Andimuwa avapingoni anodhilimbi-edha sazi-edha tangaranga dha Yohova tairanga vyongo na mutu okhumi-iwa pingoni. Mofwanafwani-a, Yohova kaadedi-edhele ira Aisraeli tachinyuwe liye a-anairevo yongo ira aakami-e. Malomwee, nguliye aromile iravo yongo aliwa ta-anarome thonyi-edha chinyuwa. Yohova atoothonyi-edha tangaranga vom’mwandela namaongela Oseya ira amavwelane okoka na i-yanee wenuo ali airangave yodawa ilukhulu. (Ose. 3:1; Mak. 3:7) Vosazi-edha Yohova, andimuwa avapingoni anofunechecha kami-a mutu uirile yodawa ira achinyuwe thitho anoirana vyongo vyothene vinaode aliwa ira vikale vyo-orucha wa mutuo welela pingoni. Ifwanafwani-o ya mwana opupuruwa babee mwanuo angam’mone adhanga, “atom’tamangela nom’khumbarela thitho atoom’bejari mwaudhivela.” (Luk. 15:20) Babuo kaadedi-edhele ira mwanuo avepe ira am’levelele. Malomwee mofwanafwana na baba uliwethene waudhivela, aliwa mbaromile iravo yongo. w24.08 28 ¶7-8

Ninga lemba la dambo la penene linothonyi-edha ira Yohova kanoumeleliwa na zeludhee, liye unodhivelela waatu modhala mandha. Thitho lembali linoonga ira Yohova ava-anga zelu unoonga “mo-onyoza” venango ira “mo-ofwanyela mutu uliwethene mwasa.” Liye kanoiri-a ira nidhionenga ninga atu o-ofuneya namwasa oi nitom’vepha ira anisogolelenga. Mbwenye unonilimbi-a ira nim’vephenga zelu. (San. 2:1-6) N’nga ninam’sazi-edhe a-vi Yohova vamwasa ova-a atu enango zelu? (Sal. 32:8) Atu a Yohova atokaana ngari ilukulu yofunji-a atu enango vyongo vinoidhiwa aliwa. Mwaifwanafwani-o, ninofunji-a anamalaleela achineneeva moda unalaleele aliwa. Andimuwa avapingoni anokami-a moleva rima arumiwi okami-a thitho abali obadiziwa ira tasamalelenga pama vizo viwa pingoni. Thitho atu enango ana dodoliso lomanga, anofunji-a afwiwa ira talabenga vambo-i basa yomangamanga mugulu li-u. w24.09 28-29 ¶11-12

Abali ira mutu akale ndimuwa wavapingoni, unofwanela “kala o-onukedhiwa mwasa uliwethene,” vyevi vinothapulela kaana limbili lapama pingoni. (1 Ti. 3:2) Wenjedhela vevo, unofwanela kaana “limbili lapama waatu o-ororomeleya.” Atu o-ororomeleya anooda nyozanga vyongo vinororomela nyo, mbwenye katinofwanela kaikelanga akala mutokaana rima wapama venango makalelo apama. (Dan. 6:4, 5) Ee-no mudhifukenga ira, ‘n’nga nditokaana limbili lapama wari mwa pingoni na waatu o-ororomeleya?’ Mutu “odhiveliwana vyapama,” unoona vyongo mwapama mwaatu enango thitho onowasimba namwasa wamakalelwiwa. (Tit. 1:8) Aliwa anosangalala irela atu enango vyongo vyapama, kwaranya vyevyo vyadedi-edhela aliwa. Mwasiwa ngwan’ni andimuwa avapingoni anofwanela kaana makalelo enala? Namwasa oi hora dhinjinji anofuneela ira maulendo aubusa thitho samalela abali naarongoliwa pingoni. (1 Pe. 5:1-3) Angalive ira yen’na ndi basa ilukulu, aliwa anosangalala laba thitho kami-a atu enango.—May. 20:35. w24.11 20-21 ¶3-5

Arumiwi okami-a anolaba basa yofuneya maningi pingoni. Pyooneelatu ira rumiwi Paulo anowasimba maningi alombwana ororoleyala. Mofwanafwani-a, mukartalee lodhowa wa Makristau awu Filipi, Paulo atoomwenyula andimuwa na arumiwi okami-a. (Afl. 1:1) Abali anjinji obadiziwa, akala mbaa andimuwa venango azombwe, anosangalala maningi takala arumiwi okami-a. Mofwanafwani-a, Devan akanle rumiwi okami-a angana vyawa 18. Voi bali Luis atookala rumiwi okami-a angana vyawa 50. Voonga mwemo mwadhivwela liye, bali Luis aongile ira: “Ndathuulela udhivela unondithonyi-edha pingo, ndinoona ira ndi ngari ilukulu maningi kala rumiwi okami-a.” Mu ndi mwemo abali anjinji ano-eliwa kala arumiwi okami-a munodhivwela aliwa. Akala muli obadiziwa, thitho kamunakale rumiwi okami-a, n’nga munooda dhilimbi-edha ira mukale rumiwi okami-a? w24.11 14 ¶1-3

