Beto Kele na Mfunu ya Nsi-Ntoto ya Mbote
António Guterres yina kele sekretere ya nene (secrétaire général) ya Nations-Unies tubaka nde: “Beto ke zinga na nsi-ntoto mosi ya me fuluka na mavwanga.” Ntembe kele ve nde nge ke ndima kibeni mambu yai ya yandi tubaka.
Bansangu ya beto ke landa me fuluka ti mambu yai ya ke pesaka beto mpasi
Maladi mpi bipupa
Bisumbula ya lugangu
Kinsukami mpi nzala
Kubeba ya mupepe mpi ntoto me kuma tiya
Mubulu, nku, mpi kufuta avoka
Bitumba
Ya masonga, beto kele ti mfunu ya nsi-ntoto mosi ya mbote. Nsi-ntoto yina:
Bantu ta vanda ti sante ya kukuka
Bantu yonso ta vanda na lutaninu
Madia ta vanda mingi
Bisika yonso ta vanda mbote
Bo ta sadila bantu yonso mambu na lunungu
Ngemba ta vanda bisika yonso
Kansi, nsi-ntoto ya mbote ke tendula nki?
Inki ta kumina nsi-ntoto yai ya beto ke zinga?
Inki beto lenda sala sambu na kuzinga na nsi-ntoto ya mbote?
Nimero yai ya Nzozulu ya Nkengi ta tubila bamvutu yina Biblia ke pesa na bangiufula yai mpi na bangiufula ya nkaka. Bamvutu yango ke pesa kibeni kikesa.
Nge Lenda Sepela Mpi Ti
NZOZULU YA NKENGI
Sambu na Nki Beto Kele ti Mfunu ya Kimfumu ya Nzambi?
Ntangu bantu ya kukonda kukuka ke yalaka, yo ke nataka bampasi mingi.
