ចម្រៀងលេខ៦៣
យើងជាសាក្សីព្រះយេហូវ៉ា!
(អេសាយ ៤៣:១០-១២)
-
១. ជនធ្វើរូបព្រះឥតជីវិត
តែពួកគេមិនស្គាល់ព្រះពិត
លោកមានឫទ្ធាខ្លាំងក្លា
កម្លាំងឥតកម្រិត
ហើយព្រះក្លែងក្លាយទាំងប៉ុន្មាន
អនាគតពុំអាចទាយបាន
មិនអាចរកសាក្សីនៅឆ្ងាយឬជិត
ដែលបង្ហាញថាជាព្រះមួយពិត។
(បន្ទរ)
យើងសាក្សីព្រះយេហូវ៉ា
យើងផ្សព្វផ្សាយអង់អាចហានក្លា
ព្រះរបស់យើងរមែងទាយពិតត្រង់
តែងតែសម្រេចដូចបំណង។
-
២. យើងប្រកាសដោយអរចិន្ដា
ពីនាមព្រះនៅគ្រប់ទិសា
ផ្សាយដំណឹងពីរាជ្យលោក
ដោយអង់អាចហានក្លា
យើងជួយអ្នកដទៃយល់ន័យ
ក្ដីពិតដែលឲ្យបានសេរី
កាលបានមាំមួនគេក៏រួមសំឡេង
ច្រៀងសរសើរព្រះខ្ពង់ខ្ពស់លើសលែង។
(បន្ទរ)
យើងសាក្សីព្រះយេហូវ៉ា
យើងផ្សព្វផ្សាយអង់អាចហានក្លា
ព្រះរបស់យើងរមែងទាយពិតត្រង់
តែងតែសម្រេចដូចបំណង។
-
៣. យើងផ្សព្វផ្សាយតម្កើងនាមព្រះ
សម្អាតឲ្យបានភ្លឺត្រចះ
តែព្រមានជនអាក្រក់
ដែលប្រមាថដៀលត្មះ
លោកអភ័យទោសប្រោសប្រណី
បើគេលះចោលផ្លូវអប្រិយ
បម្រើព្រះឲ្យយើងត្រេកអរចិន្ដា
ហើយរៀងរហូតរក្សាជីវ៉ា។
(បន្ទរ)
យើងសាក្សីព្រះយេហូវ៉ា
យើងផ្សព្វផ្សាយអង់អាចហានក្លា
ព្រះរបស់យើងរមែងទាយពិតត្រង់
តែងតែសម្រេចដូចបំណង៕
(សូមពិនិត្យបន្ថែម អេ. ៣៧:១៩; ៥៥:១១; អេគ. ៣:១៩)
