17-ساباق
يسا پايعامباردىڭ قاسيەتتەرى قانداي؟
جەر بەتىندە بولعاندا يسا پايعامبار نە ىستەگەنىن، نە دەگەنىن بىلگەن سايىن، ونىڭ قاسيەتتەرى اشىلا تۇسەدى. اشىلعان سايىن، ونىمەن جانە ونىڭ اكەسى ەحوبامەن دوس بولعىمىز كەلەدى. يسانىڭ كوركەم قاسيەتتەرىنىڭ كەيبىرى قانداي؟ ٴبىز يساعا قالاي ەلىكتەي الامىز؟
1. يسا قاي جاعىنان اكەسى سياقتى؟
يسا ميللياردتاعان جىل بويى كوكتە سۇيىسپەنشىلىككە تولى اكەسىن باقىلاپ، ودان كوپ نارسەگە ۇيرەندى. سوندىقتان ونىڭ ويلارى دا، سەزىمدەرى دە، ٸس-ارەكەتتەرى دە تۋرا اكەسىنىكىندەي (جوحان 5:19 وقىڭىز). اكەسىنىڭ قاسيەتتەرىنە اينىتپاي ەلىكتەگەنى سونشا — ول: «مەنى كورگەن ادامنىڭ اكەنى دە كورگەنى»،— دەپ ايتقان (جوحان 14:9). ٴسىز يسانىڭ تارتىمدى قاسيەتتەرىن بىلگەن سايىن، ەحوبانى دا جاقسىراق بىلەسىز. مىسالى، يسانىڭ ادامدارعا تانىتقان جاناشىرلىعىنا قاراپ، ەحوبانىڭ سىزگە قالاي جانى اشيتىنىن تۇسىنەسىز.
2. يسا ەحوبانى جاقسى كورەتىنىن قالاي كورسەتتى؟
يسا بىلاي دەگەن: «اكەمدى جاقسى كورەتىنىمدى وسى دۇنيە ٴبىلسىن دەپ، اكەم نەنى وسيەت ەتسە، سونى ورىندايمىن» (جوحان 14:31). جەردە بولعاندا يسا ٴتىپتى قيىن بولسا دا، اكەسىنىڭ ايتقانىن ىستەدى. وسىلاي ونى قاتتى سۇيەتىنىن كورسەتتى. سونداي-اق باسقالارعا اكەسى تۋرالى ايتقاندى ونىڭ جانى سۇيەتىن، ٵرى ولارعا اكەسىمەن دوس بولۋعا كومەكتەسكىسى كەلىپ تۇراتىن (جوحان 14:23).
3. يسا ادامداردى جاقسى كورەتىنىن قالاي كورسەتتى؟
كيەلى كىتاپتا يسا «ادام بالاسىن ەرەكشە جاقسى كورەتىنى» ايتىلعان (ناقىل سوزدەر 8:31). جەردە بولعاندا سول سۇيىسپەنشىلىگىن يسا قالاي كورسەتتى؟ ول ەڭسەسى تۇسكەندەردىڭ ارقاسىنان قاعىپ، قول ۇشىن بەرۋدەن ايانبادى. جاساعان كەرەمەتتەرى ونىڭ قۇدىرەتىن عانا ەمەس، جاناشىرلىعىن دا ايان ەتتى (مارقا 1:40—42). ول ەشكىمدى ٴبولىپ-جارماي، بارىنە بىردەي مەيىرىممەن قارادى. ال سوزدەرى ونى تىڭداۋعا كەلگەن اقجۇرەكتى ادامدارعا جۇبانىش پەن ٷمىت سيلادى. بۇكىل ادامزاتتى جاقسى كورگەندىكتەن، ول سولار ٷشىن قاسىرەت شەگىپ، ٶمىرىن قيۋعا دايىن بولدى. ٴبىراق ول تالىمدەرىن ۇستانىپ ٶمىر سۇرەتىندەردى ەرەكشە جاقسى كورەدى (جوحان 15:13، 14 وقىڭىز).
تەرەڭىرەك ٷڭىلىڭىز
يسانىڭ قاسيەتتەرى جايلى كوبىرەك بىلەيىك. سونداي-اق وعان ۇقساپ، قالاي سۇيىسپەنشىلىك پەن جومارتتىق تانىتا الاتىنىمىزدى كورەيىك.