Angana vyawa 39, Mwene Ezekiya wau Yuda atoobulela marenda malukhulu. Namaongela Esaya atom’mwandela milanyu yokhumela wa Yohova yoonga ira unodha kwaa namarenda enao. (2 Ma. 20:1) Vinooneya ira wa Ezekiya kavali yapama. Liye angavwide milanyu yosukwali-ila, atoola maningi thitho atoolobela wa Yohova mosembezela. Yohova atookhuziwa na ula wa Ezekiya thitho moriya rima atom’mwandela ira: “Nditovwa lobelo laa thitho nditoona mi-odaa. Ndinouili-a.” Dhela mwa Esaya, Yohova atoolanyedha ira unodha laphi-a ingumi ya Ezekiya thitho novulumucha Yerusalemu mandhani mwa Asuri. (2 Ma. 20:4-6) N’nga munorucheya namwasa wa marenda malukhulu enao anoona nyo ira kamunainle? Mulobelenga wa Yohova masiki mulanga. Bibilya linonisikimizeli-a ira Yohova wenuo ngu “Baba wa tangaranga dhilukhulu thitho Nlungu wenuo unonididili-a va yorucha ili yothene,” unodha nididili-a va vyowesedha vi-u vyothene.—2 Ak. 1:3, 4. w24.12 24 ¶15-17

Vinodha kala vyosangalali-a dhawachela atu enao anofuna dhavenyathi-iwa. Ninodha sangalala funjedha vyongo vinjinji vyoonga Yohova dhela muvyongo vipanduchile liye. (Sal. 104:24; Esa. 11:9) Yosangalali-a maningi choi ninodha lambelanga Yohova mo-odhiomba landu namwasa oi natoodawi-a vyongo vinango. N’nga munodha rumela i-yachi vyongo vyothene namwasa ofuna “sangalala wahora yoyeva voira vyodawa”? (Aeb. 11:25) Kamunafune irana vyevyo. Ninodha rumela i-ya yongo iliyothene va-eeni ira nifwanye maraeli-o enala. Kathuulelani ira vyongo vinodedi-edhela i-yo paradaizo dambo n’nango vinodha ireyadi. Ninodha onga ee-ni ningali paradaizoni. Vyevi kavyaodeye aakale ira Yohova kaanidhiveliwana novelela yotuva ya Mwanee. w25.01 29 ¶12

Bukhu la Aebere linoonga atu anjinji enao tali ororomeleya wa Yohova. M’mbo-i mwaaliwa ndi Mose. (Aeb. 3:2-5; 11:23-25) Mose atom’nyindela Nlungu thitho Yohovuo atooira vyongo vyodabwi-a vova-a atwao ma-inje na vyodya kokolani. (Eki. 15:22-25; Sal. 78:23-25) Angalive ira Mose atookaana iroromelo yolimba vahora inango anookaikela vyaongile Yohova. Vanga-adhi vang’ono funa mala yawa khumela vevo vakhumile aliwa wu Iguputo, Yohova atoolanyedha atwee ira unongo ava-a nyama. Mose atookaikela akala Yohova unoava-a nyama dhokwakwanela mamiliyau aatu anjinji enao tali kokolani. Vowakhula Yohova atom’fuka Mose ira: “N’nga dhandha la Yohova tokwiva?” (Num. 11:21-23) Veva ninooda onga ira Yohova atoofuka Mose ira, ‘n’nga unothuulela ira kandinaode irana vyongo viongile miyo?’. w25.03 26 ¶1-2

