JW Library قوسىمشاسى
قوسىمشانى وزىڭىزگە ىڭعايلاپ قولدانىڭىز. اندرويد
JW Library قوسىمشاسىن وزىڭىزگە ىڭعايلى ەتۋدىڭ بىرنەشە جولى بار. مىسالى، تاراۋدى نە ماقالانى اشىپ، ەكراننىڭ جوعارعى جاعىنداعى شارلاۋ ۇستەلىنە نازار اۋدارايىق.
قوسىمشا مۇمكىندىكتەردى كورۋ ٷشىن، شارلاۋ ۇستەلىندەگى كوبىرەك تۇيمەسىن ٴتۇرتۋ كەرەك.
JW Library قوسىمشاسىن وزىڭىزگە ىڭعايلى ەتۋ ٷشىن كەلەسى نۇسقاۋلاردى ورىنداڭىز:
ٴتىلىن اۋىستىرۋ
وقىپ جاتقان تاراۋدىڭ نە ماقالانىڭ ٴتىلىن اۋىستىرۋعا بولادى.
تىلدەر تۇيمەسىن باسساڭىز، بۇل مالىمەتتىڭ تاعى قانداي تىلدەردە بار ەكەنىن كورە الاسىز. ٴجيى قولدانىستاعى تىلدەر ٴتىزىمنىڭ باسىنا شىعىپ تۇرادى. «كۇزەت مۇناراسىنىڭ» جەڭىلدەتىلگەن باسىلىمى دا وسى جەردە تۇرادى. كەرەكتى ٴتىلدى تەرىپ تە تابۋعا بولادى.
ٵلى جۇكتەلمەگەن تىلدەردەگى باسىلىمداردىڭ بۇلت بەلگىسى بولادى. بەلگىلى ٴبىر تىلدەگى باسىلىمدى جۇكتەۋ ٷشىن ونى باسىڭىز. باسىلىم جۇكتەلگەن سوڭ، بۇلت بەلگىسى كورىنبەي قالادى. باسىلىمدى وقۋ ٷشىن ونى قايتادان ٴتۇرتىڭىز.
ٴماتىندى باپتاۋ
وزىڭىزگە وقۋعا ىڭعايلى ەتىپ قارىپتىڭ كولەمىن وزگەرتە الاسىز.
ٴماتىندى باپتاۋ تۇيمەسىن نۇقىڭىز. سوسىن جولاقتى جىلجىتىپ، ٴماتىندى كىشىرەيتىڭىز نەمەسە ۇلكەيتىڭىز. تاڭدالعان قارىپ كولەمى قوسىمشاداعى بارلىق باسىلىمدارعا قولدانىلادى.
سۋرەت نە ٴماتىن تۇرىندە كورۋ
كەي باسىلىمداردى سۋرەت نە ٴماتىن تۇرىندە قولدانۋعا بولادى. ولاردى مىنا تۇيمەشىكتى نۇقىپ، اۋىستىرۋعا بولادى.
سۋرەت ٴتۇرى. سۋرەت تۇرىندەگىسى باسىلىمنىڭ قاعازعا باسىلعان نۇسقاسىمەن بىردەي. مىسالى، نوتالارى بار ٵن كىتابى سياقتى باسىلىمداردى سۋرەت تۇرىندە قولدانۋدى قالارسىز.
ٴماتىن ٴتۇرى. باسىلىمنىڭ ٴماتىن تۇرىندەگىسىندە كيەلى كىتاپ سىلتەمەلەرىن نۇقىپ اشۋعا بولادى. ولاردىڭ قارىپ كولەمى ٴسىز تاڭداعانداي بولادى.
باسقا جەردەن اشۋ
باسقا جەردەن اشۋ تۇيمەسى ارقىلى JW Library قوسىمشاسىنداعى مالىمەتتەردى باسقا قوسىمشالاردا اشۋعا بولادى.
بۇل ٷشىن باسقا جەردەن اشۋ تۇيمەسىن باسىڭىز. مىسالى، ونلاين كىتاپحانانى تاڭداپ، وقىپ جاتقان باسىلىمدى «كۇزەت مۇناراسىنىڭ ونلاين كىتاپحاناسىنان» اشا الاسىز.
كيەلى كىتاپتاردى رەتتەۋ
باسىلىمداعى كيەلى كىتاپ سىلتەمەسىن ٴتۇرتىپ اشۋعا بولادى. جازبا ورىندارىنىڭ استىندا ورنالاسقان رەتتەۋ تۇيمەسىن نۇقىپ، جۇكتەلگەن كيەلى كىتاپتاردىڭ قايسىسىن تىزىمدە كورگىڭىز كەلەتىنىن تاڭداڭىز.
قوسۋ نە ٶشىرۋ تۇيمەشىگىن باسىپ، اۋدارمالاردى قوسۋعا نە وشىرۋگە بولادى. ٴتىزىمدى رەتتەۋ ٷشىن كيەلى كىتاپتاردى تومەنگە نە جوعارىعا جىلجىتىڭىز.
JW Library قوسىمشاسىندا باسقا كيەلى كىتاپ اۋدارمالارىن قالاي جۇكتەۋگە بولاتىنى تۋرالى «كيەلى كىتاپتاردى جۇكتەۋ جانە قولدانۋ. اندرويد» دەگەن بەينەروليكتى كورىڭىز.
بۇل مۇمكىندىكتەر 2015-جىلدىڭ اقپانىندا 1 JW Library.4 نۇسقاسىندا شىققان. بۇل نۇسقاسى 2 Android.3-پەن جانە ودان كەيىنگىلەرىمەن ۇيلەسەدى. ەگەر سىزدە بۇل مۇمكىندىكتەر جوق بولسا، «JW Library قوسىمشاسىن قولدانىڭىز. اندرويد» ماقالاسىنداعى «سوڭعى مۇمكىندىكتەرىن قولدانىڭىز» دەگەن تاقىرىپشاداعى نۇسقاۋلاردى ورىنداڭىز.
