49-ساباق
شاڭىراق شاتتىعى (1-ٴبولىم)
توي كۇنى باقىتتان باستارى اينالعان جاس جۇبايلاردىڭ ماڭگى باقي قول ۇستاسىپ وتەمىز دەگەن تىلەگى بولادى. بۇل — ورىندالماس ارمان ەمەس. نەكەلەرىندە كوپ جىلدان بەرى قۇداي سوزىندەگى اقىل-كەڭەستەردى ورىنداۋعا تىرىسىپ جۇرگەن ماسىحشىلەر مۇنى جاقسى بىلەدى.
1. كيەلى كىتاپتىڭ كۇيەۋلەرگە بەرەر كەڭەسى قانداي؟
ەحوبا كۇيەۋلەرگە وتباسى تىزگىنىن بەرىپ، وتاعاسى ەتتى (ەفەستىكتەرگە 5:23 وقىڭىز). ەحوبانىڭ ولارعا قويار تالابى — بۇكىل وتباسىنىڭ پايداسىنا اساتىن شەشىمدەر قابىلداۋ. كيەلى كىتاپتا كۇيەۋلەرگە: «ٵردايىم ايەلدەرىڭدى سۇيىڭدەر»،— دەپ كەڭەس بەرىلگەن (ەفەستىكتەرگە 5:25). ايەلىن جاقسى كورەتىن كۇيەۋ وعان ۇيىندە دە، جۇرت الدىندا دا مەيىرىممەن قارايدى. ول ايەلىن جاماندىقتان قورعاپ جۇرەدى، ونى قاجەتىمەن قامدايدى ٵرى كوڭىل-كۇيى مەن سەزىمدەرىن ويلايدى (تىموتەگە 1-حات 5:8). ال، ەڭ باستىسى، جارىنىڭ رۋحاني كۇيىن ويلايدى، ياعني وعان ەحوبامەن جاقىن دوس بولۋعا كومەكتەسەدى (ماتاي 4:4). مىسالى، ايەلىمەن بىرگە دۇعا ەتەدى، كيەلى كىتاپتى بىرگە وقيدى. كۇيەۋى ايەلىن الاقانىنا سالىپ قامقورلاسا، ٶزىنىڭ ەحوبامەن دوستىعىن ساقتايدى (پەتىردىڭ 1-حاتى 3:7 وقىڭىز).
2. كيەلى كىتاپتىڭ ايەلدەرگە بەرەر كەڭەسى قانداي؟
قۇداي سوزىندە: «ايەل بولسا كۇيەۋىنە زور قۇرمەت كورسەتسىن»،— دەپ جازىلعان (ەفەستىكتەرگە 5:33). ول مۇنى قالاي ىستەي الادى؟ ايەلى كۇيەۋىنىڭ بويىنداعى جاقسى قاسيەتتەرى جايىندا جانە ونىڭ بالا-شاعاسىنىڭ قامىن ويلاۋ ٷشىن قانشاما تەر توگىپ جاتقانى جايلى ويلانسا بولادى. سونداي-اق وتاعاسىنا دەگەن قۇرمەتىن ونىڭ شەشىمدەرىن قولداۋ ارقىلى كورسەتە الادى. ەر ازاماتىن سيلايتىن ايەل ول سەنۋشى بولسا دا، بولماسا دا، كۇيەۋىنە سويلەگەندە جانە ول تۋرالى باسقالارعا ايتقاندا، جىلى دا جاعىمدى سويلەيدى.
3. جۇبايلار شاڭىراقتارىن قالاي بەكەمدەي الادى؟
كيەلى كىتاپتا ەرلى-زايىپتىلار جايىندا بىلاي دەلىنگەن: «ەكەۋى ٴبىرتۇتاس بولادى» (ماتاي 19:5). بۇل — ولار ارالارىنداعى ماحابباتتارىن سۋىتىپ الماس ٷشىن بارىن سالۋلارى كەرەك دەگەن ٴسوز. بۇل ٷشىن ولار ۇنەمى بىرگە ۋاقىت وتكىزىپ، ويلارى مەن سەزىمدەرىن ٴبىر-بىرىنە اشىق ٵرى مەيىرىممەن جەتكىزۋلەرى كەرەك. ەحوبادان باسقا ەشكىم دە، ەش نارسە دە ٶز جارىنان ارتىق بولماۋ كەرەك. ولار اسىرەسە باسقا بىرەۋگە تىم جاقىن بولىپ كەتۋدەن ساق بولۋلارى قاجەت.
تەرەڭىرەك ٷڭىلىڭىز
قانداي كيەلى كىتاپ پرينسيپتەرى نەكەڭىزدى نىعايتاتىنىن بىلەيىك.
