Sofoni 3:1-20
3 Mawa na mbanza ya yintu ngolo, mbanza ya mvindu, yina ke nyokolaka bantu!
2 Yandi me tumama na ata ndinga mosi ve; yandi me ndima ata masembo.
Yandi me tula ve ntima na Yehova; yandi me kwiza ve pene-pene ya Nzambi ya yandi.
3 Na kati-kati ya yandi, baprinse ke bankosi yina ke na gangaka.
Bazuzi ya yandi ke bayimbwa ya brusu na mpimpa;Ba ke bikaka ata mukwa ya kudya samu na suka.
4 Bambikudi ya yandi ke ve na buzitu, ba ke bantu yina ke tekaka bampangi.
Banganga-nzambi ya yandi ke vwezaka bima ya santu;Ba ke zitisaka ve musiku.
5 Yehova ke ya kudedama na kati-kati ya yandi, yandi ke salaka ve mambu ya yimbi.
Konso suka yandi ke zabisaka balusambusu ya yandi,Yandi ke kondwaka ve kusala yawu kaka mutindu suka ke kumaka.
Kasi bantu ya kukondwa lunungu me zaba ve nsoni.
6 “Mu kufwaka bayinsi; bayinzo ya bawu ya yinda kumaka ya kubeba.
Mu mwangisaka banzila ya bawu, na yawu ata muntu vanda luta dyaka kuna.
Bambanza ya bawu kumaka ya kubeba, ya ke dyaka ve na muntu, ata muntu ke na zingaka kuna.
7 Mu zonzaka, ‘Ntembe ve nge ke vanda na boma ya munu mpe nge ke ndima masembo,’
Samu kisika ya yandi ya kuzinga mwangana ve—Mu ke lomba yandi mvutu samu na* bamambu nyonso yayi.
Kasi ba vandaka na nsatu ya ngolo kusala bamambu ya yimbi.
8 ‘Na yawu beno tatamana na kuvingila munu,’* me zonza Yehova,‘Tii na kilumbu yina mu ke telama samu na kubotola bima,Samu nzengolo ya munu ke ni ya kuvukisa makanda, ya kuvukisa bimfumu,Samu na kumwangisila bawu nkele ya munu, nkele ya munu nyonso ya ngolo;Samu tiya ya manzangu ya munu ke yoka ntoto nyonso.
9 Samu na manima mu ke soba ndinga ya makanda na ndinga mosi ya kuvedila,Samu bawu nyonso ba lenda kubokila nkumbu ya Yehova,Mpe ba lenda kusadila yandi dipeka na dipeka.’*
10 Katuka na kizunga ya banzadi ya Ityopi,Ba yina ke na bondilaka munu, mwana ya kento ya bantu ya munu yina mwanganaka ke natina munu dikabu.
11 Na kilumbu yina nge ke vanda dyaka ve na nsonisamu na bamambu nyonso ya yimbi yina nge salaka samu na kutelemina munu,Samu mu ke katula bantu ya lunangu na kati ya ngeMpe nge ke vanda dyaka ve na lunangu na mongo ya munu ya santu.
12 Mu ke bika na kati-kati ya beno bantu ya kukuluka mpe ya kulembama,Mpe ba ke bumbana na sika ya nkumbu ya Yehova.
13 Bantu ya Izraele yina ke bikana ke sala ve mambu ya kukondwa lunungu,Ba ke zonza ve mambu ya luvunu, ba ke kuzwa ve mambu ya luvunu na bayinwa ya bawu;Ba ke kudya mpe ba ke lala mpe ata muntu ke pesa bawu boma.
14 Sala milolo ya kilengi, O mwana ya Siyoni!
Sala milolo ya kununga, O Izraele!
Vanda na kilengi mpe sepela na ntima ya nge nyonso, O mwana ya kento ya Yeruzalemi!
15 Yehova me katula balusambusu na zulu ya nge.
Yandi me bingisa mbeni ya nge.
Yehova mfumu ya Izraele ke na kati-kati ya nge.
Nge ke vanda dyaka ve na boma ya mambu ya mpasi.
16 Na kilumbu yina ba ke zonza na Yeruzalemi:
“Kuvanda ve na boma, O Siyoni.
Kubwisa ve maboko ya nge.
17 Yehova Nzambi ya nge ke na kati-kati ya nge.
Mutindu muntu ya ngolo, yandi ke vuukisa.
Yandi ke vanda na kilengi ya mingi samu na nge.
Luzolo ya yandi samu na nge ke pesa yandi kilengi.
Yandi ke sepela samu na nge na milolo ya nsayi.
18 Mu ke vukisa kintwadi ba yina ke ya kufuluka na mawa samu ba vandaka ve na bafeti ya nge;Ba vandaka ve na nge samu na nsoni yina ba vandaka na yawu na bwala ya bunzenza.
19 Tala! Na ntangu yina mu ke telemina ba yina nyonso ke na nyokolaka nge;Mpe mu ke vuukisa muntu ya makulu ya kufwa,Mpe mu ke vukisa kintwadi ba yina mwanganaka.
Mpe mu ke sala ti beno vanda kima ya lukumu* mpe ya nkemboNa bwala nyonso yina fwisaka beno nsoni.
20 Na ntangu yina mu ke kotisa beno,Na ntangu yina mu ke vukisa beno kintwadi.
Samu mu ke sala ti beno vanda kima ya lukumu* mpe ya nkembo na kati ya makanda nyonso ya ntoto,Ntangu mu ke vutula ba yina ba nataka na bwala ya bunzenza na meso ya beno,” me zonza Yehova.
