ចម្រៀងលេខ៣៤
ចូររក្សាចិត្តស្មោះឥតងាករេជានិច្ច
-
១. សូមលោកម្ចាស់មើលឲ្យឃើញថាខ្ញុំស្មោះត្រង់
មានចិត្តស្មោះឥតងាករេហើយទុកចិត្តលើលោកផង
ស្ទង់មើលចិត្តខ្ញុំពិសោធខ្ញុំពេញកម្រិត
សូមសម្អាតចិត្តថ្លើមខ្ញុំឲ្យរូបខ្ញុំបានពរពិត។
(បន្ទរ)
រូបខ្ញុំប្ដេជ្ញាស្ម័គ្រអស់ពីដួងចិន្ដា
ចិត្តស្មោះខ្ញុំនឹងរក្សាជានិច្ចឥតប្រែឡើយណា៎។
-
២. ខ្ញុំមិនអង្គុយនឹងជនពាលចិត្តវៀចវេរ
មិនចូលចិត្តសេពគប់នឹងអ្នកដែលស្អប់ក្ដីពិតទេ
ព្រះយេហូវ៉ាកុំឲ្យខ្ញុំបាត់ជីវ៉ា
ដូចជនស៊ីសំណូកនិងអ្នកនាំទាស់ទែងប្រេះឆា។
(បន្ទរ)
រូបខ្ញុំប្ដេជ្ញាស្ម័គ្រអស់ពីដួងចិន្ដា
ចិត្តស្មោះខ្ញុំនឹងរក្សាជានិច្ចឥតប្រែឡើយណា៎។
-
៣. ក្នុងទីគោរពបូជាលោកខ្ញុំចង់នៅ
គ្រប់វេលាប្រណិប័តន៍ដោយបរិសុទ្ធត្រឹមត្រូវ
ហើយខ្ញុំនឹងដើរនៅជុំវិញទីបូជា
ព្រមទាំងថ្លែងអំណរគុណឲ្យមនុស្សឮគ្រប់គ្នា។
(បន្ទរ)
រូបខ្ញុំប្ដេជ្ញាស្ម័គ្រអស់ពីដួងចិន្ដា
ចិត្តស្មោះខ្ញុំនឹងរក្សាជានិច្ចឥតប្រែឡើយណា៎៕
(សូមពិនិត្យបន្ថែម ចសព. ២៥:២)
