PELAJAR 19
Kati Saksi-Saksi Jehovah Orang Kristian ti Bendar?
Kami ke nyadi Saksi-Saksi Jehovah pechaya kami orang Kristian ti bendar. Nama kebuah? Peratika batang ajar pengarap kami, nama kami sereta baka ni kami ngayanka pengerindu ngagai pangan diri.
1. Nama batang ajar pengarap Saksi-Saksi Jehovah?
Jesus madah: ‘Jaku [Petara] nya pemendar.’ (John 17:17) Baka Jesus, utai ke dipechaya Saksi-Saksi Jehovah seruran bepelasarka Bup Kudus. Ambika chunto, peratika sejarah Saksi-Saksi Jehovah. Suba, kami dikumbai Nembiak Bup Kudus. Ba ujung abad ke-19, Nembiak Bup Kudus udah mansik Jaku Petara enggau silik ngambika nemu pemendar ari Bup Kudus. Kami bebendar nitihka pemendar ari Bup Kudus taja pan utai nya enda sejalai enggau ajar ari gerija. Kami mega bekunsi utai ti udah dipelajar enggau orang bukai. a
2. Nama kebuah kami dikumbai Saksi-Saksi Jehovah?
Jehovah ngumbai orang ke nyembah Iya, saksi-saksi Iya, laban sida madahka pemendar pasal Iya ngagai orang bukai. (Hebrew 11:4–12:1) Ambika chunto, ba jeman kelia, Petara madah ngagai nembiak Iya: “Kita tu meh saksi Aku.” (Bacha Isaiah 43:10.) Jesus mega dikumbai “Saksi ke tetap ati.” (Pemandang 1:5) Nya alai, ba taun 1931 kami berengkah ngena nama Saksi-Saksi Jehovah. Kami amat gaga ati ngena nama nya.
3. Baka ni Saksi-Saksi Jehovah neladan pengerindu Jesus?
Jesus rinduka nembiak iya lalu ngumbai sida ruang bilik iya. (Bacha Mark 3:35.) Saksi-Saksi Jehovah mega siti ruang bilik ti besai ke sama pengarap. Nya kebuah kami ngangauka pangan diri bala menyadi. (Pilimon 1, 2) Kami mega “rinduka orang ke arap.” (1 Peter 2:17) Saksi-Saksi Jehovah ngayanka pengerindu tu nengah mayuh macham chara, baka nulung bala menyadi bukai ba serata dunya lebuh sida begunaka tulung.
BELAJAR MAYUH AGI
Pansik meh sejarah Saksi-Saksi Jehovah lalu peda bukti ke nunjukka kami orang Kristian ti bendar.
Utai ti dipechaya orang Kristian ti bendar bepelasarka Bup Kudus lalu sida bekunsika pemendar nya enggau orang bukai
4. Ajar kami bepelasarka Bup Kudus
Jehovah madahka, pemendar ari Bup Kudus deka ditemu orang. Bacha 2 Korint 4:6, lalu kerandauka tanya tu:
-
Nama “penampak” ke “manchar” lebuh nembiak Petara bebendar mansik Bup Kudus?
Peratika baka ni seraban nembiak Bup Kudus, nyengkaum Charles Russell, bebendar mansik Jaku Petara. Mainka VIDEO, lalu kerandauka tanya tu.
-
Nitihka video, baka ni Charles Russell enggau Nembiak Bup Kudus mansik Bup Kudus?
Nemu nuan?
Kekadang, sekeda utai ti dipechaya kami patut diaduka baru. Nama kebuah? Baka penumbuh mata hari ke majak terang-seterang, Petara mega nulung kami belubah-lubah meretika pemendar ari Bup Kudus. (Bacha Jaku Dalam 4:18.) Nyadi, taja pan Bup Kudus enda berubah, tang utai ke dipechayaka kami patut diaduka baru sejalai enggau pemendar Bup Kudus ke majak dimeretika agi.
