KYUVU 15
Wapi mutindu nge lenda kuzwa kilengi?
“Ndonga ya ndunda kisika yina luzolo kele, ke mbote kuluta ngombe ya mafuta kisika yina kuyiina kele.”
Bingana 15:17
“Munu Yehova, mu kele Nzambi ya nge, Muntu yina ke longaka nge samu na mbote ya nge mosi, Muntu yina ke twadisaka nge na nzila yina nge fwana kutambula.”
Izayi 48:17
“Kilengi na bantu yina me zaba ti ba ke na nsatu ya mambu ya kimpeve, samu ti Kimfumu ya mazulu ke ya bawu.”
“Nge fwana kuzola mpangi ya nge mutindu nge mosi.”
“Mambu yina beno zola ti bantu sala samu na beno, beno sala yawu mpe samu na bawu.”
“Kyese na bantu yina ke kuwaka dyambu ya Nzambi mpe ke tumamaka na yawu.”
“Ntangu muntu ke vandaka na bima mingi, luzingu ya yandi ke katukaka ve na bima yina yandi ke na yawu.”
“Ni na yawu, kana beto ke na madya mpe bilele, beto ke sepela na yawu.”
“Kilengi ya kukabula ke lutilaka ya kuzwa.”
