Mika 6:1-16
6 Nemwisāshila, ivwanai binena Yehova.
Imana, usambe ku meso a ngulu,Kadi mikuna ivwane diwi dyobe.+
2 A ngulu, ivwanai kisambo kya Yehova,Byanwe byalwilo biningishibwe bya ntanda,+Mwanda Yehova udi na kisambo na bantu bandi;Usa kwipatanya na Isalela amba:+
3 “A bantu bami, le nemulonga bika?
Le nemukōkeja namani?+
Ntūdilei bukamoni.
4 Mwanda nakutambije mu ntanda ya Edipito,+Nakukūdile mu njibo ya bupika;+Natuma ku meso obe Mosesa, Alone, ne Midiamu.+
5 A bantu bami, nemwisāshila, vulukai byanenene Balake mulopwe wa Moabu,+Ne byamulondolwele Balame mwanā Beole+—Byobya byalongekele tamba ku Shityime+ kutūla ku Ngilengale+—Amba muyuke bilongwa byoloke bya Yehova.”
6 Le nkāya ku meso a Yehova na bika?
Le nkevukwila ku meso a Leza wa mūlu na bika?
Le nkāya ku meso andi na byamulambu bisōkwe bituntulu,Na byana bya bañombe bya mwaka umo?+
7 Le Yehova ukasangela tununu twa mikōko milume,Nansha makumi a tununu a tuminonga twa māni?+
Le nkapāna wami mwana umbedi pa mwanda wa butomboki bwami,Kipa kya ngitu yami pa mwanda wa bubi bwami?*+
8 A muntu, aye wakulombola kyokya kiyampe.
Le i kika kisaka* Yehova kodi?
Poso enka kulonga boloke,*+ kusanswa lulamato,*+Ne kunanga na Leza obe+ na butūkanye!+
9 Diwi dya Yehova dītanga mu kibundi;Boba badi na tunangu twa kamweno bakatyina dijina dyobe.
Tai mutyima ku mukombo ne ku yewa watongele’o.+
10 Le kukidi byabulēme bya bubi mu njibo ya mubi,Ne kipimo kya efa* kyampikwa kuyula kya munyanji?
11 Le mbwanya kwikala utōka mu mwikadilo* na bipimo bya bulēmi bibi,Na mufuko wa bipimo bya mabwe bya budimbidimbi?+
12 Mwanda bampeta bandi i bayule lūma,Kadi bekadi bandi besambanga bya bubela;+Ludimi lwabo i lwa bongojani mu kyakanwa kyabo.+
13 “O mwanda, nkakutapa bilonda na bikupilwa,+Kukusala pa mwanda wa bubi bobe.
14 Ukadya, ino kwikuta mpika;Munda mobe mukekala mutupu kintu.+
Byobya byotalula, kukebiselapo senene,Kadi byobya byosela, nkebipāna ku kipete.
15 Ukakuna nkunwa, ino kukangulapo.
Ukaponda mpafu, ino kukengidijapo māni;Kadi ukenga vinyu mipya, ino kukatomepo vinyu.+
16 Mwanda mubalama bitungo bya Omidi ne mingilo yonso ya njibo ya Ahaba,+Kadi munañanga mwendele madingi abo.
O mwanda nkakwalamuna kodi kintu kya nzuba,Bekadi bandi nabo ke kintu kya kwidilwa muluji;+Kadi mukasela kafutululo ka bantu.”+
Kunshi kwa Dyani
^ Nansha’mba “mwanda wa bubi bwa muya wami?”
^ Nansha’mba “kilomba.”
^ Nansha’mba “kwikala moloke; muyampe.”
^ Nansha’mba “kwikala na kanye ne lulamato mu buswe bobe.” Kishima pa kishima i, “kusanswa buswe bwa ndamatyidile.”
^ Tala Mbwejo B14.
^ Nansha’mba “wampikwa mambo.”
