Zekadia 13:1-9
13 “Mu dyodya difuku, mushimwa ukashitwilwa njibo ya Davida ne bekadi ba Yelusalema mwanda wa kutōkeja bubi ne disubi.+
2 “Mu dyodya difuku,” i Yehova wa bibumbo unena, “nkajimankanya majina a bilezaleza mu ntanda,+ kadi kebikavulukwapo monka; kadi nkatalula mu ntanda’ya bapolofeto+ ne mushipiditu wa disubi.
3 Shi muntu akanene monka bupolofeto, ba shandi ne inandi bamubutwile bakamunena’mba, ‘Kukekalapo mūmi, mwanda ubesambe bya bubela mu dijina dya Yehova.’ Kadi ba shandi ne inandi bamubutwile bakamusabakanya mwanda wanena bupolofeto.+
4 “Mu dyodya difuku mupolofeto ense ukafwijibwa bumvu na kimonwa kyandi panena bupolofeto; kadi kebakavwalapo kivwalwa kya bupolofeto kya myoya+ mwanda wa kongolañana.
5 Kadi ukanena’mba, ‘Ami nkidipo mupolofeto. Ne kidimye wa nshi, mwanda muntu umo wampotele ponadi nakidi mwanuke.’
6 Kadi shi muntu wamwipangula’mba, ‘Le bino bilonda bidi pa bukata bwa bipuji byobe* i bya bika?’ nandi ukalondolola’mba, ‘I bilonda byobantapile mu njibo ya balunda nami.’”*
7 “A kipete, langukila mukumbi wami,+Yewa mupwani nami,” i Yehova wa bibumbo unena.
“Kupila mukumbi,+ luombe* lupalakane;+Nami nkalamwina kuboko kwami pa boba batyetyetyetye.”
8 “Kadi mu ntanda yonso,” i Yehova unena,“Bipindi bibidi bidi’mo bikatyibwa’ko ne konakanibwa;*Kipindi kya busatu kikashibwa’mo.
9 Ebiya nkapityija kipindi kya busatu mu mudilo;Kadi nkebatōkeja na mutōkejibwanga ndalama,Ne kwibatompa na mutompelwanga olo.+
Baketa dijina dyami,Nami nkebetaba.
Nkanena’mba, ‘Abo i bantu bami,’+Nabo bakanena’mba ‘Yehova i Leza wetu.’”
Kunshi kwa Dyani
^ Kishima pa kishima i, “pa bukata bwa maboko obe.” Ko kunena’mba, mu kyadi nansha panyuma.
^ Nansha’mba “ya boba bansenswe.”
^ Nansha’mba “mikōko.”
^ Nansha’mba “kufwa.”
