27 УРОКЫР
Мэссихь и лІэныгъэм дапхуэдэу щхьэхуит дызэрищІыжыр?
ЦІыхухэм гуэныхь щІащІэр, гугъу щІехьыр икІи щІэлІэжыр дэ дыкъызытехъукІыжа Іэдэмрэ Хьэуарэ Алыхьыр ІэщІыб ящІащи аращ a. Ауэ дэ хэкІыпІэншэу Иеговэ дыкъигъэнакъым. Абы и Къуэ Хьисэ Мэссихь и фІыгъэкІэ гуэныхьымрэ лІэныгъэмрэ дыкъыІэщІэкІыну Іэмал диІэщ. Библием зэрыжиІэмкІэ, Хьисэ и псэр зэритар дэ щхьэщэхуж тхуэхъуащ. Щхьэщэхужыр — ар зыгуэр щхьэхуит ящІыжын щхьэкІэ щІат уасэращ. Хьисэ уасэу итар — абы и гъащІэ дагъуэншэращ. (Къеджэ Маттэ 20:28.) ГъащІэ мыухыж иІэу щІылъэм щыпсэуну иІа хуитыныгъэр Хьисэ къызэригъэнам и фІыгъэкІэ Іэдэмрэ Хьэуарэ яфІэкІуэда псори дэ къытІэрыхьэну Іэмал диІэ хъуащ. Хьисэ и гъащІэр зэритам иджыри къигъэлъэгъуащ Иеговэрэ абырэ къытхуаІэ лъагъуныгъэшхуэр. Мы урокыр дэ къыддэІэпыкъунущ Хьисэ къытхуищІам щхьэкІэ ди гум илъ фІыщІэр хэдгъэхъуэну.
1. Мэссихь и гъащІэр зэритам сыт хуэдэ сэбэпынагъ иджыпсту къытхуихьыр?
Дэ гуэныхь зэрытхэлъым къыхэкІкІэ мыщІапхъэ куэд дощІэри, Иеговэ и жагъуэ дощІ. Ауэ ди гуэныхьым дыхущІегъуэжу, Хьисэ Мэссихь и цІэкІэ Иеговэ къытхуигъэгъуну делъэІумэ икІи а щыуагъэхэр зэрыдмыщІэжыным иужь дитмэ, дэ Алыхьым и ныбжьэгъуу дыкъэнэфынущ (1 Иуан 2:1). Библием щыжыІащ: «Мэссихь Тхьэм дыбгъэдишэн щхьэкІэ, ди гуэныхьхэм папщІэ гугъуехь зэ ишэчащ, абыхэм папщІэ афІэкІа имышэчыжыну. Щыпкъагъэ игу илъу, щыпкъагъэ зигу имылъхэм щхьэкІэ гугъуехь ишэчащ абы» (1 Петр 3:18).
2. Мэссихь и лІэныгъэм къэкІуэну зэманым сыт хуэдэ фІыгъуэ къытхуихьынур?
Иеговэ Хьисэ щІылъэм къигъэкІуащ цІыхухэм папщІэ и гъащІэр итын щхьэкІэ. Хьисэ и гъащІэ дагъуэншэр итащ езымкІэ «фІэщхъуныгъэ зиІэ дэтхэнэри мыкІуэду къелын икІи мыкІуэдыжын гъащІэ иІэ хъун щхьэкІэ» (Иуан 3:16). Хьисэ и гъащІэр зэритам и фІыгъэкІэ Іэдэм и жыІэмыдаІуэныгъэм кърикІуа зэраныгъэ псор Иеговэ куэд мыщІэу Іуихыжынущ. Аращи, Хьисэ и щхьэщэхуж къурмэныпхъэмкІэ фІэщхъуныгъэ диІэмэ, мыухыж гъащІэ диІэу жэнэтым дыщыпсэуну Іэмал диІэ мэхъу! (Исайя 65:21—23).
НЭХЪ КУУУЭ ХЭПЛЪЭ
Хьисэ и гъащІэр щІитам икІи абы Іэмал къыпхузэІуиххэм теухуауэ нэхъыбэ къащІэ.
3. Хьисэ гуэныхьымрэ лІэныгъэмрэ дыкъыІэщІихащ
ВИДЕОМ феплъи къыкІэлъыкІуэ упщІэр зэпкърыфх.
-
1. ЦІыху дагъуэншэу щыта Іэдэм Алыхьым и жыІэм ебэкъуащ. Абы и ягъэкІэ цІыху псоми лІэныгъэмрэ гуэныхьымрэ я Іыхьэ хъуащ
-
2. Ныкъусан зыхэмылъу щыта Хьисэ сыт и лъэныкъуэкІи Алыхьым жиІэм едаІуэт. Абы и фІыгъэкІэ цІыхухэм Іэмал яІэ хъуащ гуэныхьым къыІэщІэкІыжыну икІи игъащІэкІэ псэуну
4. Хьисэ и лІэныгъэм дэтхэнэ зы цІыхуми сыт хуэдэ Іэмал къыхузэІуихыр?
