19-ساباق
جۇرەككە جەتكىزىپ سويلەۋ
ناقىل سوزدەر 3:1
ساباقتىڭ باستى ويى: تىڭداۋشىلاردىڭ بويىندا ەستىپ-بىلگەندەرى ٷشىن ريزاشىلىق پەن ونى ٸس جۇزىنە اسىرۋعا دەگەن ىقىلاس وياتىڭىز.
ۇيرەنۋ جولدارى:
-
تىڭداۋشىلارعا وزدەرىن تەكسەرۋگە كومەكتەسۋ. ولارعا ٶز وي-سەزىمدەرىن تەكسەرۋگە كومەكتەسۋ ٷشىن، ريتوريكالىق سۇراقتار قويىڭىز.
-
تىڭداۋشىلاردىڭ يگى نيەتىنە سەنىپ، تالپىندىرۋ. ولاردى يگى ىستەردى نەلىكتەن ىستەپ جۇرگەندەرىن سارالاۋعا شاقىرىڭىز. بويلارىندا ەڭ ىزگى نيەتتى، اتاپ ايتقاندا، ەحوبا مەن ادامدارعا جانە كيەلى كىتاپ ىلىمدەرىنە دەگەن سۇيىسپەنشىلىكتى وياتۋعا تىرىسىڭىز. ولارمەن بىرگە وي جۇگىرتىڭىز. وكتەم سويلەۋدەن قاشىق بولىڭىز. تىڭداۋشىلاردى ۇيالتىپ-قىزارتپاڭىز. قايتا، باياندامادان سوڭ كوڭىلدەرى جادىراپ، قولدان كەلگەندەرىن ىستەۋگە تالپىناتىنداي بولسىن.
-
نازارلارىن ەحوباعا بۇرۋ. كيەلى كىتاپ ىلىمدەرىنىڭ، پرينسيپتەرى مەن وسيەتتەرىنىڭ ارتىنداعى قۇدايدىڭ كەرەمەت قاسيەتتەرى مەن بىزگە دەگەن سۇيىسپەنشىلىگىنە ەرەكشە توقتالىڭىز. تىڭداۋشىلاردىڭ بويلارىنا ەحوبانىڭ سەزىمدەرىن ەسەپكە الۋعا جانە وعان ۇنامدى بولۋعا دەگەن ىقىلاس ۇيالاتىڭىز.