4. كۇيەۋلەر، جان جارىڭىزدى ٴسۇيىپ، ايالاڭىزدار
كيەلى كىتاپتا «كۇيەۋلەر ايەلدەرىن ٶز تانىندەي سۇيۋلەرى كەرەك» دەپ جازىلعان (ەفەستىكتەرگە 5:28، 29). مۇنى قالاي تۇسىنۋگە بولادى؟ بەينەروليكتى كورىپ، تومەندەگى سۇراقتى تالقىلاڭىزدار:
-
كۇيەۋى ايەلىن ٴسۇيىپ، ايالايتىنىن قالاي كورسەتسە بولادى؟
قولوستىقتارعا 3:12 وقىپ، مىنا سۇراقتى تالقىلاڭىزدار:
-
كۇيەۋى وسى قاسيەتتەردى نەكەدە قالاي تانىتا الادى؟
5. ايەلدەر، جان جارىڭىزدى ٴسۇيىپ، قۇرمەتتەڭىزدەر
كيەلى كىتاپتا كۇيەۋى ەحوباعا قىزمەت ەتسە دە، ەتپەسە دە، ايەلى ونى قۇرمەتتەۋى كەرەك دەپ جازىلعان. پەتىردىڭ 1-حاتى 3:1، 2 وقىپ، مىنا سۇراقتاردى تالقىلاڭىزدار:
-
ٴسىزدىڭ جولداسىڭىز كۋاگەر بولماسا، ونىڭ ەحوباعا قىزمەت ەتكەنىن قاتتى تىلەيتىن شىعارسىز. وعان قالاي كومەكتەسكەن ٴجون بولار ەدى: توقتاماي ۋاعىزداعان با، الدە جاقسى ايەل بولىپ، سي-قۇرمەت تانىتقان با؟ نەگە؟
كۇيەۋى مەن ايەلى بىرلەسە وتىرىپ جاقسى شەشىمدەر قابىلداي الادى. ٴبىراق كەيدە ايەلى كۇيەۋىمەن كەلىسپەۋى پەتىردىڭ 1-حاتى 3:3—5 وقىپ، مىنا سۇراقتى تالقىلاڭىزدار:
مۇمكىن. مۇنداي كەزدە ايەلى ٶز ويىن جۇمساقتىقپەن ٵرى قۇرمەتپەن ايتسا بولادى. الايدا ول مىنانى ٴتۇسىنىپ، مويىنداۋى كەرەك: ەحوبا وتباسى ٷشىن نەنىڭ جاقسى بولاتىنىن شەشۋدى كۇيەۋگە جۇكتەگەن. كۇيەۋى نە شەشسە دە، ايەلى سول شەشىمىن قولدان كەلگەنشە قۇپتاعانى ٴجون. سوندا شاڭىراقتىڭ بەرەكەسى قاشپايدى.-
ايەلى كۇيەۋىن سيلاپ تۇرسا، ەحوبا نە سەزىنەدى؟
6. وتباسىلىق تۇيتكىلدەردى شەشە الاسىزدار
وتباسى بولعان سوڭ، ىدىس-اياق سىلدىرلاماي تۇرمايدى. سونداي تۇيتكىلدەردى ەرلى-زايىپتىلار جۇمىلا شەشۋ كەرەك. بەينەروليكتى كورىپ، مىنا سۇراقتاردى تالقىلاڭىزدار:
-
بەينەروليكتەگى ەرلى-زايىپتىنىڭ اراسى سۋىپ بارا جاتقانى نەدەن بىلىنە باستادى؟
-
نەكەلەرىن بەكەمدەۋ ٷشىن ولار نە ىستەدى؟
قورىنتتىقتارعا 1-حات 10:24 پەن قولوستىقتارعا 3:13 وقىڭىزدار. ٵر تارماقتى وقىعان سوڭ، مىنا سۇراقتى تالقىلاڭىزدار:
-
وسى كەڭەس قالاي شاڭىراقتى بيىك، بوساعاسىن بەرىك ەتە الادى؟
قۇداي ٴسوزى ٴبىر-بىرىمىزگە قۇرمەت كورسەتۋگە شاقىرادى. قۇرمەت كورسەتۋ دەگەن — ادامعا مەيىرىم تانىتۋ، قادىرلەۋ. ريمدىكتەرگە 12:10 وقىپ، مىنا سۇراقتاردى تالقىلاڭىزدار:
-
كۇيەۋىنىڭ يا ايەلىنىڭ «ول ماعان ٴبىرىنشى بولىپ قۇرمەت كورسەتسىن» دەپ تۇرىپ العانى دۇرىس پا؟ نەگە؟
كەيبىرەۋلەردىڭ ايتاتىنى: «جۇبايىمىز ەكەۋمىزدىڭ ارامىز سۋىپ بارادى».
-
كيەلى كىتاپ ولارعا كومەكتەسە الاتىنىن قالاي تۇسىندىرەر ەدىڭىز؟
تۇيىندەمە
ەرلى-زايىپتىلار ٴبىر-ٴبىرىن ٴسۇيىپ، سيلاسا، كيەلى كىتاپ اقىل-كەڭەستەرىن ورىنداسا، باقىتتى بولا الادى.
قايتالاۋ
-
كۇيەۋ شاڭىراعىن قالاي باقىتتى ەتە الادى؟
-
ايەل شاڭىراعىن قالاي باقىتتى ەتە الادى؟
-
نەكەدە بولساڭىز، كيەلى كىتاپتىڭ قاي كەڭەسى وتباسىڭىزدى بەكەمدەي الادى دەپ ويلايسىز؟
قوسىمشا ىزدەنىڭىز
وتباسى ٶمىرىن كوركەيتەتىن پايدالى كەڭەستەردى وقىپ كورىڭىز.
«باقىتتى وتباسى — باياندى عۇمىر» (كىتاپشا) (حانزۇشا)
قۇدايدىڭ كەڭەستەرى نەكەڭىزدى قالاي باياندى ەتەتىنىن بەينەباياننان تاماشالاڭىز.
كۇيەۋدىڭ باسشىلىعىنا باعىنۋ دەگەن نە ەكەنىن وقىپ كورىڭىز.
كيەلى كىتاپ كەڭەستەرىنىڭ قۇدىرەتىن كورىڭىز.