũmĩĩria. Kwou, Akũũjĩ ba Jehova batĩkũbatara rũũtha rwa gũtũmĩĩria nkuma ĩnjega kuuma kĩrĩ thirikarĩ cia antũ.
