Aap, Guuteqar­neranik up­per­narsaater­pas­suit Biibilimi atuar­neqarsin­naap­put. Tas­sani kajumis­saar­neqar­pugut ‘siuneqas­suser­put’, imaluun­niit eq­qarsarsin­naas­suser­put, atorlugu Guutimik up­perin­nin­ner­put ineriar­tor­tis­sagip­put. (Romamiut 12:1, tastamantitâĸ 1961-imi naqitigaq; 1 Johan­nesi 5:20) Tas­sa up­perisarsior­nik­kut ilin­niar­titsis­sutigineqar­tut misis­soq­qaar­nagit akueriin­nar­tas­san­ngilavut. Guuteqar­nerami qanoq up­per­narsisin­naavar­put? Biibilimi tun­ngavilersuutigineqar­tut uku eq­qarsaatigik­kit:

•   Pin­ngor­titsisoqar­nera nunarsuup avataarsuatalu aaq­qis­suus­saal­luar­neran­nit up­per­narsar­neqar­poq. Biibilimi ima al­las­simasoqar­poq: “Il­luliat tamarmik im­mik­kut sanasoqar­tar­put, tamanil­li sanasoq tas­saavoq Guuti.” (Hebræerit 3:4) Tun­ngavilersuut taan­na ilin­niarluarsimasor­pas­suit paasiuminar­tit­tar­paat. a

•   Inuit tamarmik paaserusut­tar­paat inuuneq qanoq siuner­taqar­nersoq. Inuunerup siuner­taa paasin­ngik­kutsigu amingaateqar­tutut misigis­saagut, al­laat timik­kut pisariaqar­titavut matus­suser­neqaraluar­pataluun­niit. Taman­na ‘anersaak­kut pisariaqar­titsinermik’ Biibilimi taaneqar­tar­poq. (Mat­thæusi 5:3, New World Translation) Guutimik ilisarisiman­nilerusun­neq pal­lorfigin­nik­kusun­nerlu anersaak­kut pisariaqar­titat­ta ilagaat. (Saq­qum­mersitat 4:11) Anersaak­kut pisariaqar­titsiner­put Guuteqar­neranut up­per­narsaataagin­narani aam­mali Pin­ngor­titsisit­ta uagutsin­nik asan­nin­neranut ikin­nguteqarusun­neranul­lu up­per­narsaataavoq. – Mat­thæusi 4:4.

•   Biibilimi siulit­tuuter­pas­suit eq­quuteq­qis­saarsimap­put naak ukior­pas­suit sior­natigut al­lan­neqarsimagaluarlutik. Tamatuman­nga up­per­narsar­neqar­poq inun­niit ilisimasaqar­nerungaar­tumit siulit­tuutigineqarsimasut. – 2 Petrusi 1:21.

•   Biibilimik al­lat­tut nalimin­ni inuusunit ilisimatusar­nik­kut paasisimasaqar­nerup­put. As­sersuutigalugu inup­pas­suit qanga up­perisimavaat nunarsuaq uumasunit as­sigiin­ngitsunit najum­mineqar­toq. Akerlianil­li Biibilimi al­las­simavoq Guutip ‘nuna nivin­ngarsimagaa soqan­ngitsup qulaanut’. (Jobi 26:7) Aam­ma Biibilimi eq­qoq­qis­saar­tumik al­las­simavoq nunarsuaq ‘kaajaluitsuusoq’ imaluun­niit ‘am­malor­tuusoq’. (Esaja 40:22, tastamantitoĸaĸ 1961-imi naqitigaq; Moffatt) Amerlasuut isumaqar­put Biibilimik al­lat­tut Guutimit paasitin­neqar­nermik­kuin­naq tamak­kunin­nga ilisiman­nis­sin­naasut.

•   Apeq­quter­pas­suit akis­sutis­sarsiuminaatsut Biibilimi akineqar­put. Taak­ku akis­sutis­sarsineqan­ngip­pata inuit isumaqalersin­naap­put Guuteqan­ngitsoq. As­sersuutigalugu ima aperisoqar­tar­poq: ‘Guuteqar­pat asan­nit­tumik pis­saaneqar­ner­paamil­lu, taava sooq nunarsuarmi taama ajor­toqar­tigaa? Sooq up­perisarsior­neq ajor­tor­pas­suar­nut pis­sutaagajup­pa?’ – Titusi 1:16.