TIMERNA
Danyil icar-ed melmi ara d-yaweḍ Lmasiḥ
ALMI ɛeddant wakteṛ n 500 sna ɣef zzman ideg iɛac nnbi Danyil, i d-ilul Ɛisa. Acu kan, Yahwa yesseɛlem Danyil ɣef kra n leḥwayeǧ ara d-isseknen melmi ara yeţwadhen Ɛisa, yeɛni melmi ara yeţwaxtaṛ ad yili d Lmasiḥ. Danyil icar-ed: “Ilaq aţ-ţeẓreḍ w’aţ-ţesɛuḍ lefhama: seg wasmi i d-iffeɣ wawal n tuɣalin akk-d uɛiwed n lebni n Yarucalim alamma d Lmasiḥ yellan d Amwellah, ad Danyil 9:25, Ṭrejma n ddunit tajdiṭ, s tṛumit.
ilint sebɛa n ledwaṛ akk-d tnin useţţin n ledwaṛ.”—Iwakken a neɛlem melmi ara d-yaweḍ Lmasiḥ, ilaq a nẓer qbel melmi i tebda lmudda ara yessiwḍen ɣur-es. Ɛlaḥsab n licaṛa n Danyil, lmudda-yagi aţ-ţebdu m’ara “d-iffeɣ wawal n tuɣalin akk-d uɛiwed n lebni n Yarucalim.” Melmi i d-iffeɣ wawal-agi? Ɛlaḥsab n Naḥamya, yiwen seg wid iketben Adlis Iqedsen, awal-agi yeɛnan aɛiwed n lebni n leṣwar n Yarucalim yeffeɣ-ed deg “useggwas wis ɛecrin n tgeldit n Artaḥcasta.” (Naḥamya 2:1, 5-8) Akken i t-id-qqaren lɛulama n ttarix, agellid Artaḥcasta yeṭṭef leḥkem mi gebda useggas 474 uqbel Ɛisa. Ihi, aseggas wis 20 n leḥkem-ines d aseggas 455 uqbel Ɛisa. Neẓra tura melmi i tebda licaṛa-nni n Danyil yeɛnan Lmasiḥ: tebda deg useggas 455 uqbel Ɛisa.
Danyil issken-ed acḥal ara teṭṭef lmudda-nni ara yessiwḍen ɣer “Lmasiḥ yellan d Amwellah.” Di licaṛa-ines, ihdeṛ-ed ɣef “sebɛa n ledwaṛ akk-d tnin useţţin n ledwaṛ.” Acḥal n lweqt ara idum wayagi? Aṭas n ṭrejmat n Wedlis Iqedsen i d-issefhamen belli mačči d smanat (ledwaṛ) n sebɛ eyyam, meɛna d smanat n iseggasen, yeɛni mkul smana teţmettil-ed sebɛa iseggasen. Iyahudiyen n zzman aqdim llan ssnen leḥsab-agi n smanat n iseggasen. Ɣef lemtel, mkul sebɛ snin sɛeddayen aseggas n westeɛfu. (Tuffɣa 23:10, 11) Ihi, di 69 n smanat-nni iɣef i d-tehdeṛ licaṛa n Danyil, mkul smana deg-s 7 iseggasen. Ayagi a d-yefk 483 n iseggasen.
Yegra-yaɣ-d kan tura a neḥseb. Ma neḥseb-ed 483 iseggasen seg useggas 455 uqbel Ɛisa, a nelḥeq ɣer useggas 29 mbeɛd Ɛisa. Deg useggas-agi swaswa ideg i geţwaɣḍeṣ Ɛisa yerna i guɣal d Lmasiḥ! * (Luqa 3:1, 2, 21, 22) Mačči d ayen yessewhamen wamek i teḍra licaṛa-nni n Wedlis Iqedsen?
^ § 2 Ger 455 uqbel Ɛisa akk-d useggas 1 uqbel Ɛisa, llant 454 n sna. Seg useggas 1 uqbel Ɛisa alamma d aseggas 1 mbeɛd Ɛisa, yella 1 useggas (mačči ɛamayen i gellan gar-asen axaṭer ulac aseggas ilem [0]). Seg useggas 1 mbeɛd Ɛisa alamma d 29 mbeɛd Ɛisa, llant 28 n sna. Ma nesdukkel leḥsabat-agi meṛṛa (454+1+28), a d-naf 483 n iseggasen. Ɛisa “iţwakkes”, yeɛni nɣan-t, deg useggas 33 mbeɛd Ɛisa, di smana n iseggasen tis 70. (Danyil 9:24, 26) Ẓer Prêtons attention à la prophétie de Daniel ! ixef wis 11 akk-d Étude perspicace des Écritures, aḥric wis 2, isebtar 995-997. D Inagan n Yahwa i d-yessufɣen tiktabin-agi.