ВИДЕОМ феплъи къыкІэлъыкІуэ упщІэр зэпкърыфх.
-
Зы цІыхум и лІэныгъэр дауэ цІыху псоми сэбэп зэрыхуэхъуфынур?
1 Тимофей 2:5, 6 итым фыкъеджи мы упщІэм фегупсыс:
-
Іэдэм цІыху дагъуэншэу щытащ. Абы гуэныхь зэрищІам къыхэкІкІэ цІыху псоми гуэныхьымрэ лІэныгъэмрэ я Іыхьэ хъуащ. Хьиси цІыху дагъуэншэу щытащ. Іэдэм и гуэныхьым хуэкІуэ уасэр Хьисэ итауэ жыпІэ щІэхъунур сыт?
5. Щхьэщэхужыр Иеговэ дэтхэнэ зы цІыхуми ирита тыгъэщ
Иеговэ и ныбжьэгъухэм щхьэщэхужыр Алыхьым къахуищІа тыгъэу ялъытэ. Зы щапхъэ деплъынщ. Галатие 2:20 итым фыкъеджи мы упщІэм фегупсыс:
-
Дапхуэдэу Паул и псалъэхэм къызэрыхэщыр щхьэщэхужыр Алыхьым езым къыхуищІа тыгъэу къилъытэу зэрыщытар?
Іэдэм гуэныхь къыщихьам щыгъуэ абы и щхьэмрэ и щІэблэмрэ лІэныгъэм ирищащ. Аращ Иеговэ и Къуэр щІылъэм къыщІигъэкІуар. Хьисэ и гъащІэр итри, дэ Іэмал диІэ хъуащ гъащІэ мыухыж диІэу дыпсэуну.
Мы едзыгъуэхэм фыщеджэкІэ фи нэгу къыщІэвгъэхьэ и Къуэм гугъуехьхэр щрагъэшэчым Иеговэ и гум щыщІар сытми. Иуан 19:1—7, 16—18 итым фыкъеджи мы упщІэм фегупсыс:
-
Иеговэрэ Хьисэрэ уэр щхьэкІэ ящІам сыт хуэдэ гурыщІэхэр къыуитрэ?
ЗЫГУЭР КЪОУПЩІЫНКІЭ ХЪУНУЩ: «Зы цІыхум и лІэныгъэм дапхуэдэу цІыху псори къызэрыригъэлыфынур?»
-
Сыт хуэдэ жэуапт уэ абы ептынур?
КЪЭПЩЫТЭЖ
Хьисэ и лІэныгъэм Иеговэ Іэмал ирет ди гуэныхьхэр къытхуигъэгъуну. Абы и фІыгъэкІэ дэ гуфІэгъуэ къытхуэзыхь гъащІэ мыухыж диІэфынущ.
Мы упщІэхэр зэгъусэу зэпкърыфх:
-
Сыт Хьисэ щІэлІар?
-
Хьисэ и гъащІэ дагъуэншэ итар Іэдэм и гуэныхьым хуэкІуэ уасэу жыпІэ щІэхъунур сыт?
-
Хьисэ и лІэныгъэм сыт хуэдэ Іэмалхэр уэ къыпхузэІуихрэ?
НЭХЪЫБЭ КЪАЩІЭ
Хьисэ и гъащІэ дагъуэншэм щхьэщэхужкІэ щІеджэр къащІэ.
Укъелын щхьэкІэ сыт пщІэн хуейр? Мы упщІэм и жэуапыр къащІэ.
«Хьисэ дапхуэдэу дыкъызэрыригъэлыр?» (интернет-статья, урысыбзэкІэ)
Гуэныхь хьэлъэхэри Иеговэ къытхуигъэгъуфыну?
«Ди упщІэхэм Библием ирит жэуапхэр» («ХъумакІуэ чэщанэ», накъыгъэм и 1, 2013 гъэ, урысыбзэкІэ)
Зы цІыхухъу гуэрым зихъуэжыну Хьисэ и къурмэныпхъэр къызэрыдэІэпыкъуар къащІэ.
«Залымыгъэм и пщылІу сыщытыжкъым» (интернет-статья, урысыбзэкІэ)
a Гуэныхь псалъэм къикІыр мыщІапхъэ гуэр зэрытщІэм и закъуэкъым. Абы иджыри хохьэ Іэдэмрэ Хьэуарэ я быну дызэрыщытым къыхэкІкІэ Алыхьым и лъабжьэ дыкъызэрыщІэкІар.