Dɔka Ɛga Ku Ojileyi Nɛhi Nōo Kwu Uwɔ Ajaajɛ

A gáā gba ije ō cice ŋ • Alɔ i gē lɛ ogo kwu abɔ gē miyɛ ije ŋ

 Aɛlā Nɛ Alɔ Géē Nwu

Ɛ̄cī Ajuma: O bu ipu auvidio ɛyɛɛyɛyi, a géē má ɛgɛ nɛ ācɛ lā oyeeyi lɛ ipu aajɛ nɛ Ujisɔsi lā anu klla yuklɔ ku ɔna ō ta a.

Ɛ̄cī Usati: A géē má ɛgɛ nōo gbɔɔ ku uklɔ ku ɔna ō ta ku Ujisɔsi, cɛ lɛ aakacɛ néē ka taajɛ ihayi alɛwa a kóō le ya jila a.

Ɛ̄cī Alaadi: Ipu ɛlā ō ka tɛɛcɛ nōo kahinii: “A Jé Ɔdā Nɛ A Gē Gba Ɛ̄gbā A?” a géē nwu ɛlā lɛyikwu ɔdā nōo ya ɛɛ nɛ ɛlā nɛ alɔ kpɔtuce a cɛgbá, mla ɛgɛ nɛ a géē bi le jé ɔkwɛyi a.

Udrama Néē Géē Mafu

Ɔkoolɔhi Lɛyikwu Ujisɔsi: Uvidio 2 mla 3

Eko nɛ Ujisɔsi ya ubatisim a, ó kwu piya Umɛsayiya amāŋ Ukraist a. Oŋma ɔɔma, ipu aɔya nōo gboce ɔ a, ó má ojama ŋma ɛgiyi Ebilii, ó gbɔɔ ō tu ayikpo ku nu ba, klla gbɔɔ ō ya auklɔ idaago aflɛyi ku nu. Má ɛlā nyā mla aɔdā ɔhá nōo ya ipu auvidio ɛyɛɛyɛyi ku udrama a néē géē mafu ɛ̄cī doodu ku ojileyi nɛhi a.

Má ɛjɛɛji ōmiya a ku a klla má auvidio nyā ŋma u jw.org.

Ɔdi Gē Ya Ipu Ojileyi Nɛhi Ku Alɔ A?

Má ɔdā nɛ a cika ō leyice ō má ipu ojileyi nɛhi ku Ācɛ Ocijali Ku Ujehofa a.

2025 Ojileyi Nɛhi Ku Ācɛ Ocijali Ku Ujehofa: “Ɛ̄gbā Ō Gba Ku Ɔkwɛyi”

Má ɔdā nɛ alɔ géē nwu ipu ojileyi nɛhi ku ihayi nyā a.

Aya Ō Kpii Ku Udrama Ŋma Ubáyíbu Néē Géē Mafu: Ɔkoolɔhi Lɛyikwu Ujisɔsi

Ogbɔɔ ŋma eko nɛ Ujisɔsi gbɔɔ ō yuklɔ ku ɔna ō ta ku nu a, alɛɛcɛ nōo wɛ olɛla ku nu a bɛyikwu ɔ, Ebilii mla aalelekwu obɔbi bɛyikwu ɔ duu. Ɛnyā ya ku Ujisɔsi kóō hii hayi kpaakpa ŋ nɛɛ?