N’nga nionenga ira yongo iliyothene ya muhora ya igumula ya Nowa, yanooimelela vyongo vinangovyee? Yowakula choi kabe kinoimelela yongo inangoyee. Mwasiwa ngwan’ni ninoonga ee-no? Namwasa oi kavali malemba anoonga vyevyo. Pyaimbarimbari ira Yesu atoofwanafwani-edha “malambo a Nowa” na vyoireya vya malambo omari-a. Mbwenye kaathonyi-edha ira yongo iliyothene yaireile muhora ya Nowa, ninga fungiwa wa suwo wa mwadiya watokaana yothapulela. (Mat. 24:37-39) N’nga Nowa airilen’ni angavwide milanyu yowenjeli-a ya Yohova? Liye atoothonyi-edha ira atokaana iroromelo vosaka-edha mwadiya. (Aeb. 11:7; 1 Pe. 3:20) Mofwanafwana na vyevi, atu enao anovwa milanyu yapama ya Umwene wa Nlungu anofwanela a-relanga vinofunjedha aliwa. (May. 3:17-20) Malamboano thitho ninolaba basa yolaleela mwathindhi yeniyo inoireya vailambo yothene yavathi. Mbwenye masiki nivilimbi-edhe moi a-vi, kaninaode wandela mutu uliwethene milanyu yapama komoni wa ilambo yothakala ya Satanila wa-anafiye. w24.05 9-10 ¶3-5

Ee-no ninofwanela vilimbi-edhenga fwanya ndhila yothonyi-edhela riya rima thitho lemeza afwee a Yohova. (Aro. 12:10) Ndhila imbo-i iongiwile va Salimo 15:4, choi mutu uli lendo tendani mwa Yohova, “kanochinja vyongo vilanyedhile liye masiki vyongo vya-akale pama wa liye.” A-kwakwaneli-edha vyongo vilanyedhile i-yo unooda pei-a atu enango. (Mat. 5:37) Mwaifwanafwani-o, Yohova unodedi-edhela ira afwee talemezenga vilumbenle aliwa vakazametoni. Yohova unosangalala na anamabala enao anokwakwaneli-edha vyongo vilanyedhile aliwa waa-imiwa. Dhiveliwana Nlungu thitho afwi-u, unooda nilimbi-a ira nivilimbi-edhenga kwakwaneli-edha vyongo vilanyedhile i-yo. Ndhila imbo-i inathonyi-edhelena i-yo ira ninolemeza afwee a Yohova, kukala owachela alendo thitho ova-a modhala mandha. (Aro. 12:13) Waredhela abali naarongoli-u unonikami-a ira nivwelanenga maningi naaliwa thitho nivwelanenga na Yohova. Nakala owachela alendo, ninokala nim’sazi-edhanga Yohova. w24.06 12 ¶15-16

Yohova unoonga imbarimbaree waatu odhiyevi-a. (Mat. 11:25) I-yo natoodhiyevi-a norumela ira nifunji-iwe imbarimbri. (May. 8:30, 31) Mbwenye ninofwanela ira polepole ira na-arome dhiulukuli-a. Gaya unooda niiri-a romanga ona ira mathuulelwi-u mbazelu maningi kwaranya makhundo amalembani na malangi-o anoniva-a gulu la Yohova. Ira nikale odhiyevi-a, ninofwanela thuulelanga ira nili ang’ono maningi vodhifwanafwani-edha na Yohova. (Sal. 8:3, 4) Ninofwanela lobela ira nikaena rima odhiyevi-a thitho ofunji-eya. Yohova unodha nikami-a ona ira mathuulelwee anofunjedha i-yo kumela Bibilyani thitho gulunimwee, mbofuneya maningi kwaranya mathuulelwi-u. Mwaleringa Bibilya, mufwanyenga umboni osikimizela ira Yohova unodhiveliwana atu odhiyevi-a a-kala ogaya venango odhiulukuli-a. Ninofwanela vilimbi-edha ira nikaleve odhiyevi-a nawachela urumiwi unaniiri-e kala mutu odhiulukuli-a. w24.07 10 ¶8-9

Romela muyawa ya 1919, Yesu ukadhi a-indi-edhanga basa ixigurupu yaabali ozoziwa ira tasogolelenga vabasa yolaleela thitho velela yadya yauzimu waanama-arelee. (Luk. 12:42) Thitho vinaaoneelatu ira Yohova unaaraeli-a basa liwa. (Esa. 65:13, 14) Aakale ira kaninoira vyongo mwapama, kanaode laba basa liniva-idhe Yesu. (Mat. 28:19, 20) Mofwanafwani-a, aakale ira kavali masaka-edho oi ukale magawo, kuongela ira mutu uliwethene alaleelenga unofuna liye baa-i. Magawo enango tangalaleeliwenga moweli-edhaweli-edha naanamalaleya o-iyana-iyana, voi enango katalaleeliwenga. N’nga munothuulela ira irana vyongo mwapama unonikami-a moi a-vi? Yesu angali vailamboi, anookami-a anama-arelee irana vyongo mwapama thitho unaadhowanave irana vyevi malamboano. w24.04 8-9 ¶2-4