4. يسا اكەسىن جاقسى كورەدى
يسانىڭ ۇلگىسىنە قاراپ، قۇدايدى جاقسى كورەتىنىمىزدى قالاي بىلدىرۋگە بولاتىنىن ۇيرەنەمىز. لۇقا 6:12 جانە جوحان 15:10؛ 17:26 وقىڭىزدار. ٵر تارماقتان كەيىن مىنا سۇراقتى تالقىلاڭىزدار:
-
يساعا ەلىكتەپ، ەحوبانى جاقسى كورەتىنىمىزدى قالاي كورسەتە الامىز؟
يسا كوكتەگى اكەسىن جاقسى كورگەن ٵرى وعان ۇنەمى دۇعا ەتكەن
5. يسا ادامداردىڭ قامىن ويلايدى
يسا وزىنەن گورى وزگەنىڭ قامىن كوپ ويلاعان. ول شارشاپ تۇرسا دا، ادامدارعا كومەكتەسۋ ٷشىن ۋاقىتى مەن كۇشىن ايامايتىن. مارقا 6:30—44 وقىپ، كەلەسى سۇراقتاردى تالقىلاڭىزدار:
-
يسا وزگەلەردىڭ قامىن ويلايتىنىن قالاي كورسەتتى؟ (31، 34، 41 جانە 42-تارماقتاردى قاراڭىز).
-
ادامدارعا كومەكتەسۋگە يساعا نە قوزعاۋ سالدى؟ (34-تارماقتى قاراڭىز).
-
يسا ەحوبانىڭ قاسيەتتەرىنە ەلىكتەيتىندىكتەن، ونىڭ ىستەرىنە قاراپ ەحوبا جايلى نە بىلە الاسىز؟
-
ادامداردىڭ قامىن ويلاعان يساعا قاي جاعىنان ەلىكتەي الامىز؟
6. يسا وتە جومارت
يسا كوپ نارسەسى بولماسا دا، باسقالارعا بارىن بەرگەن. ول ٴبىزدى دە قولى اشىق، جومارت ادام بولۋعا شاقىرادى. ەلشىلەردىڭ ىستەرى 20:35 وقىپ، مىنا سۇراقتى تالقىلاڭىزدار:
-
يسانىڭ ايتۋى بويىنشا، ٴبىز قاي كەزدە باقىتتى بولامىز؟
بەينەروليكتى كورىپ، مىنا سۇراقتى تالقىلاڭىزدار:
-
بەرەرىمىز كوپ بولماسا دا، باسقالارعا قالاي جومارت بولا الامىز؟
بىلە ٴجۇرىڭىز
كيەلى كىتاپتا ٴبىز ەحوباعا يسانىڭ اتىنان دۇعا ايتۋىمىز كەرەكتىگى ايتىلعان (جوحان 16:23، 24 وقىڭىز). وسىلاي ەتسەك، ٴبىز ەحوبامەن دوس بولۋىمىز ٷشىن يسانىڭ ىستەگەن جاقسىلىعىنا ريزا ەكەنىمىزدى كورسەتەمىز.
كەيبىرەۋلەردىڭ ايتاتىنى: «قيىندىقتار — قۇدايدىڭ سىناعى».
-
اكەسىنىڭ كوركەم قاسيەتتەرىنە ەلىكتەگەن يسانىڭ ارەكەتتەرى ەحوبا ٴبىزدى قيىندىقپەن سىنامايتىنىن قالاي دالەلدەيدى؟
تۇيىندەمە
يسا ەحوبانى جانە ادامداردى جاقسى كورەدى. يسا اكەسى سياقتى بولعاندىقتان، ونى جاقسىراق بىلسەڭىز، ەحوبانى دا جاقسىراق تانيسىز.
قايتالاۋ
-
ەحوبانى جاقسى كورەتىنىمىزدى يسا سياقتى قالاي كورسەتە الامىز؟
-
ادامداردى جاقسى كورەتىنىمىزدى يسا سياقتى قالاي كورسەتە الامىز؟
-
ٴسىز ٷشىن يسانىڭ قاي قاسيەتى ەرەكشە تارتىمدى؟
قوسىمشا ىزدەنىڭىز
يسانىڭ بىزگە ۇلگى بولاتىن كەيبىر قاسيەتتەرى جايىندا وقىپ كورىڭىز.
«يساعا ەلىكتەۋ ٷشىن...»(«يسا پايعامبار — جول، شىندىق، ٶمىر» 317-بەت)
نەگە يسانىڭ اتىنان دۇعا ەتۋ كەرەكتىگىن ٴبىلىڭىز.
«نەگە يسانىڭ اتىنان دۇعا ايتۋ كەرەك؟» («كۇزەت مۇناراسى» (حانزۇشا)، 1-اقپان، 2008)
يسا ايەل زاتىنا قالاي قاراعان؟ سول جايلى وقىپ كورىڭىز.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
