Σisa, uqbel ad yemmet, yehdeṛ i Buṭrus, Yeεqub, Yuḥenna d Andriyus ɣef “limaṛa n tisin-[is]”, ara d-​ibanen deg wussan ineggura. Yefka-​yasen daɣen i inelmaden-​agi-​ines yiwen n westeqsi yesεan azal, yenna: “Anwa-​t uqeddac agi unṣiḥ yerna d aεeqli, iɣef ara iwekkel ssid-​is at wexxam-​is iwakken a sen-​iţţak lqut di lweqt?” (Matta 24:3, 45; Marqus 13:3, 4) Seg umeslay-​agi “lqut”, ilaq-​aɣ a d-​nefhem lqut n ṛṛuḥ, yeεni tamusni ɣef Ṛebbi. Σisa, iţţusemman dagi “ssid”, iwεed i inelmaden-​is belli ad yextiṛ wid ara sen-​d-​iţţaken tamusni-​yagi s lketṛa di lweqt n taggara. Menhu-​t wagi ara yilin d “aqeddac”, yeεni d “akli”?

Ţ-​ţarbaεt tamecṭuḥt n imasiḥiyen yeţwadehnen. “Ţwadehnen” lmeεna-​s ţwaxtaṛen s ṛṛuḥ n Ṛebbi. “Akli-​yagi” d Asqamu amwellah n Inagan n Yahwa. Yeţţak lqut n ṛṛuḥ i wid yeţţeεbaden Yahwa. Fell-​as kan i neţkel a ɣ-​d-​ifk “amur-[nneɣ] n yirden di lweqt.”—Luqa 12:42.

Iţţuwekkel ɣef “wexxam n Yillu”. (1 Timutawus 3:15) Σisa iwekkel “akli-​yagi” ɣef wayen akk ixeddem weḥric yellan ɣef lqaεa n tuddsa n Yahwa: yefka-​yas ad iḍebber ɣef cci n weḥric-​agi, ɣef ccɣel n uberreḥ akk-​d uselmed di tjemmuyaε-​nneɣ. Iwakken a ɣ-​d-​imudd “wakli unṣiḥ aεeqli” ayen i neḥwaǧ di lweqt ideg i t-​neḥwaǧ, iferreq lqut n ṛṛuḥ ama s tezmamin i nessexdam deg ubecceṛ ama s wayen i d-​nlemmed deg inejmuεen d yegrawen-​nneɣ.

“Akli-​yagi” d “unṣiḥ”, yeεni yeṭṭef di tideţ n Wedlis Iqedsen akk-​d leqdic n uberreḥ n lexbaṛ n lxiṛ, iɣef iţţuwekkel. D “aεeqli” daɣen imi ibedd akken ilaq ɣer leḥwayeǧ meṛṛa i gekseb Lmasiḥ ɣef lqaεa. (Lecɣal 10:42) Yahwa yeţbarak-​it: yesnernay ccɣel-​is yerna yeţεawan-​it akken ad yefreq lqut n ṛṛuḥ s ṭṭaqqa (lketṛa).—Icεaya 60:22; 65:13.

• Anwa i gwekkel Σisa iwakken ad yefk lqut n ṛṛuḥ i inelmaden-​is?

• Acuɣer i nezmer a d-​nini belli “akli-​yagi” d “unṣiḥ” yerna d “aεeqli”?