كيەلى كىتاپتا تاڭداۋ ەركىندىگى جايىندا نە ايتىلعان؟ قۇداي ادامنىڭ تاعدىرىن ماڭدايىنا جازىپ قويعان با؟
كيەلى كىتاپتىڭ جاۋابى
اللا تاعالا تاعدىرىمىزدى ماڭدايىمىزعا جازىپ قويماعان. ول بىزگە تاڭداۋ ەركىندىگىن بەرگەن. سوندىقتان قانداي شەشىم قابىلدايتىنىمىز ٶز ىقتيارىمىزدا. بۇعان قاتىستى كيەلى كىتاپتىڭ نە دەيتىنىن كورەيىك:
قۇداي ادامداردى وزىنە ۇقساس ەتىپ جاراتقان (مۇسانىڭ 1-جازباسى 1:26). بۇل دەگەنىمىز — كوبىنەسە ىرىقسىز سەزىممەن (ينستينكت) ارەكەت ەتەتىن جانۋارلار سياقتى ەمەس، ٴبىز سۇيىسپەنشىلىك، ادىلدىك سياقتى جاراتۋشىمىزعا ٴتان قاسيەتتەردى تانىتا الامىز. جاراتۋشىمىز تاڭداۋ مەن قالاۋ يەسى بولعاندىقتان، ٴبىزدى دە وسىلاي جاراتقان.
كوپ جاعدايدا بولاشاعىمىز ٶز قولىمىزدا. قۇداي ٴسوزى ٴبىزدى: «ۇزاق عۇمىر كەشۋ ٷشىن، ٶمىردى تاڭداڭدار»،— دەپ شاقىرادى. بۇل ٷشىن «قۇدايدىڭ ايتقاندارىنا قۇلاق اسىپ»، وسيەتتەرىن ورىنداۋدى قالاۋىمىز كەرەك (مۇسانىڭ 5-جازباسى 30:19، 20). بىزدە تاڭداۋ ەركى بولماسا، قۇدايدىڭ بۇل شاقىرۋىنىڭ ٴمانى بولار ما ەدى؟ بۇل ٴتىپتى قاتىگەزدىك بولماس پا ەدى؟! اللا تاعالا ايتقانىن ىستەۋگە ەشكىمدى ماجبۇرلەمەيدى. بۇل ونىڭ مىنا جىلى سوزدەرىنەن بايقالادى: «وسيەتتەرىمە دەن قويساڭدار عوي، شىركىن! سەندەردەگى تىنىشتىق وزەندەي، ادىلدىكتەرىڭ تەڭىز تولقىندارىنداي بولار ەدى» (يشايا 48:18).
ٴبىزدىڭ ومىردە تابىستى، ٴساتتى بولۋ-بولماۋىمىز تاعدىرعا بايلانباعان. ساتتىلىككە قول جەتكىزگىمىز كەلسە، ٶزىمىز ايانباي كۇش سالۋىمىز كەرەك. وسىعان قاتىستى كيەلى كىتاپتا: «قانداي ٸستى قولعا الساڭ دا، ونى بارىڭدى سالىپ ىستە»،— دەپ جازىلعان (ۋاعىزداۋشى 9:10). تاعى بىلاي دەلىنگەن: «ىنتالىنىڭ جوسپارلارى تابىسقا جەتەلەر» (ناقىل سوزدەر 21:5).
تاڭداۋ ەركى — جاراتۋشىمىزدىڭ بىزگە تارتۋ ەتكەن عاجاپ سيى. وسىنىڭ ارقاسىندا قۇدايدى ٶز ىقتيارىمىزبەن، «بار جۇرەگىمىزبەن» جاقسى كورە الامىز (ماتاي 22:37).
ٴبارى ٴبىر اللانىڭ قولىندا ەمەس پە؟
اللانىڭ قۇدىرەتى شەكسىز ەكەنى حاق، كيەلى كىتاپ تا مۇنى راستايدى (ٵيۇپ 37:23؛ يشايا 40:26). ٴبىراق ول بۇل كۇش-قۇدىرەتىن ٵر ادامنىڭ تاعدىرىن جازىپ قويۋ ٷشىن قولدانبايدى، ويتكەنى ولاردىڭ تاڭداۋ ەركىن سيلايدى. ايتسە دە بۇگىندە تاڭداۋ ەركىن تەرىس پايدالانىپ، وزگەلەرگە جاماندىق جاسايتىندار كوپ. ٴبىراق قۇداي ولارعا كۇشىن بىردەن كورسەتپەي، سابىر ساقتاۋدى ٴجون كورىپ وتىر. مىسالى، ول ەجەلدە دە سولاي ەتكەن. وزىنە قارسى شىققان ٴبىر حالىققا قۇداي بىلاي دەگەن: «مەن ۇزاق ۋاقىت بويى... ۇندەمەستەن سابىر ساقتادىم» (يشايا 42:14). الايدا ول ماڭگىلىك بۇلاي شىداپ وتىرا بەرمەيدى (ٴزابۇر 37:10، 11).
قىزىقتى بولار مالىمەتتەر
كيەلى كىتاپ. سۇراقتار مەن جاۋاپتار
ولەتىن ۋاقىتىمىز الدىن الا بەلگىلەنگەن بە؟
نەگە كيەلى كىتاپتا «قايتىس بولاتىن ۋاقىت» بار دەپ ايتىلعان؟
كۇزەت مۇناراسى
كەلەشەگىمىز نە نارسەگە تاۋەلدى؟
استرولوگياعا، كورىپكەلدەرگە، ارۋاقتارعا جانە رەينكارناسياعا سەنەتىندەردىڭ كوبىسى ادامنىڭ بولاشاعى كورىنبەيتىن كۇشتەردىڭ بيلىگىندە دەپ ويلايدى.
كيەلى كىتاپتىڭ ماڭىزدى تالىمدەرى
قۇدايمەن دوس بولۋ مۇمكىن بە؟
عاسىرلار بويى ادامدار جاراتۋشىسى جايلى بىلگىسى كەلگەن. كيەلى جازبالار بىزگە قۇدايمەن دوس بولۋعا كومەكتەسەدى. بۇل دوستىق ونىڭ ەسىمىن بىلۋدەن باستالادى.
كۇزەت مۇناراسى
بولاشاعىڭىز ٶز قولىڭىزدا!
كەيبىر ادامداردىڭ ويىنشا، ادامنىڭ ومىرىنە ماڭدايىنا جازىلعانى اسەر ەتەدى. ٴبىراق بۇل شىنىمەن سولاي ما؟
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.