EKUMA DININA O MFUNU: Ndonga muna ampofo wonga bemonanga wa mokena ye nzenza. Muna kuma kiaki, divavanga vo twasadila e ndekwa muna kubasila o umbangi. Yave ozolanga yo tokanena e wete dia ampofo. (Lev. 19:14) Tulenda tanginina e mbandu andi muna vitang’o ntu mu sadisa ampofo bakala ye ngwizani ambote yo Yave.

UNA TULENDA WO VANGILA:

• ‘Vavanga’ ampofo. (Mat 10:11) Nga ozeye muntu una ye yitu kia mpofo? Nga muna zunga kieno muna ye sikola, nkubika za tuyalu yovo nzo zilunga-lunganga ampofo zina zivuidi o mfunu wa nkanda miakubikwa mu kuma kia ampofo?

• Songa vo Wete Diau Otokanenanga. Avo osongele o zola kwakieleka yo tokanene e wete diandi, osadisa muntu una vo mpofo mu kubunda e vuvu. Yantika e moko muna diambu dilenda tunta e sungididi kiandi edi ditoma vovelwanga muna zunga kiandi.

• Ubasadisa bazaya Yave. E nkubik’a Yave ivaikisanga nkanda mia mpila zayingi muna sadisa ampofo yovo awana ke betoma monanga ko. Yuvula kwa konso muntu mu yau una bazolele longokela. O nkengi a salu kafwete vava zaya kana vo selo kia salu ona olunga-lunganga e nkanda olombele nkanda mina mpofo kazolele.