Kaini ali mwana oroma baliwa wa Adamu na Eva. Liye atootukulela vyodawa kumela wa anamabalee. Voonga vya liye Bibilya linoonga ira: “Vyoira vyee vyali vyothakala.” (1 Ju. 3:12) Venango ngumwasee Yohova “kaasangalanle na Kaini thitho na sembee navang’onovene.” Malo mochinja vyoiravyee, “Kaini atoothakaleliwa maningi rimanimwee nosukwala.” N’nga Yohova airilen’ni? Liye atoonga na Kaini. (Mar. 4:3-7) Yohova atoonga na Kaini moriya rima, thitho atom’mwandela ira unodha m’raeli-a akala unoirana vyongo vyapama thitho atoom’mwenjeli-a ophi-a wa vyodawavyee. Pyovwi-a tangaranga ira Kaini kaavwele. Kaini kaarumenle ira Yohova am’kami-e ira achinyuwe. N’nga Kaini angakondile vwela, Yohova atoo-iya kami-a atu enango? Kabe. w24.08 10 ¶8

Liye atoathuucha Aisraeli ira sogolo liwa lali lapama maningi. Yohova atoaraeli-a ira takaathimo wahora indendai muilambo yolanyedhiwa. Ilambwiyo yali yobaleya maningi thitho yokaana ndimo. Voonga vya ilambwiyo, Mose atoonga ira: “Ilambo yokaana masidadi malukhulu apama oi nyo kamwaamangile, yokaana nyumba dhodhala na vyongo vyo-iyana i-yana vyapama vyoi kamuvilabele basa, visime vyoi kamuvi-umbile thitho maminda a mauva na miri ya maolivi yoi aidhanle kai nyo.” (Dot. 6: 10, 11) Mose atoowenjeli-a Aisraeli ira anofwanela vwela malamulo a Yohova naifunelo yoi tadhowenave kala muilambo yobaleiyo. Mose atoolimbi-a Aisraeli ira “tasakule ingumi” vokala ovwela Yohova “nodhowanave kala ororomeleya wa liye.” (Dot. 30:20) Aisraeli tatookhonda vwela Yohova. Vangavirile hora, Nlungu atoorumeli-a Asuri thitho vasogolovee Ababulo tatoowagonji-a noadhowana Aisraeli wu udhaari.—2 Ma. 17:6-8, 13, 14; 2 Li. 36:15-17, 20. w24.11 9 ¶5-6

Atu anjinji enao anoonga ira ndi Makristau anothuulela ira anodha vulumuchiwa namwasa “ororomela [Yesu]” thitho m’monanga ira ndi namavulumucha. (Ju. 6:29) Mbwenye Ayuda enango enao taroromela Yesu, tatoo-iya m’arela. N’nga mwasiwa ngwan’ni tatoo-iya m’arela? Atu anjinji enao Yesu adyi-idhe liye, tanoom’arela ira tafwanye vyofuneela. Aliwa tanoosangalala no ili-iwa, udya yodya yapezi, thitho funji-iwa vyongo vyovwelana na mathuulelwiwa. Mbwenye Yesu athonyi-edha ira mutu unofwanela irana vinjinji ira akale namafunjedhee. Liye kadidhe vailamboi ira adhavelelenga vyongo vinofuna atu. Aliwa tafuneela rumela yovepha yoi “dhani wa miyo” vo-arela vyothene vyafunji-a liye.—Ju. 5:40. w24.12 12 ¶12-13

Chini inakami-e lombwana ira a-iye irela i-yanee vyauwalanga? Unofwanela dhilimbi-edha a-rela Yesu. Mbwenye alombwana anooda funjedhavo yongo tathuulela mwemo Yesu mwairela liye vyongo na anamafunjedhee. N’nga Yesu aira a-vi vyongo na anamafunjedhee, n’nga aaongana a-vi? N’nga alombwana anofunjedhavo n’ni? Yesu anoothonyi-edha lemezo thitho riya rima waarumiwee. Liye kaali wauwalanga venango onyingalela. Kaa-indi-edha basa kopolo ira tam’movenga. Malomwee, anowalabela modhiyevi-a. (Ju. 13:12-17) Liye anoowandela anamafunjedhee ira: “Rumelani ira ndiufunji-eni, namwasa oi ndili opwaseya na odhiyevi-a thitho munodha sisimuliwa.” (Mat. 11:28-30) Yesu ali opwaseya. Mutu opwaseya kai ofooka mbwenye unokala wakopolo ooda dhikhondi-a. Athomiwa unokala okhurudheya thitho odhikhondi-a. w25.01 10 ¶10-11

