NKINGULA
LONGI DIA 7
Kuyoyi ko
Nkanikinu: “Ke bayambula longa ko yo samuna e nsangu zambote.”—Mav. 5:42.
Adieyi Paulu Kavanga?
1. Tala e VIDEO yovo tanga Mavangu 19:8-10. I bosi, vana e mvutu za yuvu ilende:
Adieyi Tulongokele Muna Mbandu a Paulu?
2. Ntangwa ye ngolo divavanga muna vutuka kingula muntu yo yantika longoka yandi e Bibila.
Tanginina Paulu
3. Kingula o muntu muna ola ina vo yambote kwa yandi. Ukiyuvula: ‘Nkia lumbu ndenda vutuka kunkingula? Nkia fulu ye nkia ola o muntu kezola mokena yame?’ Kalanga yo luzolo lwa kingula o muntu, kana nkutu muna ola ina vo ke yambote ko kwa ngeye.
4. Yuvula kwa muntu e lumbu olenda vutuka diaka kunkingula. Kuna mfoko a konso moko, unyuvula e lumbu ye ola yasikididi olenda vutuka diaka kunkingula. Vanga mawonso muna kunkingula muna ola ye fulu nuwizanene.
5. Kala ye vuvu. Kukadi ye nzaki za yindula ko vo muntu kena ye luzolo lwambote ko wau vo diampasi muna kunwana kuna nzo yovo salu yayingi kekalanga yau. (1 Kor. 13:4, 7) Kwamanana vava o muntu, kansi toma sadila e ntangw’aku.—1 Kor. 9:26.
