Inki Mambu Biblia Ke Tubaka?
Keti kilumbu kele lunungu ya kieleka ta vanda na ntoto?
Inki mvutu nge ta pesa?
Ee
Ve
Mbala ya nkaka
Mambu yina Biblia ke tubaka
“Mono ke zaba nde Yehowa ta nwanina muntu ya kukonda mfunu mpi ta zenga mambu ya bansukami na lunungu.” (Nkunga 140:12) Kimfumu ya Nzambi ta tula lunungu ya kieleka na ntoto.
Inki mambu ya nkaka beto lenda longuka na Biblia?
Nzambi ke monaka mambu ya kukonda lunungu ya ke salama bubu na nsi-ntoto, mpi yandi ta yidika yo.—Longi 5:8.
Lunungu ya Nzambi ta tula ngemba mpi lutaninu na ntoto.—Yezaya 32:16-18.
Keti Nzambi ke zolaka kimvuka mosi ya bantu kuluta kimvuka ya nkaka?
Bantu ya nkaka ke kwikilaka nde Nzambi me sakumunaka to me singaka bimvuka ya sikisiki ya bantu, kansi bantu ya nkaka ke kwikilaka nde Nzambi ke sadilaka bantu yonso mambu kiteso mosi. Inki kele dibanza na nge?
Mambu yina Biblia ke tubaka
“Nzambi ke pona-ponaka ve, kansi na konso dikanda yandi ke ndimaka muntu yina ke tinaka yandi boma mpi ke salaka mambu ya mbote.” (Bisalu 10:34, 35) Na meso ya Nzambi, bantu yonso kele kiteso mosi.
Inki mambu ya nkaka beto lenda longuka na Biblia?
Biblia kele ti “nsangu ya mbote” sambu na “makanda yonso, na mabuta yonso, na bandinga yonso, mpi na bansi yonso.”—Kusonga 14:6.
Nge Lenda Sepela Mpi Ti
BIBLIA KE SOBAKA LUZINGU YA BANTU
Mono Zolaka Kunwanisa Kukonda Lunungu
Rafika kotaka na kimvuka mosi ya bantu yina vandaka kuzola kusoba mambu mpi yina vandaka kunwana sambu kukonda lunungu kuvanda diaka ve. Kansi yandi kwisaka kuzaba mambu yina Biblia ya ke tuba nde Kimfumu ya Nzambi ta tula ngemba mpi ta katula kukonda lunungu.
