Mvovo mia Lusunzulu lwa Kunku kia 3
Muna mvu mialandila Kizalu, Nkand’a Nzambi nkumbu za wantu akete kaka uyikanga ana basadila Yave. Mosi muna awana basambilanga Yave i Abarayama, ona wazayakana vo nkundi a Yave. Ekuma kayikilwa vo nkundi a Yave? Avo u se yovo ngudi, sadisa wan’aku mu zaya vo Yave zola kekubazolanga ye ozolele kubasadisa. Nze Abarayama, Loti, Yakobo ye selo yankaka yakwikizi, yeto mpe tulenda lomba lusadisu kwa Yave. Tuna ye vuvu vo Yave olungisa nsilu miandi miawonso.
MU KUNKU KIAKI
LONGI DIA 7
Nzo Yandá ya Babele
Wantu ankaka babaka e nzengo za tunga mbanza ye nzo yandá yalwaka kuna zulu. Ekuma Nzambi kaswaswanesena e ndinga zau vana vau?
LONGI DIA 8
Abarayama yo Sara Balemvokela Nzambi
Ekuma Abarayama yo Sara basisila e zingu kiau muna Ure yo kwenda zingila kuna Kenani nze atungiani?
LONGI DIA 9
Mwana Ona Bavingilanga Owutukidi
Aweyi Nzambi kadi lungisila nsilu kasia kwa Abarayama? Mu nkia mwan’a Abarayama wadi lunganena o nsilu wau—Isaki yovo Yisemaele?
LONGI DIA 10
Sungamena nkaz’a Loti
Nzambi watwika tiya ye nlengo muna Sodomo ye Ngomora. Ekuma mbanza zazi zafwasilwa? Ekuma tufwete sungamenanga nkaz’a Loti?
LONGI DIA 11
Ndomba Mosi Yampasi
Nzambi wavovesa Abarayama vo: ‘Dodokolo, baka mwan’aku amosi kaka umvana se lukau vana mongo a Moria.’ Adieyi Abarayama kadi vanga mu kuma kia ndomba yayi ?
LONGI DIA 12
Yakobo Watambula e Vua
Isaki yo Rebeka bawuta mapasa, e nkumbu zau Esau yo Yakobo. Wau vo Esau i mwan’antete, wakala ye lau dia tambula e vwa. Ekuma katekela kimbuta kiandi muna longa dimosi dia madia?
LONGI DIA 13
Yakobo yo Esau Bavutulwisi e Ngwizani
Aweyi Yakobo katambulwila e nsambu kwa mbasi? Aweyi kavutulwisila e ngwizani ye Esau?
