Enda ku bidi'mo

Batumoni ba Yehova

Tonga Ludimi Kiluba

Le Mfwaninwe Kulombela Kudi Basanto?

Le Mfwaninwe Kulombela Kudi Basanto?

Bilondolola Bible

Aa, Bible ulombola’mba tufwaninwe kulombela kudi Leza kete, mu dijina dya Yesu. Yesu wāsapwidile bandi bana ba bwanga’mba: “Banwe lombelai nenki amba: Tata wetu udi mulu, dizina dyobe dilemekwe.” (Mateo 6:9, Bisonekwa Bitōkele) Aye kāfundijepo bandi bana ba bwanga kulombela kudi basanto, bamwikeulu, nansha ku muntu e-ense pa kyaba kya Leza.

Kadi Yesu wāsapwidile balondi bandi amba: “I kutupu wiya kudi Tata poso upityila padi ami.” (Yoano 14:6) Yesu ye muntu umo kete upelwe lupusa na Leza lwa kwitusengela.—Bahebelu 7:25.

Le bikekala namani shi nombela kudi Leza ne kudi basanto?

Leza paāletele Mbila Dikumi, wānenene amba: “Amiwa Yehova Leza obe ne Leza wa mukao.” (Divilu 20:5, Mukanda Ukola) Le i Leza wa “mukao” mu buluji’ka? Bwalamuni bwa Ntanda Mipya bunena’mba i “Leza usakanga kulamatwa bunka.” Leza usakanga kulongelwa bunka bwandi bilongwa bya kumutumbija nansha kumutōta—kubadila’mo ne milombelo.—Isaya 48:11.

Tulubilanga Leza shi tulombela kudi muntu mukwabo e-ense, ku basanto nansha ke ku bamwikeulu bajila bene. Mutumibwa Yoano paāsakile kutōta mwikeulu, mwikeulu wāmupeleje amba: “Leka! Kokilongai nankyo, mwanda nami nne mwingidi pamo’nka bwa abe ne bwa banabenu batūla bu-kamonyi bwa Yesu. Tōta’nka Leza.”—Kusokwelwa 19:10, Dibuku Dijila.