Sofoni 2:1-15
2 Beno vukana, ee, beno vukana,O dikanda yina ke ve na nsoni.
2 Tekila musiku banda kusalama,Tekila kilumbu luta mutindu mpusu ya ble,Tekila nkele ya nene ya Yehova kwiza na zulu ya beno,Tekila kilumbu ya nkele ya Yehova kwiza na zulu ya beno,
3 Beno sosa Yehova, beno nyonso bantu ya kukuluka ya ntoto,Beno ba yina ke landaka misiku ya yandi ya kudedama.*
Beno sosa ludedomo, beno sosa kukuluka.
Ntembe ve, beno ke vanda ya kubumbana na kilumbu ya nkele ya Yehova.
4 Samu Gaza ke vanda mbanza yina ke na ata muntu;Mpe Ashkeloni ke vanda ya kubeba.
Ba ke bingisa Ashdodi na kati-kati ya kilumbu,Mpe ba ke timuna Ekrone.
5 “Mawa na ba yina ke zingaka pene-pene ya mubu, na dikanda ya Bakeretite!
Dyambu ya Yehova ke na nwanisaka beno.
O Kanana, bwala ya Bafilisti, mu ke mwangisa nge,Mpe nge ke vanda dyaka ve na muntu yina ke zinga na sika ya nge.
6 Pene-pene ya mubu ke kuma kisika ya kudikisa bibulu,Na mabulu samu na mivungi mpe balupangu ya matadi samu na mameme.
7 Ya ke kuma kizunga samu na bantu ya Yuda yina ke bikana;Kuna, ba ke kudya.
Na mpimpa, ba ke lala na yinzo ya Ashkeloni.
Samu Yehova Nzambi ya bawu ke tula bawu dikebi,Mpe yandi ke vutula bantu ya bawu yina ba nataka na bwala ya bunzenza.”
8 “Mu me kuwa kuseka ya Moabi mpe bifingu ya Baamonite,Yina me sombola dikanda ya munu, mpe mutindu ba ke na zonzaka na lulendo nyonso ti ba ke baka kizunga ya bawu.
9 Ni na yawu, mutindu mu ke na luzingu,” me zonza Yehova ya bimvuka ya basoda, Nzambi ya Izraele,“Moabi ke kuma kaka mutindu Sodome,Mpe Baamonite mutindu Gomore,Kisika ya matiti ya bansende, dibulu ya mungwa, mpe ntoto ya kuyuma samu na ntangu nyonso.
Bantu ya munu yina ke bikana ke botola bima ya bawu,Mpe bantu ya dikanda ya munu yina ke bikana ke baka bima ya bawu.
10 Ni yawu ba ke kuzwa na kisika ya lulendo ya bawu,Samu ba me sombola dikanda ya Yehova ya bimvuka ya basoda mpe ba me kukikumisa na mantwala ya yandi.
11 Yehova ke pesa bawu boma;Samu yandi ke mwangisa banzambi nyonso ya ntoto,Mpe bisanga* nyonso ya makanda ke fukama na mantwala ya yandi,*Mosi na mosi katuka kisika ya yandi.
12 Beno bantu ya Ityopi, beno mpe ke kubwa na mbele ya munu ya mvita.
13 Yandi ke tamba diboko ya yandi na nore mpe ke mwangisa Asiri,Mpe yandi ke kumisa Ninive kisika ya mpamba, mutindu ntoto ya kuyuma.
14 Bibulu ya mutindu nyonso ke lala na kati-kati ya yawu.
Pelikane na ngumba ke lutisa bawu nyonso zole mpimpa na kati ya bayintu ya makunzi.
Ndinga mosi ke yimba na fenetre.
Ya ke na mwangusulu na kisika ya kukotila ya porte;Samu mabaya ya sedre ke vanda na ntangu mpe mvula ke kubwa na zulu ya yawu.
15 Yayi ke mbanza ya lulendo yina ke ya kuvanda na lukengolo,Yina vanda zonza na ntima ya yawu, ‘Mu ke munu mosi, mpe ya nkaka mutindu munu kele ve.’
Yandi me kuma kima yina ke pesaka boma,Kisika yina ke lalaka bibulu ya brusu!
Muntu nyonso yina ke luta kuna ke sala muyosi* mpe ke lakisa yawu musapi.”