5. Kami idup sejalai enggau nama kami
Nama kebuah kami ngena nama Saksi-Saksi Jehovah? Mainka VIDEO, lalu kerandauka tanya tu.
-
Nama kebuah nama Saksi-Saksi Jehovah engkeman dikena ba kami?
Nama kebuah Jehovah dekaka orang ke nyembah Iya nyadi saksi Iya? Sida ulih ngetanka nama Iya ti manah lebuh orang madahka pemula pasal Iya. Peratika dua iti pemula tu.
Sekeda pengarap ngajar, Petara dekaka kitai ngena engkeramba tauka tanda kena nyembah Iya. Bacha Adat Lewi 26:1, lalu kerandauka tanya tu:
-
Nama utai ti bendar pasal tu? Nama asai ati Jehovah pasal engkeramba?
Sekeda tuai pengarap ngajar, Jesus nya Petara ti bendar. Bacha John 20:17, lalu kerandauka tanya tu:
-
Nama utai ti bendar pasal tu? Kati Petara enggau Jesus nya sama?
-
Nama asai ati nuan lebuh nemu Jehovah nganjung bala Saksi ngajar utai ti bendar pasal Iya enggau anak Iya?
6. Kami rinduka pangan diri
Bup Kudus madahka, eklisia Kristian nya baka siti tubuh ke ngembuan mayuh perengka ti bebida. Bacha 1 Korint 12:25, 26, lalu kerandauka tanya tu:
-
Nama asai ati orang Kristian ti bendar lebuh menyadi Kristian sida merinsa?
-
Kala nuan meda pengerindu ke diayanka entara Saksi-Saksi Jehovah? Terangka.
Lebuh Saksi-Saksi Jehovah ba siti menua napi penusah, bala Saksi Jehovah ari serata dunya deka jampat meri bantu. Mainka VIDEO kena meda siti chunto. Udah nya, kerandauka tanya tu.
-
Baka ni bantu ke diberi lebuh pengerusak alam tu nyadi nunjukka pengerindu entara Saksi-Saksi Jehovah?
Orang Kristian ti bendar ngayanka pengerindu ngagai orang ke tusah
BISI ORANG MADAH: “Saksi-Saksi Jehovah nya pengarap ti baru.”
-
Kemaya Jehovah berengkah ngumbai orang ke nyembah Iya saksi Iya?
LANSA
Saksi-Saksi Jehovah nya orang Kristian ti bendar. Ruang bilik kami ke sama pengarap bisi ba serata dunya. Utai ti dipechaya kami bepelasarka Bup Kudus. Lalu, kami madah ngagai orang bukai utai ti bendar pasal Jehovah.
Ulang Kaji
-
Nama kebuah kami dikumbai Saksi-Saksi Jehovah?
-
Baka ni kami ngintu pangan diri?
-
Ba runding nuan, kati Saksi-Saksi Jehovah orang Kristian ti bendar?
ARAM BELAJAR
Belajar pasal sejarah kami.
Saksi-Saksi Jehovah—Ngayanka Pengarap, Begian 1: Pansut ari Pemetang (1:00:53)
Peda meh siti ari ajar ti pelesu ke udah diselungkai Saksi-Saksi Jehovah.
Giga saut ngagai tanya ke engka kala diperundingka nuan pasal Saksi-Saksi Jehovah.
“Utai ke Suah Ditanya Pasal Saksi-Saksi Jehovah” (laman web jw.org)
Stephen begedika orang ari bansa bukai lalu ngereja utai ti jai ngagai sida. Peratika utai ti dipeda iya entara Saksi-Saksi Jehovah ke meransang iya ngaga ubah.
“Pengidup Aku Ninting Hari Majak Jai-Sejai” (Menara Jaga, 1 Julai 2015)
a Kenyau ari taun 1879, nembiak Jehovah udah ngeluarka majalah Menara Jaga kena nerangka utai ti dipadah Bup Kudus.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