Vanowandamela i-yo komoni wailambwila, nyarwa dha fuma ndinongo wenjedheleya. Vyongo ninga nyarwa vyandale, khondo, masoka avilengo, venango sau vinooda romi-a nyarwa dha fuma. Vinooda ninongela kobiri, vyongo vi-u, nyumba venango basa nimalela. N’nga chini inanikami-e ira nim’nyindelenga Yohova vosakula vyoira? Yongo funeya maningi inaire i-yo ndi lobela wa Yohova. Nim’vephenga Yohova ira anikami-e sakhula pama vyoira thitho ira anikami-e ira na-arucheyenga namwasa wa nyarwa dhi-u. (Luk. 12:29-31) Mulobelenga ira aukami-eni kaana rima osimba. (1 Ti. 6:7, 8) Musakesakenga mumabukhwi-u ira muidhiwe vyevyo vinaire nyo akala mutogumanana nyarwa dha fuma. Atu anjinji anoonga ira myasa dha va jw.org dhatowakami-a vahora yagumanena aliwa nyarwa dha fuma. w25.03 28-29 ¶10-11

Hora ya Yohova yali ingakwakwanile yoi atu amaziza enango enao tali o-oineliwa tadhe wuikhundu yaatu a Nlungu. Rumiwi Pedru atoorumiwa ira amalaleele wa Kornelio, wenuo ali mutu oroma mwaatu amaziza enango khala Kristau. Ayuda katawendelana naatu amaziza enango, ee-no pyo-odabwi-a ira Pedru afwanela khozeeli-edhiwa pama ira amaire urumiwi wa va-iwile liye. Pedru angazindiyele vyongo vyafuna Nlungu, vahora yeniene atoochinja mathuulelwee. Vyo-arelavovyee pyoi, Kornelio angam’vephile ira adhowe nyumbaniwee, Pedru atoodhowa “mo-okaikela.” (May. 10:28, 29) Liye atoolaleela wa Kornelio naatu abanjalee thitho aliwa tatoobadiziwa. (May. 10:21-23, 34, 35, 44-48) Vangavirile vyawa, Pedru atoolimbi-a Makristau afwee ira takaena “mathuulelo mambo-ive.” (1 Pe. 3:8) Ninga atu a Yohova, ninooda kaana mathuulelo mambo-ive vo-arela mathuulelo a Yohova, enao anoongiwa mumadhwee Bibilyani. w25.03 9-10 ¶7-8

Mathuulelo aatu anjinji mbo-iyana maningi na moda munoonela Nlungu vyongo. (San. 17:15) Ninofwanela dhilimbi-edha ira nizindiyelenga nokonda makhundo ano-indi-edha basa atu oruni-a, vofuna nifooki-a venango nidimeli-a. Ninooda ira pama a-rela malangi-o avelenle rumiwi Paulo wa Makristau Aiebere oi tadhowenave ulukula mwauzimu. Ira vyevi viodeye, ninofwanela funjedhanga modi-a makhundo aimbarimbari nothuulelanga moda munothuulela Yohova. Mutu unofuneela dhowanave irana vyevi masiki vasogolo voi utodhivelela nobadiziwa. Akala nili muimbarimbarini wahora yolapela moi a-vi, i-yo othene ninofwanela leri nofunjedha madhu a Nlungu hora dhothene. (Sal. 1:2) Funjedha wavaokene unooda nikami-a ira nikaleve olimba. Kalelo leli ndi la gogomedhele maningi Paulo mukartalee lalembenle liye Makristau Aiebere.—Aeb. 11:1, 6. w24.09 10 ¶7-8

Naroromelanga ira Yohova utokalaodi, vinooda kala vyo-orucha ira nikale ororomeleya wa Yohova. Ndi mwemo mwakalenle aliwa na Yosefe. Liye atookonda irana vyongo vyamararuo namwasa oi atooidhiwa ira vyoiravyee vinom’kuza Nlungu thitho kaafuna m’sukwali-a. (Mar. 39:9) Ira nikale vauxamwali wapama na Yohova, ninofwanela lobelanga thitho funjedha madhwee. Nairangana vyongo vyevi, uxamwali-u unokala olimba maningi na Yohova. Molandana na Yosefe, nakala vauxamwali olimba na Yohova, kaninodha irana yongo iliyothene inam’sukwali-e. Mutu adiwala ira Yohova ndi Nlungu waingumi, vinokala vyo-orucha ira a-iye kala ororomeleya wa Yohova. Ifwanafwani-o vamwasula ndi vyevyo vyaireele Aisraeli tangali kokolani. Aliwa tatooidhiwa ira Yohova utokalao, mbwenye tatooroma kaikela akala liye angaasamaleledi. (Eki. 17:2, 7) Vyo-arelavovyee pyoi tatoo-iya m’vwela Nlungu. Pyoidhiweelatu ira kaninofuna sazi-edha ifwanafwani-o yiwa yothakalai.—Aeb. 3:12. w24.06 24 ¶14-15

