Beto me bokila nge
Kubambukila moyo lufwa ya Yesu
Jeudi 2 avril 2026
Beto me bokila nge na balukutakanu zole yayi
Diskure mosi yina ke salama na yinza nyonso
“Nani ke kumisa dyaka ntoto kitoko?”
Nge ke longoka mutindu ntoto ke kuma dyaka kitoko mpe faso bamambu ke bonga samu na bantu.
Kuzwa kisika yina nge lenda landa diskure mosi yina ke salama na yinza nyonso
Kubambukila moyo lufwa ya Yesu
Na kilumbu ya mfunu yina, Bambangi ya Yehova ke kembilaka lufwa ya Yesu kaka mutindu yandi mosi lombaka yawu.—Luke 22:19.
Byuvu yina bantu ke yufulaka mingi
Nani lenda kwiza?
Muntu nyonso lenda kwiza. Nge lenda kwiza mpe na bantu ya dikanda ya nge.
Ya ke baka ntangu yikwa?
Diskure yina ke salama na yinza nyonso ke sala baminiti 30. Na manima, beto ke sala ngunga mosi samu na kulongoka disolo yina ba me benda na Biblia.
Lukutakanu ya kubambukila moyo lufwa ya Yesu ke sala ngunga mosi.
Wapi kisika ya ke salama?
Samu na kuzaba yawu, kota na “Kuzwa kisika yina nge lenda landa lukutakanu ya kubambukila moyo lufwa ya Yesu” to “Kuzwa kisika yina nge lenda landa diskure mosi yina ke salama na yinza nyonso.”
Kana mu kwenda kuna, ya zola zonza kwandi ti mu zola ndima kukwenda na balukutakanu ya bawu ya nkaka to kulongoka Biblia na bawu?
Ve.
Mabonza ke vanda?
Ve. Na balukutakanu ya beto, beto ke lombaka ve bantu na kupesa mabonza.—Matayi 10:8.
Wa’ faso mu me fwana kulwata?
Muntu ni muntu lenda lwata faso yandi zola. Kasi, Bambangi ya Yehova ke salaka bangolo na kulwata na buzitu mpe ke sosaka ve kutalana.
Wa’ faso bamambu ke salama na lukutakanu yina?
Lukutakanu ke banda mpe ke manisa na nzimbu mpe mosi ya bambangi ya Yehova ke sala lusambu. Diskure ke lakisa samu na yinki lufwa ya Yesu ke mfunu mingi mpe yinki beto lenda sala, samu na kuzwa bambote na mambu yina Nzambi na Yesu salaka samu na beto.
Samu na kuzaba dyaka mingi, tala disolo “Samu na yinki Bambangi ya Yehova ke salá ve lukutakanu ya madya ya Mfumu mutindu mabuundu ya nkaka?”
Wapi kilumbu ke salama balukutakanu ya kubambukila moyo na bamvula yina ke na kwizaka?
2026: Jeudi 2 avril
2027: Lundi 22 mars
2028: Dimanche 9 avril
Samu na kuzaba dyaka mingi, tala bavideo:
Tala wapi mutindu lukutakanu ya kubambukila moyo ke salamaka, mpe tala na bunkufi bamambu ya mbote yina munkayulu ya Yesu ke lungisa.
Ntangu ya nkaka nge kuwaka ti yandi kufwaka samu na masumu ya beto. Kasi, munkayulu ya muntu mosi lenda natina kwandi bamambu ya mbote na ba millions ya bantu?
Yinki ke salamá na Yinzo ya Kimfumu?
Tala nge mosi yina ke na vingilaka nge.
Nge lenda basisa mukanda yayi na internet.