Kati Sampi Nuan Didinga Petara?
Lebuh nuan besampi, kati Petara amat ningaka nuan?
NAMA AJAR ARI BUP KUDUS?
Petara ningaka sampi. Bup Kudus nunjukka bukti, Jehovah “diau semak sida ke ngangauka Iya, ke ngangauka Iya enggau ati ti bendar. . . . Iya ninga sabak sida.”—Masmur 145:18, 19.
Petara deka nuan besampi ngagai Iya. Petara mai kitai: ‘Dalam semua utai, bantaika semua peminta kita ngagai Petara ngena sampi, sampi peminta enggau sampi terima kasih.’—Pilipi 4:6.
Petara amat ibuhka nuan. Petara nemu pasal pengirau, sereta penusah ati nuan, lalu Iya deka nulung. Bup Kudus bisi madahka jaku Iya ti munyi tu: ‘Serahka semua pengirau kita ngagai Aku, laban Aku ngibun kita.’—1 Peter 5:7.