Ninokala mu malambo omari-a thitho ninodedi-edhela ira vyongo vinoniiri-a ira nilenga vinongowenjedheleyave. Yohova unoona mi-odi-u thitho vinom’khuza nalanga. Yohova unothuulela mi-odi-u. Ee-no nagumanangana vyongo vyevyo vinoniiri-a ira nivikhumbanyedhenga, nim’mwandelenga mwemo munovwela i-yo mulobelo li-u. Nidhilimbi-edhenga kaati duzi naabali na arongoli-u pingoni. Thitho nidhowenganave fwanya madhu olimbi-a a Bibilyani. Kanikaikelenga ira nadhowanave irana vyongo vyevi, Yohova unodha niraeli-a. Niroromelenga thitho yolanyedha yosangalali-a yoi vachineneeva liye unodha puputa mi-odi-u yeniyo inodha namwasa wa tangaranga, aroromeleya wa atu enango thitho namwasa omaliwa zelu. (Apk. 21:4) Vahoriyo, ninodha khumi-a mi-odi yeniyo inodha namwasa osangalala. w24.12 20 ¶3; 25 ¶19

Yohova utonisakula ira nikale Mbonidhee thitho utonilanyedha ira unodha nikami-a kala olimba rima. (Esa. 43:10, 11) Dhoweni nioneni ndhila 4 dhedho dhinonikami-edhela Yohova. Yoroma, Yesu unokalecha vambo-i na i-yo nalaleelanga milanyu yapama. (Mat. 28:18-20) Yanembili, Yohova utoruma angelo ira tanikami-enga. (Apk. 14:6) Yaneraru, Yohova utoniva-a zimwee ochena wenuo unonikami-a thuulela vyongo vyafunjedhile i-yo akala nitoviduwala. (Ju. 14:25, 26) Yanenai, Yohova utoniva-a abali naarongola enao anowadhowana i-yo vambo-i malaleela. Mokami-iwa na Yohova thitho abali naarongoli-u, nitokaana yongo iliyothene inanikami-e laba pama basa yolaleela. Mbwenye akala ira munokaechana pwadho mwadhowa malaleela vandhe na vandhe amala nyo a-fwanyamo atu mudhifukenga ira: ‘N’nga hora yen’na atu ali wani?’ (May. 16:13) ‘N’nga ali basani venango magula vyongo?’ N’nga akala ndi e-no, ndinooda afwanya atu anjinji ndhila nowalaleela? w24.04 17 ¶10-11

Akala muli muru wabanja thitho munofuna kala ndimuwa wavapingoni, banja linyu linofwanela kala laifwanafwani-o yapama. Ee-no munofwanela kala “lombwana oing’anela pama banjalee.” Munofwanela kaana limbili loi munodhiveliwana thitho samalela banja linyu. Mwaifwanafwani-o, munofwanela sogolela banja linyu va vyongo vyothene vyokuza lambela Akala muli baba, munofwanela kala oi “a-iminyu anouvwelani na rima othene.” (1 Ti. 3:4) Munofwanela afunji-a mwaudhivela. Pyaimbarimbari ira mofwanafwana na a-ima othene, aliwa anodhiveliwana theya, venango waredha. Mbwenye namwasa oi munowafunji-a pama, aliwa anooda kala ovwela, alemezo, thitho amakalelo apama. Mbwenye muirenga vyongo vyothene vinaode nyo vokami-a a-iminyu ira takale vauxamwali wapama na Yohova, ta-arelenga makhundo a Bibilyani thitho tadhilimbi-edhe ira tabadiziwe. w24.11 22 ¶10-11

Nairanga vyongo vinjinji vom’labela Yohova, paevo vanoona i-yo ira unonikami-a maningi thitho vyo-arelavovyee pyoi ninodha roma m’roromela maningi. (1 Ak. 3:9) Kathuulelani ira Yohova unoona vili rimanimwinyu thitho kanofwanafwani-edhela vyongo vinoira nyo na vinoira atu enango. Liye unosangalala aonanga ira munosimba yotuva ya kuto kumela vathi varimani. (1 Sa. 16:7; Mrk. 12:41-44) Yotuva ya kuto inoiri-a ira nileveleliwe vyodawa vi-u, nikale vauxamwali wapama na Yohova thitho nidedi-edhelenga ingumi yo-omala. Dhoweni nisimbengani udhivela wa Yohova wenuo uiri-idhe ira nifwanye maraeli-o enala. (1 Ju. 4:19) Nithonyi-edhenga thitho ira ninosimba Yesu avelenle ingumiyee namwasa waudhivela. w25.01 31 ¶16-18

