Bo me tomisa kitini “Malongi ya Biblia” ya jw.org sambu na kusadisa bantu na kukota kukonda mpasi na konso disolo. Yai ke landa kele mwa bansoba yina bo me sala:

• Kitini ya mpa “Istware mpi Biblia” ke tubila mutindu bo me taninaka Biblia, me balulaka yo, mpi me kabulaka yo mpi mutindu mambu ya mpa ya bo ke sengumuna to ke mona ke ndimisa nde yo kele ya sikisiki na mambu ya istware.

• Kitini ya mpa “Ngemba mpi Kiese” ke tendula mutindu Biblia lenda sadisa nge na kununga bampasi ya konso kilumbu mpi na kuzwa kiese mpi ngemba ntangu nge ke kutana ti bampasi ya ngolo.

• Kitini ya mpa “Siansi mpi Biblia” ke monisa mutindu bima ya ke monanaka ke monisaka nde Biblia ke tubaka mambu ya sikisiki ntangu yo ke tubilaka mambu ya siansi.

• Bo me tomisa kitini “Bangiufula Yina Bantu Ke Yulaka Mingi” sambu na kusadisa bantu na kuzwa kukonda mpasi bangiufula sambu na konso ntu-diambu.

• Kitini “Makwela mpi Dibuta,” yina ke yinga kitini “Lusadisu Sambu na Bankwelani mpi Bibuti,” ke pesa bandongisila ya mbote ya ke katukaka na Biblia yina lenda tomisa makwela na nge mpi kusadisa nge na kusansa bana.