ចម្រៀងលេខ១១៧
គុណធម៌របស់ព្រះ
-
១. ឱបិតាជាព្រះគុណធម៌
លោកឲ្យពរយើងច្រើនលើសលន់!
លោកបរិសុទ្ធមានចិត្តភក្ដី
ផ្លូវលោកល្អប្រសើរពេកពន់
លោកមានចិត្តមេត្ដាដល់យើងខ្ញុំ
លើសហួសពីអ្វីយើងនឹកស្មាន
យើងគួរគោរពប្រណិប័តន៍លោក
បម្រើលោកដោយអរគ្រប់ប្រាណ។
-
២. គ្រប់មនុស្សដែលលោកបានជ្រើសរើស
សម្ដែងគុណធម៌បវរ
ពួកគេបង្ហាញដោយការប្រព្រឹត្ត
និងតាមការផ្សាយដំណឹងល្អ
ការបង្រៀនដ៏ល្អរបស់ព្រះ
បានបង្កើតផលល្អច្រើនក្រៃ
សូមលោកផ្ដល់ឫទ្ធានុភាពលោក
ឲ្យយើងមានគុណធម៌ដែរ។
-
៣. សូមលោកឲ្យពរយើងចំពោះការ
ខំបង្ហាញគុណធម៌ផង
ជួយយើងបង្ហាញគុណដ៏វិសេស
ដល់បងប្អូនដោយចិត្តហ្មត់ហ្មង
ក្នុងក្រុមគ្រួសារនិងក្រុមជំនុំ
តាមក្រុងនិងតំបន់រស់នៅ
សូមមេត្ដាឲ្យពរដល់យើងខ្ញុំ
ជួយយើងប្រព្រឹត្តល្អត្រឹមត្រូវ៕
(សូមពិនិត្យបន្ថែម ចសព. ១០៣:១០; ម៉ាក. ១០:១៨; កាឡ. ៥:២២; អេភ. ៥:៩)