Ifwanafwani-o ya mulimbo lemba Salimo 73 inooda ukami-ani. Liye aona ira atu enango taoneya ira vyongo vinoawendela pama thitho katasukwala. (Sal. 73:3-5, 12) Athuulela vyevyo, aona ira m’labela Yohova ndi tatila hora. Mathuulelo enala tanoom’muiri-a ira arucheyenga dambo nlilothene. (Sal. 73:13, 14) N’nga liye airile a-vi? Mulimbo lemba Salimoli, atoodhowa wu limburo lopwaseya wu kachisini wa Yohova. (Sal. 73:16-18) Angafiile weo atooroma thuulela pama thitho atoozindiyela ira angalive atu enango taoneya ira vyongo vinoawendela pama, sogolo liwa kalali lapama. Angathuulele vyongo vyevi, rimee watokaatheya limburonimwee thitho atoona ira atoosakula pama ira am’labelenga Yohova. Vyevi vyatoom’va-a kopolo ira adhowenave m’labela Yohova.—Sal. 73:23-28. w24.10 27 ¶11-12

Yohova utonisakula ira nikale “Mbonidhee.” (Esa. 43:10-12) Vyawa vingasi vivirile ndulimu, karta n’nango lakumenle wu Gulu Lotonga laongile ira: “Ngari ilukulu inakaena mutu uliwethene, kuidhiweyana dhina loi wa Mboni dha Yohova.” Mwasiwa ngwan’ni vili ee-no? Kathuulelani ifwanafwani-oi. Akala munofuna ira mutu mwinango akale mboni vaselwinyu tribunale, munom’sakula mutu unom’mwidhiwa nyo pama thitho m’roromela. Wenuo una limbili lapama lelo linairi-e ira umboneuo atu enango tauroromele. Ee-no vonisakula ira nikale Mbonidhee, vinothonyi-edha ira Yohova unoniidhiwa pama thitho niroromela ira ninooda wandela atu enango ira liye ngu Nlungu waimbarimbari. Ninoona ira ndingari yapereso yavadhulu kala Mbonidhee thitho ninofuna i-ndi-edha basa ngari iliyothene vokami-a atu ira taidhiwe dhinalee, noruni-a vyonama vinjinji vyevyo vinoongiwa vyokuza Yohova. Nairanga vyevi ninokala niiranga vyongo movwelana na dhina li-u loi, Amboni dha Yohova!—Aro. 10:13-15. w24.05 18 ¶13.

Yesu atosangalala maningi namwasa olabela atu enango. Vahora yalaba liye urumiwee, Yesu atoafunji-a noava-a vyongo vyofuneeleya vaingumini. Yesu atoava-a yodya anamafunjedhee noawandela ira tagawedhe vyodyavyo waatu aafunji-a liyeao. (Mrk. 6:41) Voirana vyevi, Yesu atoofunji-a anamafunjedhee ira talabelenga atu enango. Yesu atoothonyi-edha ira mabasa anolaba arumiwi okami-a, mbofuneya maningi. Vinooneya ira arumiwao tanoosangalala maningi laba basa vambo-i na Yesu, yovelela vyodya voi atwao “tatoodya norumbala.” (Mrk. 6:42) Fendo yen’na, chaali yoroma ira Yesu a-ele vasogolo vyofuna vyaatu enango. Vaingumiyee yothene anoolabela atu enango. (Mat. 4:23) Yesu anoosangalala funji-a atu enango thitho anookami-a atu enango fwanya vyongo vyofuneeleya vaingumini. w24.11 16 ¶10-11

Vevo vyongo vinodhowanave aliwa thakala “malambo omari-ala,” mo-okaikela ninodha funeela kami-angana naabali naarongoli-u. Ninooda funeela limbi-a  abali-u enao anovikumbanyedha nowakami-a ira uxamwaliwa na Yohova ukale olimba. Ndhila imbo-i inairelena i-yo vyevi, ndi awachela pama va Nyumbani ya Umwene. Ee-no abali naarongoli-u tafiya vamigumanoni, ninofwanela irana yongo iliyothene mwemo munaodele i-yo ira naakami-e ira tadhivwenga ira anodhiveliwiwa thitho mbobareleya. Andimuwa avapingoni anooda kala limburo lotawelao waabali naarongola enao anogumanana nyarwa dho-iyana i-yana. Vaireya masoka avilengo, venango vafuneelanga kami-o la ximitari mombaranya, andimuwa avapingo anodhilimbi-edha ira takami-e abali naarongola. Aliwa anowalimbi-a na makhundo a Bibilyani. Abali naarongola anokala othathuwa dhowa wa ndimuwa wavapingoni akala atoidhiwa ira ngopwaseya, othuulela atu enango thitho ovuruwana. Makalelo ninga enala anokami-a atu enango dhivwanga ira anodhiveliwiwa thitho vinokala vyo-orucha ira ta-arele malangi-o okumela Bibilyani enao anavelele ndimuwa wavapingoni.—1 At. 2:7, 8, 11. w24.06 29 ¶12-13

