Malaki 4:1-6
4 “Kundi lebaya! ekiro kinemwasa, ekikaka ng’eryokeryo, omughulhu abosi ab’emiyilhabiriryo n’abosi abakabera erisangira omwa bubi bakendisyabya ng’ehisingyi-singyi. Ahathe erithika-thika, ekiro ekikasa kikendisya bathoghothya,” Yehova w’amahe athya, “kandi sikyendisyasigha mulihi kutse muthahi.
2 Aliwe inywe abakasikaya* erina lyaghe, eryuba ly’erithunganene likendi syabakolerya, omwa misalhalha* yalyo imune erilhamya; kandi mukendi syayitsangura ng’ebyana by’ende ebinenehire.”
3 “Kandi mukendi syalyathangirira ababi omwa bisandu byenyu, kundi bakendi syabya ng’etsutsu omwa bulyathiro bw’ebisandu byenyu okwa kiro ngendi syayira eky’erikolha,” Yehova w’amahe athya.
4 “Mwibuke Emighambo y’omughombe waghe Musa, ebilhaghiro n’eritswera ebyo naha Abaisraeli bosi e Horebu nuku babighondere.
5 “Lebaya! Ngabathumira Eliya omuminyereri ekiro kinene kya Yehova kandi ekikathikaya kithe kyasa.
6 Kandi akendi subya emithima y’abathatha okwa baghalha, n’emithima y’abaghalha okw’abathatha, nuku ngaleke erisyasa erisyathinda ekihugho, erikithoghothya.”
