Mika 7:1-20
7 Malwa ami! Ngidi pamo bwa muntu,Pa kupwa kukongakanya bipa bya ku dikumbiNe kukōkolola kulondanga mwangulo wa mañanza,Katenepo kisansa kya mañanza a kudya,Nansha kikuyu kibajinji kyongabilanga* mpata.
2 Muntu wa lulamato waoneka* pa ntanda;Mu bantu i mutupu moloke swā.+
Abo bonso bajikīle mwanda wa kumwanga mashi.+
Umo ne umo upoya mwanabo na bukonde bwa nkokwa.
3 Maboko abo apotolwele kulonga bibi;+Mfumu ulombanga bya kulomba,Mutyibi ulombanga mpalo,+Muntu mutumbe ulombolanga byasakasaka,*+Kadi baloñanga’kyo pamo.*
4 Mulumbuluke mobadi udi pamo bwa miba,Moloke swā mobadi i mubi bininge kutabuka lusao lwa miba.
Difuku dya balami bobe ne dya mfuto yobe dikāya.+
Pano basa kuzakala.+
5 Kokekala na lwitabijo mudi mukwenuNansha kukulupila mulunda nobe wa pa mutyima.+
Tadija byobya byonena kudi yewa ulālanga mu kyadi kyobe.
6 Mwanda mwana mwana-mulume ufutulula shandi,Mwana mwana-mukaji nandi wimana kulwa na inandi,+Kadi muko mwana-mukaji ulwa na inandi muko;+Balwana na muntu i bantu ba mu njibo yandi.+
7 Ino ami, nkatala nyeke kudi Yehova.+
Nkalombola mutyima wa kukungila* Leza wa lupandilo lwami.+
Leza wami ukangivwana.+
8 A walwana* nami, kokasangala pa mwanda wami.
Nansha shi napone, nkalanguka;Nansha shi ngikele mu fukutu, Yehova ukekala kitōkeji kyami.
9 Nkominina bukalabale bwa Yehova—Mwanda namupi mambo+—Kufika ne byaunenena mu kidye ne kumingija.
Ukantambijija ku kitōkeji;Kadi nkatala boloke bwandi.
10 Walwana nami nandi ukamona,Kadi bumvu bukamupūta yewa waunenene amba:
“Le Yehova Leza obe udi kwepi?”+
Meso ami akamutala.
Pano ukatyampibwa pamo bwa bitoto mu bipito.
11 Dikekala difuku dya kūbaka mumbu yobe ya mabwe;Mu dyodya difuku mukalo ukabaijibwa.*
12 Mu dyodya difuku bakāya kodiTamba ku Ashidia ne ku bibundi bya Edipito,Tamba ku Edipito kutūla ne ku Munonga;*Tamba ku dijiba kutūla ne ku dijiba dikwabo, tamba ku lūlu kutūla ne ku lūlu lukwabo.+
13 Kadi ntanda ikasalwa pa mwanda wa bekadi bayo,Pa mwanda wa byobya byobalongele.*
14 Kumba bantu bobe na mukombo obe, luombe lwa bupyani bobe,+Yewa wadi ushikete bunka mu ditó—mu bukata bwa kitongo.
Badye mu Bashane ne mu Ngileade+ pamo bwa mu mafuku a kala.
15 “Enka na mu mafuku owatambile mu ntanda ya Edipito,Nkamulombola bintu bya kutendelwa.+
16 Mizo ikamona ne kufwa bumvu, nansha byoidi na bukomo bwayo bonso.+
Bakatūla kuboko kwabo ku kyakanwa kyabo;Matwi abo akajika.
17 Bakalamba luvumbi pamo bwa banyoka;+Bakatamba bazakala mu bifuko byabo bikomejibwe pamo bwa bībulula bya pa ntanda.
Bakāya na moyo kudi Yehova Leza wetu,Kadi bakakutyina.”+
18 Lelo i Leza’ka udi pamo bwa abe,Ulekela kilubo ne kupita bitupu pa kujilula+ kwa ushele’ko wa bupyani bwandi?+
Kakalamapo bulobo bwandi nyeke,Mwanda uloelelwe buswe bwa ndamatyidile.+
19 Aye uketukwatyilwa monka lusa;+ ukanekenya* bilubo byetu.
Abe ukela bubi bwabo bonso mu mushike wa dijiba.+
20 Abe ukalombola bubinebine kudi Yakoba,Buswe bwa ndamatyidile kudi Abalahama,Monka mowatyipile’kyo kudi bakulutuba betu tamba mafuku a kala.+
Kunshi kwa Dyani
^ Nansha’mba “kyabilanga muya wami.”
^ Nansha’mba “wajimina.”
^ Nansha’mba “byabila muya wandi.”
^ Kishima pa kishima i, “basukanga’kyo pamo.”
^ Nansha’mba “Nkakungila na kitūkijetyima.”
^ Mu Kihebelu, kishima kyalamwinwe bu “walwana” kifunkila pa mwana-mukaji.
^ Bibwanika padi i, “lubila lukekala kulampe bininge.”
^ Ko kunena’mba, Ufalete.
^ Kishima pa kishima i, “Pa mwanda wa bipa bya bilongwa byabo.”
^ Nansha’mba “ukatyampila panshi; ukakomena.”
