JW Library siti aplikasi pechuma (aplikasi software) ti ngemendarka nuan download Bup Kudus, litaricha ke bukai, video sereta program audio ngagai telefon, tablet tauka komputer nuan.

CHARA NGULIHKA IYA: Ambi JW Library ari setur aplikasi. Aplikasi tu bisi dikena ba perengka elektronik. Maya online, buka aplikasi lalu pilih utai ti deka di download nuan ngagai perengka elektronik nuan. Enti nuan enda ulih online ba rumah, nuan engka ulih ngaga nya ba Palan Gempuru, ba librari tauka ba endur bukai ke bisi internet. Udah litaricha di download ngagai perengka elektronik, nuan enda ibuh nyambung ngagai internet lebuh ngena litaricha nya. Laban bisi utai ke baru selalu ditambah ngagai JW Library, nuan patut seruran online kena meresa lalu nyimpan utai baru ba aplikasi nuan.

KEBUAH NGULIHKA IYA: JW Library nyamai dikena lebuh belajarka Bup Kudus kediri empu sereta lebuh ba gempuru. Iya mega senang dikena ba pengawa nginjil kelebih agi lebuh nginjil enda formal.