Enti kitai bisi kebuah pechaya pemerinsa deka nadai agi, harapan tu deka ngubah runding kitai pasal pengidup enggau pasal Petara.

Mayuh orang deka ngetuka pemerinsa, tang sida bisi tatak. Chunto iya . . .

Taja pan begian berubat majak canggih . . .

• Penyakit jantung agi nyadi batang kebuah ke ngujungka pemati.

• Bejuta iku orang mati ninting taun ketegal kanser.

• Ku Dr. David Bloom ari majalah Frontiers in Immunology madahka, “Dunya tu agi mayuh penyakit ke enda ulih diubat. Enda ngira nya penyakit ke baru tauka penyakit lama ke datai baru.”

Taja pan situasi ekonomi sekeda menua majak mansang . . .

• Bejuta iku anak mit mati ninting taun lebih agi ba endur ke seranta.

• Bebiliun iku orang enda chukup diberi perengka kena nyaga pemeresi.

• Beratus juta iku orang enda bulih ai ke beresi.

Taja pan mayuh orang nemu pasal hak asasi mensia . . .

• Pemerdagangan mensia agi balat nyadi ba mayuh menua. Nitihka siti riput Pertubuhan Bangsa-Bangsa Bersatu, ba sekeda menua, orang ke jai enda diukum laban piak bekuasa “enda nemu pasal pekara tu tauka enda ulih mutarka penanggul tu.”

  PENERANG KE BUKAI

  Peda video Nama Reti Perintah Petara? ba jw.org/iba.

Petara ibuhka kitai.

Iya nemu pemerinsa enggau penusah ati kitai.

“[Petara] nadai kala enda ibuhka orang ke seranta tauka nejuka sida kena perinsa. Iya enda ninggalka sida, tang nyaut sida lebuh sida ngangauka Iya.”​—MASMUR 22:24.

“Buai semua pengirau kita ngagai Petara laban Iya ibuhka kita.”​—1 PETER 5:7.

Pemerinsa sementara aja.

Bup Kudus madahka tuju Petara ngagai kitai deka nyadi.

‘Petara deka ngendas semua ai mata ari mata sida, lalu pemati deka nadai agi. Nadai agi balat tusah ati, nadai agi nyabak, nadai agi pedis.’​—PEMANDANG 21:3, 4.

Petara deka ngemunaska semua pun pemerinsa.

Iya ngereja tu nengah Perintah Iya.

‘Petara ti di serega deka numbuhka siti perintah ti enda nemu abis. Perintah nya ila enda ulih dialahka, tang iya deka ngerusak semua perintah bukai, lalu udah nya iya deka meruan belama iya.’​—DANIEL 2:44.