ចម្រៀងលេខ៦៦
ចូរប្រកាសដំណឹងល្អ
-
១. ក្ដីពិតពីរាជ្យជាអាថ៌កំបាំងអស់កាលយូរលង់
ឥឡូវព្រះបានបំភ្លឺឲ្យយើងបានយល់ទាំងស្រុង
ព្រះយេហូវ៉ាលោកសុចរិតមានចិត្តមេត្ដា
បើកផ្លូវឲ្យរួចពីភាពខុសឆ្គងហើយបានជីវ៉ា
ព្រះមានបំណងឲ្យបុត្រនៃលោកគ្រប់គ្រងផែនដី
នៅពេលកំណត់រាជ្យលោកនឹងមាន
កំណើតយ៉ាងប្រពៃ
ដើម្បីបុត្រលោកមានភរិយាដ៏ល្អហ្មត់ហ្មង
ព្រះបានរើសតាំងហ្វូងតូចឲ្យមានសិរីរឿងរុង។
-
២. ដំណឹងល្អយើងប្រកាសបានចារទុកយូរជាមុន
ឥឡូវព្រះយេហូវ៉ាចាត់ឲ្យផ្សាយដល់គ្រប់ជន
មានទេវតារួមបម្រើនឹងយើងយ៉ាងសប្បាយ
ជួយយើងផ្សព្វផ្សាយពីរាជ្យព្រះនៅគ្រប់ទីជិតឆ្ងាយ
នាសម័យនេះព្រះបានឲ្យភារកិច្ចថ្លាថ្លៃ
សរសើរនាមលោកនិងញែកឲ្យបាន
បរិសុទ្ធលែងក្រៃ
យើងខ្ញុំមានកិត្ដិយសតំណាងនាមព្រះល្អល្អះ
ដំណឹងល្អដ៏ឋិតថេររហូតយើងផ្សាយប្រកាស៕
(សូមពិនិត្យបន្ថែម ម៉ាក. ៤:១១; សកម្ម. ៥:៣១; ១កូ. ២:១, ៧)
