E Biblia yiri mw’omwatsi wa Nyamuhanga, kutse ekinywe, busana nethu munabwire. Yikathukanganaya ngoku thwangakolesya ndeke engebe yethu n’ekya thwangakolha erisimwa na Nyamuhanga. Kandi yikasubiraya ebibulyo bino:

NGOKU WANGABANA EMILHONDO OMWA BIBLIA

E Biblia yirimu ebitabu bike-bike 66. Yithwire mw’ebitsweka bibiri: Amasako w’Ekihebrania-Kiaramaiki (“Endaghano Yakera”) n’Amasako w’Ekigiriki (“Endangano Mbyaka”). Obuli kitabu kye Biblia muli esyosura n’emilhondo. Amasako amakanganibwa, enamba y’erimbere eyikakwama erina ly’ekitabu y’esura, n’enamba kutse esyonamba esikakwama obudoti w’omulhondo kutse emilhondo. Ng’eky’erileberyako, Matayo 1:1 ni Matayo sura 1, omulhondo 1.