Kanithuulelenga ira voi Nlungu ngwakopolo dhothene, kuongela ira kanovwa upha. I-yo atu napanduchiwile muifwanafwani-oyee, ee-no akala ninovwa upha, naliyene thitho unovwa upha rimanimwee. Bibilya linoonga ira Yohova “unosukwala” thitho “unokaana tangaranga.” (Sal. 78:40, 41) Kathuulelani mwasa wa Abrahamu na Isaki. Venango munooda thuulela ira Abrahamu atoowandeliwa ira avelele mwanee m’mbo-ula sembe. (Mar. 22:9-12; Aeb. 11:17-19) Yohova vyatom’pha maningi rimani voona Mwanee aoni-iwanga nyarwa naatu amakalelo othakala fiyedha wukwa. Kuto unonifunji-a ira Yohova unonidhiveliwana maningi, moi kavali bali-u venango fwi-u unanidhiveliwena maningi kwaranya Yohova. (Aro. 8:32, 38, 39) Kaninokaikela ira Yohova unonidhiveliwana maningi kwanyara moda munodhidhiveliwana i-yo. N’nga nyo munofuna kaana ingumi modhowa nodhowa? Idhiwani ira Yohova ngu liye unofuna maningi vyevi. N’nga munofuna ira muleveleliwe vyodawa vinyu? Yohova ngunofuna maningi ulevelelani. Liye unofuna ira nisimbenga yotuva ya kuto, nim’roromelenga thitho nim’vwelenga. Onga mwaimbarimbari, kuto linothonyi-edha ira Nlungu unonidhiveliwana maningi.—Nam. 3:11. w25.01 22-23 ¶8-9

Pyooneelatu ira i-yo othene ninosakula vyongo votukulela vyongo vinoona i-yo venango vinovwa i-yo. Mbwenye ninoonga ee-no namwasa oi metho na rimi-u vinooda nipupwi-a. Ninooda roma vwalavwali-anga vyongo vinofuna Nlungu venango malangi-oee. (Nam. 11:9; Mat. 24:37-39) Mbwenye nawendanga mosogoleliwa nairoromelo, ninodha sakhula vyongo vyoi ndi “vyorumeleya wa Mbwiye. Na-arelanga malangi-o a Nlungu ninodha kaana rendele warimani thitho ninodha kaana ingumi yosangalala. (Sal. 16:8, 9; Esa. 48:17, 18) Nadhowanganave wenda mosogoleliwa nairoromelo, ninodha fwanya ingumi yo-omala. (2 Ak. 4:18) N’nga ninaidhiwe a-vi ira ninowenda mosogoleliwa na iroromelo venango vyooneya na metho? Ninofwanela dhifukanga vyofuka vi: N’nga ndinosakhula vyongo votukhulelan’ni? N’nga ninosakhula vyongo votukhulela vyongo vinoona miyo na metho? N’nga ndinom’nyindela Yohova no-arelanga malangi-oee vosakhula vyoira? w25.03 20-21 ¶3-4

Mutu uliwethene wa-iyo utokaana izo yokami-a atu ira takopeyenga na Paradaizo wauzimu. Ira niode irana vyevi, ninofwanela m’sazi-edhanga Yohova. Liye kanokanyi-edha atu ira tavolowe muparadaizula, malomwee “unowakopa” mwaudhivela. (Ju. 6:44; Jer. 31:3) Atu anamirima yapama enao anofunjedha vya Yohova na makalelwee apama, anoroma kala vauxamwali na liye. N’nga ninaire a-vi ira makalelwi-u apama takope atu enango ira tavolowe muparadaizo wauzimu? Ndhila imbo-i ndi adhiveliwana thitho riyela rima Makristau afwi-u. Atu tafiya vamigumanoni yapingo ninofuna ira tavwivwenga ninga mwemo mwavivwele atu o-ororomeleya tangafiile va migumanoni wu Koritiyo. Aliwa taongile ira: “Mwaimbarimbaridi Nlungu uli vari vinyu.” (1 Ak. 14:24, 25; Zka. 8:23) Ee-no ninofwanela dhowanave a-rela malangi-o alemba la dambo lapenene. w24.04 23-24 ¶16-17